بسم الله توكلت على الله بدايه مشواري في عالم الروايات وهاذه روايتي الاولى على عيد انكساري في غرامك قبل تسع سنين اتمنى لي التوفيق ❤️🔥
الشخصيات
عايله ال جابر :
الجد جابر عصبي ويحب عياله واحفاده حوله ولايحب المدن ويحس الوزيـة مكانهم وديوانهم عمره
الجده جويره : حبيبه وطيبه حيل وتحب ديرتهم حيل
الابن الاكبر فالح
متزوج وعنده اربع اولاد وثلاث بنات
زوجه فالح نوال اهم ماعليها مصلحه عيالها ولالها شغل ب احد
عيال فالح
محمد عمره ٢٩ سنه متزوج وعنده بنت اسمها نوره
الهام زوجه محمد غيوره مره وماتطيق اهل محمد بس تمثل قدام محمد انها تحبهم وعمرها ٢٧
نورة بنت محمد والهام عمرها سنتين
البطل خلف ولدهم الثاني ويحب القصيد والشعر والصقور والابل وعصبي مره عمره ٢٤
سامي ونيس وفلاوي جامعي للحين وعمره ٢١
حمدان اصغر ولد ل فالح ومشكلجي وعنيد توه متخرج وعمره ١٩
البنات
لينا الاخت الكبيره حبيبه ابوها متزوجه وعندها بنتين ثرى وسديم عمرها ٢٧
لوند الاخت الوسطى ماهي متزوجه وهاديه وطول وقتها بغرفتها عمرها ٢٠
لين اخر العنقود السكر المقعود احب العناد وبس تتهاوش هي واخوانها وماتسكت عن حقها عمرها ٢٠ {لوند ولين توم غير متشابه}
__________
ولد جابر الثاني
طلال وعنده بنت وولد وساكن بالخرج
زوجه طلال اريام اهم ماعليها وضيفتها وعزايمها ولا تهتم بالباقي
ولده سلمان الكبير عمره ٢٧ اعزب وصديق خلف يحب الشعر ودايم تلقاه يتمشى ويشغل شيلات
بطلتنا غرام عمرها ٢٢ جامعيه وماتطيق الديره ابد وماتحب تجلس فيها تخصصها اداره اعمال
—————-
ولد جابر الثالث سلطان
سلطان ساكن عند ابوه هو واهله ومتعايشين
زوجه سلطان الزين وعندها قاعده البنت لازم تكون حركه وسنعه وبس تشتغل
عندهم ولدين وبنتين
جابر حنون على اخوانه حيلل ولا يحب يكسرهم وعمره ٢٤
وعقبال
فالح سمي عمه ويحب عمه حيل ودايم معه عمره ٢٠
جمايل تدرس جامعه بتخصص رياضيات وماهمه الا وناستها
جمانه بصف ثاني ثانوي وتكره المدرسه مره
عمرها١٧
——————————-
ونبدا الاحداث
عند بطلنا
خلفففف ي امي قم يالله لايعصب عليك جدك
ي خلف
خلف: هااا هااا يلا يلا قمت وقام وراح سلم على امه وخواته واخذ حليب من لوند الي تصارخ
لوند : خليففف ي تبن عطني الكوب
خلف : ويلمها والصوت صوتس اقصريه وشرب حليبها وعطاها
لوند : يالليللل هلحين مالقيت الا كوبي تشربه يلا فارق بس
خلف مشى وهو يضحك عليها وراح وتروش ولبس ثوبه وراح لسياره الا شاف سامي وحمدان يتهاوشون وضحك وهو يقول اصبحو اصبحو
وراح للبل يحلق ابوه وجده.........
——————-
عند بيت سلطان
الزين وهي تنادي جمايل
ي جمايللل عودي عودي ب البخور
جمايل طيبببب
ورجعت وعطت امها البخور وراحت تصحي جابر جبيرررر قوم. يلا لا يلعن خيرك ابوي وشاله الغطى عن جابر وشافت باكيه دخان وصورتها وقومته هييييي وبعلم جدي وابوي وبنشوف اخرتك قام جابر وشافها وقال خمسميه تنفع وجمايل تقول بصوت شوي عالي يباااه
وجابر قال خلاص خلاص الف الف عطيني حسابك ولا اسمع نفسك وعطته حسابها وفعلا حول لها
وصارت تضحك وتقول والله ومسكتها عليك
وبعدين قم قم انت لا يلعن خيرك وخيري بعد وقام جابر وراحت جمايل للمطبخ تساعد اختها بالغداء ......
———————————-
عند عايله فالح
لين كانت تتهاوش الهام
لين: قومي وسوي لك فطور ماعلى راسك ريشه ولاحنا خدم لك
الهام: حبيبتي بتسوين الفطور ورجلك فوق راسك ولا تبيني اجيك ي زبوط النقعه ولاتبين اسحبك من باروكتك
لين :واووو خفت ماشاءالله هاذا الي فالحه فيه ماغير تهايطين ويلا تلايطي لغرفتك
دخل خلف للصاله وشاف الهام ماهي متغطيه وصد وقال وشش هالصوت انتي وياها لين قالت ويلمها ادخلي وراه طالعه بدون غطى ولا شي
خلف هاك هاك ذولي الاغراض وانا بطلع
الهام :بعدين لا يجي كذا وش ذا ماناخذ راحتنا حتى ببيتنا
لين :اقول تراك انتي الي طالعه بدون غطى والبيت ماهو لك لحالك ولا تبين تطردونهم عن بيت ابوهم
الهام :لا حياتي الرجال من المقلط ورا وش جابه للصاله
لين :اقول انقلعي ي الفيل الكلام معك ضايع .....
————————
