بسم الله نبدا 🩵
في ديوان الجد /
كانو جالسين يفطرون الرجال الصباح يستعدون لزوجتهم للعزبه او اشغالهم كالعاده قاطع الصىمت تحمم الجد جابر والجميع التفت له الجد : خليف رح خل الحريم يجون ابتكلم معهم شوي خلف : سم وراح مستغرب ابو خلف : ليه يبه الجد : بس يجون الحريم تعرفون وان شاءالله تفهمون ولا تكثرون حكي واسأله
فيصل بدقه ل فالح : الله يستر شكله موضوع كايد فالح بنفس الهمس : تهقى سريه عمي طلال كذا لله أنا مهقى والحين جدي بيفاتحنا بها
فيصل : والله مدري عنكم ي خوالي لاكن الله يعين واضح الاكشن قوي يوم قربت الدوامات
حمدان : شعندكم تتسايرون وراكم بلاء
سعود : أنا من شفتهم موخريني ورا ويتكلمون بشوويش شكلها مصيبه قاطعهم الجد بترحيبه بالحريم وقوله : دامكم اجتمعتو الحين بقول الي عندي وبدون اعتراض ولا حتى نفس اسمع وراح يتنفذ ي عيالي مفهوم!!! العم سلطان : ابشر يايبه بس وش السالفه الجد : السالفه ومافيها ان والله لا تقطعون التواصل بينكم وبين سلمان وعياله انتهى . حمدان : ليه ي جد هاذا عمنا وعياله أخوانا الجد : يخسى يصير عمكم ذا من اليوم ورايح لا اسمع اسمه ينطوى بالبيوت ماربيت رخوم ولا أتشرف فيهم
خلف ب عصبيه :شلون يعني هاذا ولدك وحفيدتك منه!!! شلون ماتسمع اسمه هنا !
الجد : ماتفهم ي خلففففف اقولك اقطع الصوت
سلطان : دقيقه دقيقه شمعنا قلت حفيدتك ما قلت أحفادك ليه قلت غرام بالذاتتت!
فالح: اخته ويخاف عليها طبيعي
خلف بعصبيه: عمرها ما صارت اختي ولا بتصير أعلمكم من الحين كلهم خواتي إلا ذي ماراح تكون ولا بتصير تسمعونننن
الجد : افهم من كلامك انك تحبها !
خلف : اي احبها وأبيها عندكم شي طقو راسكم بالطوفه الجد : اعلمك من الحين بنت طلال ابعد لك من طيور السماء وتعقب شواربك ماخذيتها
خلف : إلا باخذها مرجله وعناد وانت الي بتخطبها لي وتذكر وبتشهدون على عقد القران وبتلعبون بالعرس وتشوفون ابوخلف: انقلع من قدامي طلع هالخرابيط الي براسك وتعال لا أشوفك إلا وانت شايلها من راسك ودماغك انقلع اشوف
فيصل يوم شافها بدت تقبع غمز الشباب وخذا خلف معه برا المجلس بينما الحريم مصدومين من الحدث والشباب يحاولون يهدون الوضع
.......
بينما ب جهه ثانيه
و فمكان اول مره نجيه ( بيت محمد )
محمد : الهام ي الهام
الهام : هلا وش بغيت حبيبي
محمد : شوفي ترا باخذ اجازه ونروح عند اهلي من زمان عنهم الهام : يوههه عاد اليوم مره مالي خلق خط والخط بعد طويللل محمد ماعليه انتي بس جهزي الاغراض راح نمشي بالليل
الهام : تمام محسسني انها ساعه مدري ساعتين ترا ١٤ ساعه ونص ماهي هينه محمد : الهام بلا كثره حكي وبلا أنا ابروح اغير الزيت حق السياره واخذ لي فره وارجع ألقيك جاهزه ....
