البارت الثاني اللهم وفقني ب دنياي واخرتي وكل عمري ي رب استغفرالله وبحمدك استغفرك واتوب اليك
_________
فالخبر عند بطلتنا
افففف حر ياخي وسلمان لللحين ماجاء ياربييييي
مرت من جنبها وحده من بنات الجامعه وصفقت ف كتف غرام ومشت بدون ماتعتذر غرام بعصبيه
: هيييي انتي اعتذري يلا طالت وشمخت حشى تصقعين فالناس عمياء ماتشوفين
ابتهال:نعمممم خير تصارخين اصغر عيالك انا
غرام :لا يشيخه اعتذري يلا
ابتهال :ماني معتذره وش بتسوين
غرام :اقولك اعتذري يلا
ابتهال: ماني معتذره
غرام :انفلتت اعصابها وهجمت على ابتهال ونتفت شوشتها وابتهال تصارخ الين ماجت العميده
العميده بصراخ :اشفيه انتم همج انتم يلا قدامي على المكتب وفكت غرام ابتهال ومشت معها لمكتبها
العميده :وش ذا الفوضى الي صايره الحين تقولون لي بدون لا زياده ولا نقصان فهمتووووو
تكلمت غرام: هي جت وصعقت فيني ولا اعتذرت وقلت لها اعتذري اكثر من مره ولا ردت
ابتهال : م راح انكر صقعت فيها ولا اعتذرت لاكن ماتجي وتصارخ علي كاني اصغر عيالها
العميده: يعني قلبتو الجامعه فوق تحت عشان سبب تافه زي كذا!!
غرام :اذا عندك تافه انا مو تافه عندي ولازم تعتذر
العميده : طيب ابتهال اطلعي برا
ابتهال طلعت برا العميده : قلنا تهاوشي مع الدكاتره ومشيناها لك وقلنا تاخري عن المحاظرات ومشينها لاكن ذي المره الثالثه الي سويتي فيها مشكله بذا الاسبوع وراح ابدا اجري معك العقاب زيك زي غيرك عشان كذا فصل تأديبي لمده اسبوع
غرام :خيرررر تفصلوني عشان سبب تافه
العميده غرام طلال بدون نقاش ووقعي واطلعي يلا
غرام : ع اساس اني ميته على هالجامعه مالت بس وقعت وطلعت وهي معصبه ودقت على سلمان
وجاها صوته الضاحك : ارحبييييي
غرام : لا والله مخليني هنا وتضحك ان شاءالله بلا سنون
سلمان : شفيك ي بنت شفيك شعندك معصبه يلا انا برا تعالي اشوف وقفل ولبست غرام عبايتها وطلعت وفعلا شافته برا وركبت وصفقت الباب بقوه
سلمان بصراخ :شوي شوييييي على الباب موب صاحيه انتي ورا تصفقينه كذا
غرام: اسكت بس وفصلوني بسبه الحيوانات الي داخل سلمان :والله مالومهم يوم انهم يفصلونك قولي يلا وش السبب غرام :وحده حيوانه صفقت فيني ولا اعتذرت ومسحت فيها البلاط
سلمان :اعوذ بالله منك انتي وشذااا تمشين وتصفقين خلق الله زين الي عدت على كذا ياشيخه
غرام : بعيدا عن سالفتهم ذولا شرايك نتغدا من ماك سلمان :طول عمرك ماهمك الا بطنك بس والله ماهي شينه ومرو ماك وطلبو غداهم ودفعو واخذوه غرام: لف لف بصورك سلمان :امنعينا من التصوير الي ماله سنع غرام اقول لف يلا ولف سلمان وصورته وقالت خلاص متت سلمان: فكينا عاد وصلو البيت ونزلو وتغدو وراحو كل واحد وغرفته ...
——
في الديره وتحديدا بيت الجد جابر
الجد :اقول ي فالح
فالح :امر وش بغيت
الجد :ابي واحد من عيالك يوديني الخرج بروح اتطمن على اخوك طلال وعياله
سلطان :لا يا يبه هم جايين بكرا ماله داعي تروح
الجد :اي بالله احسن من هالبعد مادري وش يبغى هناك
فالح:احسن له عند وظيفته ووظيفه حرمته وعياله ودواماتهم
الجد :يقدرون ينقلون
سلطان :بكيفهم هم اعرف بمصلحتهم
دخلت جمانه وجمايل وسلمو على عمهم وحطو لهم القهوه والشاهي والقدوع وقالت جمايل :هاذي قهوتكم وانا بكمل الغداء
الجد :وش طبختو غدا ي بنتي
جمايل :رز ابيض ومرق وسوينا معه مرقوقه
الجد : اي الله يعطيكم العافيه
فالح : عاشن السنعات
وطلعو وراحو يشيكن على الغدا وبعدها دق جوال جمانه وكانت غرام وردت ووصلهم صوتها :ارحيييي ي جيجي جمانه: تبقين وجاهم صوت جمايل :ارحبيييييي ي دهر قلبي ورجعانه غرام :ايييي توي صرت دهر قلبك المهم ترا حنا جايتكم
جمانه :تستهبلين وجامعتك
غرام :ماعليك فصلوني
جمايل :حشى فاصلينك ومستانسه
غرام :الا بموت المهم وراهم لين ولوند مايردون
جمايل :يحلوك ماتدرين الحين ماعد يردون تلقين لين تتهاوش مع اخوانها ولوند حاطه وضع طيران وعلى الجوال
غرام: طيب انتم وش تسون ؟
جمانه :حبيبتي حنا ماعندنا شغله الا كرف
جمايل :بضحك دقيقههه ماعلمتكم ولا تدرون بس نجتمع اقول
جمانه :وش بعده من مصيبه
غرام :اقول ماعندكن سالفه دزن امهااا بروح انام
جمايل :سريييي امها بعد حنا بنخلص لا نودع بسبه جدي جمانه :طيب بسكر وسكرو وكل وحده راحت على شغلها ....
