ဗုဒ္ဓဘာသာ၀င်မိန်းကလေးက စာအုပ်တစ်အုပ်ထဲကို ကူးပြောင်းသွားတယ် BOOK ¹

Chapter 79

Unicode

ချန်းကျစ်ရဲ့reply ပြန်ရောက်လာတယ်။

[မင်း ကျွန်တော်နဲ့လိုက်ပေးလို့ရလား]

ကုမျန်က ငြင်းချင်ပေမယ့် ချန်းကျစ်ရဲ့ WeChat မက်ဆေ့ခ်ျက ထပ်ရောက်လာပြန်တယ်။ [ဆောရီး၊ မင်းက ကျော်ကြားတဲ့ကြယ်ပွင့်မှန်း အခုမှသိလိုက်ရတာ ကျွန်တော်ရဲ့ ရဲတင်းလွန်းတဲ့ တောင်းဆိုမှုကို ပြန်ရုပ်သိမ်းလိုက်မယ်]

ကုမျန်ကတော့ အရမ်းမအံ့သြသွားဘူး။

"Ask the Immortals"က အခုအချိန်အထိ ရုပ်ရှင်ရုံကနေ မဖြုတ်ချရသေးဘဲ လတ်တလော အွန်လိုင်းပေါ်မှာ သူမ‌အကြောင်းခေါင်းစီး‌တွေ လုံလုံလောက်လောက် ရှိနေတယ်လေ။ ပြီးတော့ သူမက လွန်ခဲ့တဲ့သုံး‌ရက်လောက်ကလည်း hot search ၀င်ခဲ့သေးတယ်။ ဒါကြောင့် ချန်းကျစ်က အင်တာနက်ပေါ်ကနေ သူမရဲ့ အသက်မွေးဝမ်းကြောင်းအလုပ်အကြောင်းကို သိခဲ့တယ်ဆိုတာက အံ့သြစရာမဟုတ်နေပေ။

ကုမျန်ရဲ့လက်ချောင်းတွေ အနည်းငယ် ရွေ့သွားတယ်။ [ကျွန်မက ကျော်ကြားတဲ့ကြယ်ပွင့်မဟုတ်ပါဘူး]

[Wow မင်းက အခု အရမ်းနာမည်ကြီးနေတာလေ မင်းက ကျော်ကြားတဲ့ကြယ်ပွင့်မဟုတ်ဘူးလို့ ဘာလို့ပြောရတာလဲ]

ကုမျန်က ခဏလောက် စဉ်းစားတယ်။ သူမက "Ask the Immortals" ဇာတ်လမ်းတွဲမှာသာ သရုပ်ဆောင်ရသေးပြီး reality showကို မလွှင့်ရသေးပေ။ သူမအရင်က ကုကော်အန်းနဲ့ သရေစာဆိုင်ကိုသွားခဲ့ပေမယ့် သူမကို ဘယ်သူမှမမှတ်မိခဲ့ကြဘူး။

ဒါကြောင့် သူမက အနည်းငယ် ရေပန်းစားနေပေမယ့်လည်း  ကျော်ကြားတဲ့ကြယ်ပွင့်တော့ မဟုတ်သေးကြောင်း ကုမျန် တကယ်ကြီးခံစားမိတယ်။

လော့ချယ်လိုကြယ်ပွင့်ကမှ ကျော်ကြားတဲ့ ကြယ်ပွင့်လို့ ယူဆလို့ရတယ်။

ဒါကြောင့် သူမက ရိုးရိုးသားသားပဲ ပြန်ဖြေလိုက်တယ်။ [ကျွန်မကို ကြယ်ပွင့်လေးလို့ပဲ မှတ်ယူလို့ရတယ်]

ချန်းကျစ်က အပြုံးတစ်ပွင့်နဲ့ replyပြန်လာတယ်။ [ဟဟ မင်းက ၀င့်ကြွားနေတာပဲ]

[???] ၀င့်ကြွားတာလား?ကုမျန် နားမလည်ဘူး။

[မင်းက မန်ဒရင်းလိုဆို ချစ်ဖို့ကောင်းတယ်လို့ပြောတာပေမယ့် ကန်တုံးစကားနဲ့ကျတော့ အရမ်း၀င့်ကြွားတယ်ဖြစ်သွားတာ တောင်းပန်ပါတယ် ကျွန်တော် မန်ဒရင်းစကား သိပ်မသုံးတတ်လို့]