කුමාරයෝ

💫 Chapter 5 💫

'අයියෙ මං යනවා හොඳේ ඔයා එනවනෙ?'

'ඔව් ඔව් යන්න මං එන්නම් ඔයා යන්නකො..'

නංගිත් එක්ක උදේ බස් හෝල්ට් එකෙන් බැස්සට පස්සෙ මට කඩේට ගිහින් නිල් පෑනකුයි තව පේපර් එකක් printout ගන්න ඕනෙ නිසා බස් හෝල්ට් එක ළඟ තියෙන බුක්ශොප් එකට යන්න ඕන වුණා. මගදි නංගිගෙ යාළුවත් හම්බුණ නිසා එයාව මං ඇරියෙ අතන වෙලා ගියොත් කියලා. ඔය කඩේ ඇන්ටි කොහොමත් හෙන වෙලාවක් ගන්නවා ඒ මගුල කරන්නත්. ඒ නිසා නංගිව යැව්වා. එයත් බලන් ඉන්න ගිහින් පස්සෙ මටයි බනින්නෙ ඉන්න බෑ අරකද මේකද කියලා.

මං කඩේ ඇතුළට ගිහින් පෑනක් අරගෙන පේපරේ ගහලා දෙනකන් එතන තිබ්බ පුටුවකින් වාඩි වුණා. ඕකට මෙයා විනාඩි පහක් වගේ ගනියි මයෙ හිතේ.

මං බෑග් එක එහා පුටුවෙන් තියලා අත් දෙක එකට ගුටි කරන් තියාගෙන කකුල් දෙකත් වන වන එළියෙ පේන පාර දිහා බලන් හිටියෙ පොඩි එකෙක් අම්මා වැඩේ කරන් එනකන් ඉඳගෙන බලන් ඉන්නවා වගේ. ඔව් එහෙම කාලෙකුත් තිබ්බා...ඒත් දැන් එහෙම නෑ.

මං පොඩි කාලෙ සිද්ධිත් කල්පනා කරන ගමන් පාර දිහා බලන් හිටියම එකපාරටම පාරෙ බයික් එකක් රේස් කරගෙන ගියේ ඒ සද්දෙට මාව ගැස්සිලා කෙලින් වෙද්දි. අඩොව් ඒක Ducati එහෙක සවුන්ඩ් එක! මං බයික්වල සවුන්ඩ් හොඳට අඳුරනවා ඒ තරමට බයික් පිස්සෙක් මං...

ජිරාෆ් වගේ බෙල්ල දික් කරලා පාර දිහා විපරම් කරලා බැලුවම මුකුත් සද්දයක් ආයෙ ආවෙ නෑ. ඒක මෙතනින් රේස් කරන් ගියාද එහෙම්ම? අපරාදෙ බලාගන්න බැරි වුණානෙ සැක්!

එහෙම්ම ආයෙ පුටුවට හේත්තුවක් දාන් කම්මුල් දෙකත් පුම්බ පුම්බ කකුල් වන වන හිටියම ටිකකින් ආයෙත් ඒ බයික් එකේ සද්දෙ මට ඇහුණා. ඒක මේ ළඟපාතක රේස් කරනවද කොහෙද. ආයෙ මං එළිය බලද්දි ටිකක් වෙලා බලන් ඉද්දි එතනින් ඒ බයික් එක ආයෙ ගියා! මට මේ පාර නම් බලාගන්න පුළුවන් වුණා ඒක....රතුයි කළුයි Ducati එකක් දෙයියනේ! බයික් කොහෙද මගෙ ඇස් කන් එතන! සද්දයක් ආවත් ඇති බෙල්ල ඒ පැත්තට ඔටෝ හැරවෙන්න...

හැබැයි බයික්කෙ කොල්ලො දෙන්නෙක්ද කොහෙද ගියේ. ජැකට් දාගෙන හෙල්මට් දාගෙන වුණත් මං යුනිෆෝම් එක දැක්කා සුදු කලිසම් දෙකක්. අපෙ ඉස්කෝලෙ නම් මං දන්න තරමින් Ducati එකක් තියෙන එකෙක් නෑ. ඉන්නෙ D tracker, WRX, Honda Hornet තියෙන උන්. එක්කො මුන් වෙන ඉස්කෝලෙක වෙන්නැති. සල්ලිකාර පුත්තු ඉන්න ඉස්කෝලත් නැතුව නෙවෙයි මේ පැත්තෙ ඉන්ටනැසනල් ඉස්කෝලත් තීනවනෙ.