لو الخلايق على حبك تنازعني يبطون

8

طلعت الغرفة وشافت البنات يتجهزون..
ليال:يلا ريحانه... ترا قربنا نخلص
طلعت ريحانه لابتوبها: ثواني بخلص شي للشغل والبس علطول
ليلى:يي رحمتك.. والله قولنالك تشتغلين مع خلودة بس أنتِ مانك موافقه
ضحكت ريحانه: خلودة!
لفت ليال لليلى: حرام عليك الولد معضل وطول بعرض وتقولين عليه خلودة!
لفت لهم حياه بعصبيه: انا خلصت ترااا
نزلوا البنات وريحانه لسه تتجهز..
لبست عبايتها، حطت الطرحة على راسها وتركت شعرها منسدل على كتفيها، لبست شوزها واخذت موبايلها والشنطة ونزلت

،
فهد: وشو ما بتركبون؟
ليال: بنركب سيارة بهاج
قلدها فهد: "بنركب سيارة بهاج" احسن!
ناظرته بإشمئزاز:ما برد عليك تكفي نظراتي..
ضحك فهد وركبوا البنات السيارة وتركوا المقعد الي قدام
ركب بهاج السيارة وفتح شباكه وطلع يده
خرجت وهي تتكلم بلموبايل لمحته يناظرها وابتسمت له.. وابتسم لها بهدوء
ليال: والله في مرة بجيب المدير ذا من شعره
ليلى: ما عنده غير شعرتين
ليال: ننتفها عادي
لف عليهم بهاج: على من تحشون
تقدمت ليال: مدير ريحانه الزفت ذا ما يرحمها
بهاج: طيب ذا شغلها
رجعت لمقعدها: وي بهاج تتكلم مثلها!
ضحك ولف راسه يناظرها.. قفلت ريحانه المكالمة ومشت نحووهم
فتحت الباب وهي تركب جنبه ريحانه: الله تركتوا المقعد الي قدام
ضحكت ليلى: عشان تدرين اننا نحبك
اشار بهاج للعيال عشان يتحركوا.. وشغل سيارته وخرج من المزرعة
بعد دقايق البنات ورا مشغولين بلتصوير ولفت له ريحانه بهدوء: بهاج..
نطق بهاج وهو يناظر الطريق: سمّي
ريحانه: ليه ما فكرت تسوي شغل خاص لك
بهاج: كيف؟
ريحانه: يعني من وانت صغير كنت تقول تبغى تكون رجل اعمال ناجح ولك شركتك الخاصة ومدري ايش..
ناظرها بهاج لثوان ولف يناظر الطريق
ونطق: تمشي الرياح بما لا تشتهي السُفن
ريحانه: احيانا تمشي بما نشتهي.. لكن واضح انت الي ما تبغى..
مارد عليها ولفت تناظر الجهة الثانيه ونطقت ليال: ريحانه شغليلنا شي نسمعه
ريحانه: لا مصدعة
بهاج: وصلنا ترا
رفعت حاجبها ليلى: الله بذي السرعة
هز راسه بلايجاب وركن السيارة ونزلوا البنات وهم يناظرون المول
لاحظت ريحانه بهاج ترك شماغه بلسيارة
لفت له: ليش ما لبسته
لعب بشعره ونطق: أعرف وحدة كذا.. ما تحبه
ضحكت ريحانه وهي تناظره وركن أحمد سيارته ونزلوا العيال وتقدموا منهم
ناظرت ليلى المول ونطقت: مو بطال
لفت لها ليال: اييه كنت احسبه شين
آدم: تراه مو دبي مول
لفت له ليلى: وي آدم تكفى لا تنعدي من فهد
لف لها فهد:بنت! لا تحشروني بنص كلامكم
ضحكت ليال: عديت الولد حرام عليك
ضحكوا على ريأكشن فهد وانزعاجه منها ولفوا لريحانه الي مشغولة بموبايلها
نطقت ليال: بسحبه منك ترا
ريحانه وهي مشغوله بموبايلها: كأني العب يعني!
تنهدت ليال.. ونطق أحمد: وش راح تشترون
حياه: دريس..و عباية كذا وشوية ميكب
نبست ريحانه: وهيلز.. كمان
بهاج لف لها: انتِ مشغولة بأيش الحين
قفلت موبايلها وناظرت له ونطقت: للشوبينج.. طبعا
ضحك بهاج ودخلوا للمول وهم يناظرون
ريحانه: اتمنى الاقي شي يعجبني هنا
أحمد: بتلاقين الاشياء الي بتعجب الديرة
حياه: صح! العرس.. بيكون مررة بدوي ولا يعني مثل افراحنا افراح 2024
لفت لها ليال: تلاقينهم لسه ما وصلوا لألفين وسبعة
فهد: لا ترا مو لذي الدرجه يمكن وصلوا ل 2008 تغيرت تعابير البنات ووقفوا فجأة ونطق بهاج: يا ولد لا تقول كذا يعني يمكن نقول ثابتين على 2016
ضحكت ريحانه:وي كلكم نفس الدمم!..
ابتسم بهاج وعض شفته يكتم ضحكته
يكملون مشي البنات بضحكاتهم المعتادة، والعيال يمشون وراهم يحاولون يسوون نفسهم مسيطرين
لف آدم لفهد: ياخي وش فيهم مبسوطين كذا؟ حسيتهم يتجهزون لعرسهم
ضحك فهد:عادي ياولد، الحريم والسوق... زي بعض
لف لهم أحمد:خلهم.. مايدرون وش منتظرهم