---
بينما في احد جبال ديرتنا الاحب
كان بطلنا جالس يفكر في مستقبله وضايق خلقه على الي صار اليوم ومشكلته مع ابوه وكيف بيقدر يتخطاها ف قرر يتصل بناس مبطيننن عنهم وطلع جواله ودق عليهم بالقروب السناب وشاف اخررمحاذثه لهم من زمان من انشغالهم وكيف مره مافضو حتى يكلمون بعض وبعد دقايق كان صوت نايف : ارحبببببببب ي كلف ارحبببب
وبعد دقايق جاهم صوت خالد : اعوذ بالله انتم من وين طلعتو شياطين حشى نايف: جاكم كالد ابلشو بينما خلف الي تعود يتكلم معهم ب الانقليزيه عشان يتقنون اللغه اسرع ويتاقلمون مع الوضع : Hello guys, have you finished !
your welcome and your adversals
مرحبا شباب هل انتهيتم من ترحيبكم ومناقراتكم! نايف : لا الوضع فيه ان دامه كذا الوضع What's wrong with you? Did something happen that bothers you? Why is your mood so bad?
وشبلاك صار شي يزعجك ليه مودك حزين
خالد : khalaf Talk to us, tell us what's going on?
خلف قل لنا وش بلاك
خلف : Something happened to me and I want to tell you about it.
صار معي شي وابي أعلمكم فيه
خالد: احس قزرناها درينا انا نعرف نتكلم انقليزي الي بعده قل وش بلاك خلف : والله مادري شقول لك اقول لك اني يوم حبيت خربت معي لدرجه ان جدي طردني ولا شقول مابقى شي ماصار لي يوم حبيت وتعلقت فيها ونويت أخطبها خربت معي من جههه نايف : خلف!!! لايكون تكلم البنت !
خلف : لااا ما كلمتها ي رجال بس نظرات وحبيت البنت خالد : ومن ذي الي طيرت كل البريطانيات وأعجبت شاعرنا خلف : على طاري الشعر كتبت بيتين نايف : اسلمممم
خلف :
خذاه النصيب ولا عطاني سوا فرقاه
ودفعت الكثير الي وراي وتخسرته
يقولون لي دور على الي مثله وتلقاه
وانا اقول ذا باب فتحته وسكرته ....
خالد و نايف : الله الله
خالد: صح الله لسانك
خلف : صحت ابدنكم
نايف : خلف شف الحين انت مشكلتك مع جدك صح خلف : ايه وش الحل
نايف : رح ل جدك واطلب منه انه يسامحك
خلف : منجدك نايف وانا وش بيصير فيني
خالد : لا يحمار ما فهمت انت خله يسامحك عشان تبين انك معه مانت ضده ولا تطلع من شوره فهمت خلف : طيب وموضوعي !
خالد: معليك موضوعك بسيط مع الوقت ينحل بس اصبر وسو الي قلنا لك ولا عليك
خلف : طيب الحين اذن بروح اصلي وبعده بروح للبيت خالد ونايف : تقبل الله.
خلف منا ومنكم صالح الأعمال يالله مع السلامه
نايف مع السلامه ......
