وهو في طريقه الي الميتم في داخله شئ يقول له لا تذهب اعطي المال لاي حد لا تذهب لكن جسده يفعل غير ذلك قدمه ويداه تتحكم في السيارة ناحيه الميتم بعد وقت ليس بالطويل وقف بجانب سور الميتم لا يعرف يدخل أو يحدث أحد يأخذ منه المال وأثناء تفكيره وجد شيء ضرب وجه بقوه ليتأوه بألم شديد وضع يده علي أنفه وجد دماء ليقول بألم " انا غلطان اني جيت والله ده ايه ده " نظر إلي الكره التي أمامه اخذها وذهب الي الداخل ليجد خناقه تدور بين الأطفال علي من سوف يخبر المسؤوله عنهم بأن الكره خرجت
هتف بضيق وصوت مرتفع " ولاااا انت وهو مين فيكم اللي طلع الكرة برة "
نظر الاطفال له بفرحه لتركض ناحيته سريعا هذه الصغيرة وتتشبت في قدمه وهي تهتف " شهاب حبيب قلبي ، لكن ابتعدت عنه حين نزل الي مستواها وهتفت بضيق " كنت فين طيب كل ده كده تسيبني كل ده من غير راجل يحميني من شويه الاوباش دي"
اقترب منه صغير اخر وهتف بعقلانيه " نيرو ابعدي كده لما نشوف انفه مالها هتف بقلق " هي الكورة جات فيك يا شهاب انا اسف والله مكنتش اقصد "
لعب في شعره بحنان " استني عليا بس اخلص اللي جاي عشانه واغلبك دلوقتي "
نظر إلي باقي الاطفال بحنان وهتف " وحشتوني يا قرود جايه ليكم تاني بس استنوا "
القي لهم الكرة مرة أخري وذهب ناحيه أحد الفصول الموجوده في الميتم لتعليم الاطفال وجدها ترفع الفتي من ملابسه بغضب وهي تهتف " انت ياض بطل تسبيل للبت ايه هي سايبه"
هتف شهاب بغضب من طريقتها مع الطفل " لا ده انت اللي مفكراها سايبه سيبي الولد ، ثانيا انت مين اصلا !؟"
هتفت هي بصوت اعلي " انا مين انت اللي مين يا اخويا وايه اللي جابك هنا هي وكاله من غير بواب يا حبيب امك "
سيرة والدته هنا الخطأ " امسك يدها وجرها خارج الفصل وهتف بغضب شديد " انا اعدي اي غلط الا سيرة امي ، انطقي انت مين ومين شغلك هنا من غير لف"
" هو انت عبيط في دماغك ولا ايه هو ايه من غير لف انت دخلت لقتني بسرق ولا بقتل العيال ثانيا كلمني كويس وبعمل ايه هنا انا مديرة الميتم يا حبيبي واحنا مش بنقبل تبرعات لو جاي عشان كده الميتم ليه صحابه وعدي كده الحق البت من الواد ....نورت " هتفت بذلك بسرعه وهو ينظر لها وهي تتحدث لا يفقه كيف مديرة المكان هو يعرف أن مدام رحمه هي المديرة لكن من هذه
خرج من الفصل الصغير وهو ينظر حوله بخوف وجد ضالته وهو شهاب ركض ناحيته وهو يقفز عليه ويهتف" وحشتني خالص يا شيبو وحشتني "
عانق شهاب الصغير بحب وهو يهتف'' حبيب قلبي يا قصي وحشتني انت كمان "
أنزله ثم أمسك أذنه وهتف" هتبطل بقي امتي ترخم علي البنات يعني "
نظر قصي حوله بضيق وهو يهتف " ابعد ايدك عني يا شهاب الا حد من المزز يشوفوني شكلي هيكون دايس الكاريزما تروح"