————
في دوانية بيت فالح عند بطلنا وسامي
سامي :اقول خلف ما ودك ادق خشمك فيفا
خلف :اتحداك ي الرخمه
سامي :يلا يلا اقول اجلس بس انت وراسك
جلسو وصارو يلعبون وسامي صرخ وهو يقول ايواااا اجلدددد شيل الليله يلا
خلف :اقول تهجد ولا شلون قاطعهم دخول عبدالجبار :وش ذا الصراخ انت وياه شفيكم
شافهم يعلبون ونطق اقول سامي دق خشمه بس جعلني فداك
سامي :احتزم بيييييييي
خلف :اقول كمل كمل لا على راسك الحين وانت تراك بعده ونشوف من يدق خشم الثاني ي ابو خشم هههههههههههههههههه
عبدالجبار: اقول سامي ما ودك نجلده
سامي: والله شوف اذا جلدناه انت بتطلع منها زي السلام عليكم وانا بنجلد ف خلنا نركز احسن ويكملو لعب وفاز خلف وقال :اجل تدقون خشمي انت وياه سامي :ياشيخ مافزت الا بالتحكيم
خلف :يالليل جاته الحاله ولا على عبدالجبار الي شغل رياكشن في بعض الاحيان يندم الانسان على افعاله ويتراجع عنها وماتو ضحك ومسك خلف جواله ودقت عليه لوند ورد عليها وقال: سمي وش تبين
لوند : الغداء جاهز وينكم
خلف :انا بالدوانيه حقتنا وترا عندنا جبير لا تجين الحين اجيك
لوند :تمام يلا
حطت الغدا لوند ولين لهم واكواب لبن وسلطه وملاحقته ودق خلف الباب وفتحت وقال: يالليل كل هالحوسه انا بشيلها وشالها على شي شي ولوند :حطت الغدا لامها بعد وشالته لها بالصاله وتغدو
ودقت على خلف :يجيب الاغراض وجابهم وحطهم بالمطبخ وجت لين تركض معها جوال لوند وتقول :ي بنتتت السلطان حني على الغلبان وشافت الاسم وضحكت وقالت ارحببييي ي الجمل حقتي والناقه الي جنبها وجمايل: قالت هلا والله بدورا وبسيط المهم ترا عمي طلال بكرا جايين من الخرج وقالت لين: تمزحينننننن بصراخ
جاء سامي :من صوتهم وقال ويلمها والصوت حشى دلاله
لين :اقول ي تدز وتفكني وجلسو وكبو علوم بعض وقالت جمانه :بنات لقيت حساب واشك انه لواحد من اخوانكم
لوند :باي برنامج لقيتيه وعطيني اياه وليه تشكين فيه انه واحد من اخواني
قالت جمانه :يصور سيارات نفس سيارتنا وعزبتنا بس هو شكله شاعر وحتى نفس الدوانيه حقتنا
لوند :ويلمها ليه مايكون واحد من اخوانك
جمانه :اخواني ماعليك منهم انتي لا من اخوانك انتي ليه لانه ينزل صور لنفس سياره من سيارتكم الي رحنا فيها مع جابر مدري اي وحده المهم هي
لوند :تمام نحقق وراه الحساب وش ورانا
جمايل :والله ولقينا جدول بضحك
وضحكو كلهم وسكرو وراحو يقيلون
——————
فالخرج عند بطلتنا
كانت تجهز شناطها ومتحمسه لان الاجازه الي فاتت سافرو تركيا ولا شافت بنات عمها وجات
امها : حشى كل هالوناسه عشان الديره يحظي الناس تستانس انها بتسافر برا وانتي مستانسه على الديره
غرام : يمه من زمان ماشفت بنات عمي
اريام ؛ في ذي يحق لك تستانسين اي والله من زمان عنهم
غرام ماما ترا باخذ لي فساتين كشخه عشان ما اضمنك اكيد انك بتسيرين على كل حريم الديره وعدتي كامله
اريام: اي احسن عشان ماتقروش فيك وهاذا هو الي كنت بقولك وترا بنمشي بسيارتين اخوك بيساره وانا وابوك بسياره يعني حددي مع من بتروحين
غرام :طيب وراحت امها برا تهجز اغراضها عشان يمشون بدري
سلمان :ي يبه ترا الديره تبعد بس اربع ساعات شحقه تهجزون الحين معكم وقت
طلال : لا ناوي نروح باليوم بالليل كذا على الساعه وحده بالليل
سلمان :طيب بكيفكم بتمشون سياره ولا سيارتين
طلال :لا سيارتين عشان العفش
سلمان :سم
.................
نهايه البارت وش رايكم ب الشخصيات مبدئيا والروايه بشكل عام الحين استودعتكم الذي لا تضيع ودائعه ❤️🩹❤️🩹