----
في مجلس الجد
بعد صلاه الفجر مع خروجهم من المسجد ووصلوهم للبيت دخلو ديوان الجد يتقهوون مع بعض قاطعهم دخول خلف : السلام عليكم لاحظ ان جده وابو صدو عنه يكملون وقف عند ابوه وباس راسه ونطق : يبه أنا اسف ونظره الانكسار فيه راح عند جده وسوا نفس الحركه ونطق وقال : أنا ولدكم ما اطلع عن شوركم والي ابوي وجدي مايبغونه أنا ما ابغاه حتى لوكان على حساب نفسي ابوخلف : الحمدالله الي رجعت لعقلك الجد: اي حكم عمرك وافهم بنت طلال ماتنفع لك صد خلف ونطق : ان شاءالله أنا استأذن بروح انام وطلع من المجلس متوجه لبيتهم اول ما دخل فزت امه وحظنته وقالت : ياعمري عليك ياقلب قلبي انته الله يسرر امرك ويشرح صدرك ياقلبي خلف بنبره كلها حزن : ادعي لي ي امي ادعي دعواتك جبر خاطري بس وباس يدها واخذته معها وجلسو بالصاله وقالت ل لينا تسوي له اكل وانسدح خلف على رجل امه وامه تبعثر شعره وقالت : صدق تحبها ولا تعاند
خلف : اي والله يمه احبها انتي وش رايك فيها احسك ماهي عاجبتك ام خلف : إلا بالله عاجبتني لو انك قايل لي اخطبي لي ماخطيت إلا هي ادب ومنطوق حلو وسناعه وذرابه ومتعلمه وش تبي اكثر من كذا الله يجعلها من نصيبك خلف: امين
والله اني احبها ولا ابي من جنس حواء غيرها
ام خلف : الله يسرها وان كانت من نصيبك والله ان مردها لك وان كانت ماهي من نصيبك بعوضك بالي احسن وتأكد من هالشي لاحظت سكون انفاس ولدها دليل النوم وابتسمت ودعت له وحصنته وهي تدعي ان الله يمسح مافي قلبه....،،
--------
في اليوم التالي عند بطلتنا
كانت تتجهز للدوام بكل حماس وتغني وتكوي نقابها وعبايتها اول ما خلصت راحت اخذت شاور ورطبت جسمها وبشرتها وحطت واقي شمس واستشورت شعرها ونزلت تحت في المطبخ: صباح الخيررر ام غرام : صباح النور ي قلبها
غرام راحت سلمت على امها وافطرو مع بعض
وغسلت مع امها الصحون وراحت تتجهز للدوام
وكانت ببتعطر وتذكرت ان دوامها مختلط ف اكتفت فقط ب ترطيب وجهها ولبست عبأتها وطلعت قومت سلمان ومشيو للدوام
دخلت الشركه ودخلت مكتبها من زمان عنه
وراحت للسكرتيره طقت الباب ثلاث مرات ودخلت : السلام عليكم
السكرتيرة: وعليكم السلام واخيرا ي سيده غرام داومتي أجازتك منتهيه من ثلاث ايام وينك ان شاءالله غرام : لو سمحتي انتي تعرفين ضروفي وتعرفين اني كنت مسافره ثانيا انتي مين تحاسبيني لا أنا من قسمك ولا اني جايه لك وفتحت الدرج اخذت معاملاتها وطلعت بينما عند السكرتيره الي راحت للمدير تقدم شكوى على غرام بحكم انها تعدت عليها بينما عند بطلتنا الي تكمل شغلها ولا كانه صاير شي دخل عليها المدير وصرخ : انتي مين تتامرين على السكرتيره هند ان شاء الله غرام : لا تصرخ ماني اصغر عيالك عشان تصارخ علي هاذا اولا ثانيا أنا لو كنت ب اتآمر عليها تآمرت وتطاولت لاكن من دق الباب يسمع الجواب صح ولا لا وترا ماني خايفه لا منك ولا منها لان كذا ولا كذا أنا مقدمه شكوى للمدير التنفيذي يلا فارق انت وياها
المدير : وتهدد بعد تدرين انه مسجل كلامك كله
غرام : ويتسجل ماني مسويه غلط وحتى لو مسويه ب أقول انا فلانه مسويه هالشي عندك اعتراض ! وشكرا على كلشي اطلع برا
المدير : طيب طيب ي غرام اوريك بينما عند غرام الي روقت اكثر من روقان الصباح وكملت شغلها الين انتهت وهي طالعه من بوابه الشركه جاتها اشعارات كثير ورا بعض واستغربت وفتحت جوالها رسائل غريبه من رقم غريب كتبت بسرعه: من انت وكيف عرفت رقمي وكيف عرفت مكاني
مجهول : هدي هدي شوي ماعليك لاكن مابرد على كل ها الاساله بينما عند غرام ضنت انه احد البنات لانها تعرف حركاتهم قفلت جوالها وتدور سياره سلمان بعيونها الين حصلته وراحت وركبت والقت السلام ............
(النهايه ان شاءالله اعجبتكم )
سبحانك اللهم وبحمدك 🤍
أشهد أن لا إله إلا أنت🤍
أستغفرك وأتوب أليك 🤍
في امان الله 🤍
