حوقلو
"لا حول ولا قوة إلا بالله"
طلعت ريام من المجلس وهي تركض نحوهم وتضحك بفرح: اميراتي حبايبي
ركضوا البنات بأتجاهها ومدت ذراعيها وحضنوها بقوة لأنها انقطعت عنهم لمدة 4 سنين ماكانت تجي لهم بسبب تعب طلال
خرج الجد راشد يستقبلهم: هلا ببنات طلال
ناظروه بحقد وماردوا عليه
نبست ريام: ليش تاخرتوا
لفو البنات للعيال وسكتوا ولفت لهم ريام وتقدمت من العيال بقلق: بسم الله وشفي وش صار بوجيهكم
ضحك بهاج من نظرات البنات الي ورا ريام ويهمسوا بأنهم ما يقولوا شي: والله يا خالة تمشكلنا مع عيال... كانوا فاهمينا غلط
ونبس فهد بألم: بس والله يا عمة ايديهم مررة ثقيلة
ناظرته ليال بحدة ونبست ريام: الله لا يوفق..
صارخوا البنات: لاا لااا
نبست ليلى: لاتدعين عليييهم
عقدت حجاجها ريام: بسم الله وش فيكوا؟؟ليش مادعي عليهم ما شفتي وجيهم
تقدمت منها ليال:تراا عيال اعمامنا هم الي غلطانين
نبست حياه: ايي اي صح هم الي متحر...
قرصتها ريحانه قبل لا تكمل جملتها وطلع منها: اهخ
نبس أحمد لريحانه: كفو يا بنت العم
ريام: والله ماني فاهمه اي شي منكم تعالو يلا اتعشوا التعب واضح على وجيهكم
مشت ريام قدامهم وكانو يهمسون من وراها
لف احمد لحياه: كنتِ بتخربين كل شي!!
تاففت حياه:خلاص ماخذت بالي!!
فهد: المشكلة انها لسه تقول متحرشين
لفت له ليال: لا تتدخل انت!
رفع فهد حجاجه: انتِ الي لا تتدخلين!!
نبست ريحانه: خلاص تكفون
دخلوا البنات مكان الحريم وارتبكوا من كثرتهم
همست حياه: يماما وش ذا!!
ليلى: والله مادري!! حنا من متى عايلتنا كبيرة كذا؟؟!
دخلو البنات ورا أمهم ونبست بسعادة: بناتي جم
ناظرتهم الجدة حليمة من فوق لتحت وهمست ريام للبنات عشان يسلمون عليها.. تقدموا وسلموا عليها وجلسوا جمب أمهم
نبست الجدة حليمة: هلا بلبنات الي كأنهم ما عندهم اب!
عقدت حجاجها ليال ونبست: كيف يعني
ميلت فمها حليمة: 15 سنة ماتجون تشوفون ابوكم! ولما تعب ماكلفتوا انفسكم وجيتوا تتطمنوا عليه!
تنهدت ريحانه: كنا مشغولين ما قدرنا نجي لكن كنا نتصل على ماما نطمن عليه
حليمة: لا والله؟! تعبتوا مره
تنهدت ليلى وهمست: استغفر الله العظيم
قامت ريحانه من مكانها ونبست ريام: وين رايحه
لفت لها ريحانه: ماني قادرة والله ابغى انام
ريام: طيب تعالي بوريكي غرفكم
مشت معاها ريام لحد الباب لكن توقفها حليمة وتنبس: تعالي اقعدي يا ريام صبي لنا قهوة
لفت ريحانه لأمها: خلاص انتِ اقعدي وانا بروح
ريام: طيب اسمعي بتلاقي الغرفة بأخر دور على الشما..
حليمة: يلا رياام
هزت ريحانه راسها وطلعت برا.. اخذت نفس تستنشق هواء الفجر وتناظر حوالينها معقول ذي المزرعة الي تربت فيها وعاشت اجمل واسوء لحظات حياتها
تقدمت بأتجاه البيت وناظرته بذهول هو من براا فخم بس من جوا افخم بكثيير اختيار العفش والديكور ما يناسب اجواء المزرعة ابد!
طلعت على السلم بتعب وهي تردد آخر دور على اليمين
طلعت آخر دور ووقفت محلها لما شافت غرفتين على اليمين ومثلهم على الشمال
همست: طيب اي غرفة فيهم!
تقدمت تمشي للغرفة الاولى حسب ظنها بأنها هي
فتحت الباب وتقف محلها بصدمة لما شافته عاري من فوق يغير ثوبه ونطقت: اسفة اسفة والله بهاج كنت احسبها غرفتي
لف لها بهاج وهو كاتم ضحكته وهي تناظر للارض ومنحرجة: لا معليك ريحانه.. غرفتك قدام
قفلت الباب بسرعة واتجهت للغرفة وهي منحرجة وتكلم نفسها: غبية غبيية ليش ما خبطتي بالاول!! دخلت الغرفة و لفت على المراية الي جمبها وناظرت عبايتها والبنطلون الجينز: اووف كيف انام انا كذا!! ابغى شنطت..
قطع كلامها صوت تخبيط علي الباب فتحت الباب ونبس بهاج: تبغين شنطكم الان ولا لما يجون اخواتك
تنهدت براحة: والله انك تقرا افكاري!! ابغاها الان تكفى ابغى انام
هز راسه وتقدم بأتجاه السلم وقفلت باب الغرفة ومشت وراه.. لف لها بهاج: ليش جاية
ريحانه: جاية معاك
ميل راسه: يا بنت الحلال اقعدي بلغرفة وانا بجيبها لحد عندك
ما ردت عليه وتخطته ونزلت قبله ونادى عليها وهم ينزلون على السلم: يا بنت اسمعي الكلام!!
لفت له بغيظ ونزلت فتحت باب القصر وتقدمت بأتجاه السيارة وتكت على السيارة وهي تناظر له وهو يفتح السيارة
لف لها: وترتيني ترا بنظراتك ذي! وش تبغين
ناظرته بأحراج: بقول شي
بهاج: قولي
سكتت لعدة ثواني ونبست: بهاج
ناظر لها بهاج بهدوء: سمي
نزلت راسها وهمست:جوعانه
عقد حجاجه و نزل راسه يحاول يسمعها: ايش؟؟
رفعت عينيها من على الارض ونبست: جوعانة
ضحك بهاج وعدل وقفته: طيب ليه طلعتي قبل لا تتعشين
تاففت ريحانه: جدتي كانت ترمي كلام و انا ماني فايقة لها
قفل شنطة السيارة وتكى عليها ونبس: طيب كويس انك ما سمعتي كلام من العمة شريفة
تنهدت وضحكت: اييي الحمد لله لحقت نفسي
ضحك و عدل وقفته:طيب بدخل مجلس الرجال اجيبلك اكل
مشى بهاج ونبست ريحانه: بهاج
لف لها: لبيه
ريحانه: تعشيت؟
هز راسه بلنفي ونبست: طيب جيب لك اكل ناكل مع بعض
ابتسم بهاج وهز راسه بلايجاب ودخل المجلس
اخذت نفس تناظر السماء ودخلت القصر تتجه للسطح
أنت تقرأ
لو الخلايق على حبك تنازعني يبطون
Romanceيا سعود إن ما جابه الشُوق وشلون بتجيبه مكاتيبي؟. يا سعود عاقني حُبه عن المحبين من يفك القلب منّه. مرت سنين يا سعود ما فارق البال له في حنايا الروح روحي وجيّه. والم...
