بسـم اللـه الرحمـن الرحيـم
--------------
في مجلس الجد
كانو جالسين ب صمت الى ماقاطع الصمت كلام الجد الصادم للجميع بدون استثاء
الجد : ي طلال تسكنون عندنا هنا وتعيشون معنا هاذا هي شقتكم موجوده وتحت خدمتكم واتوقع بعد تقدرون تنقلون دوامتكم هنا ماله داعي ذا البعد وكل شوي رايحين جايين
بوغرام : لا يـا يبه مانقدر نترك دواماتنا وشغلنا وناسنا وبيتنا كذا وبعدين حنا مرتاحين هناك ومستقرين وعايشين احسن عيشه حتى لو جينا هنا ما بنحصل الي نحصله ب الخرج و احسن لنا نقعد بديرتنا عند دواماتنا احسن لنا هناك
الجد بعصبيه : وش لاقي بالقلعه الي هناك ابيكم كلكم تحت ظلي وجناحي اجوزكم واشوف احفادي كل واحد بديره له عسى ماشر ليه هاجن عني
ولا تبي اريام تجلس عند اهلها وانا ما اشوفكم الا بالسنه حسنه لاكن سلمان ماهو متزوج الا بنت عمه جمايل وانا قلت الي علي وكلامي يتنفذ
بوغرام بعصبيه اكثر : اريام وشدخلها انا اقرر وين اسكن ووين اروح ووين اجي وبهالديره وظايفنا وعيشتنا كلها هناك من تزوجت لاكن اوله كنت راضي وش غيرك وعلى طاري موضوع سلوم ولدي ما ينجبر يتزوج ولدي يتزوج الي يبغى ولا ينجبر ولدي لا بغى الزواج جاني قال ي يبه تعال نخطب غيرها ماعندي كلام
العم سلطان : ليه وشفيهم بناتي مو قد المقام الي رافضها وبنتي ماهي للعرض لا لك ولا لولدك
واصلا هي كثيره عليكم وماتستاهلك لا انت ولا ولدك وبنتي ماهي واقفه لا عليك ولا على ولدك وحتى لو جيت وخطبت تذكر الي ماتبيه بنتي ماتاخذون فاهم ي طلال كلامن ياصلك ويتعداك
بوغرام : من قال لك ان بناتك فيهم شي لاكنك تحسست الظاهر واحب اقولكم ديرتي ومسكني الخرج ولا بسكن ب غيره سوا رضيتو ولا انرضيتو
الجد بعصبيه : ي طلاللللل ي انك تجي انقل عندنا ولا بيتي يتعذرك ولا انت ولدي ولا انا ابوك ي طلال انسى ان عندك اب اسمه جابر ورح راكض ورا اريام
بوغرام : نقله ماني بناقل لاكن ماني جالس بمجلس ربعه ماتحترمني وهذاني طالع ابشرك طلع من المجلس وراح طق باب الحريم : ي غرامممم ي اريامممم جهزو اغراضكم ماشيننن ي غرامممم غرامممم اريام اريام ي ام سلماننننن جات غرام تركض تشوف وش يبغى ابوها : هلا يبه وش بغيت
بوغرام: يلا جهزو اغراضكم لا يبقى لكم ولا حتى ربع شي كلشي جهزوه ماشين الخرج استعجلو يلا
غرام : شفيك عسى ماشر ليه نروح نونا مامدانا نستانس واجازتنا طويله
بوغرام: غرام بدون كثره حكي وجهزي الشنطه
------------
بينما عند الشباب
كانو جالسين على الدكه قدام الباب ويسولفون وسمعو الهواش الي بالمجلس واول ماجو يدخلون
قال خلف: استدهو بالله ي جماعه الحين يجي احد من اعمامي ونساله واول خلص جملته طلع بوغرام
اجتمعو عليه كلهم فالح: يعم شصاير شفيكم بينما بوغرام الي تجاهلهم ورمى المفاتيح على سلمان وقال: شغل السيارات ماشين الخرج وقرب السياره عند باب الحريم بنشيل اغراضنا بسرعه تحرك سلمان بخرشه : شفيه يبه شصاير شبلاك تبينا نمشي تونا وصلنا امس شفيههه
بوغرام : ناس ماتحترمني ماقعد عندها قاطعهم
طلعه غرام وهي تقول: يبه قدنا جاهزين
بوغرام : يلا ي سلمان اعجل شغل السياره
خلصنيييي وخلنا نسري سلمان : طيب طيب
راح شغل السياره وركبت غرام معه ع اساس تفهم القصه من سلمان ماندري ان سلمان بعد مايعرف
قاطع صمتهم بخروجهم من مدخل الديره ببدا الحديث من عند غرام : يسلمان شفيه شصاير ليه ابوي معصب كذا وكانه يقول مالنا رجعه
سلمان : تساليني انا انا بذات نفسي مادري كنا برا فالدكه الا سمعنا صراخ عماني اول م جينا ندخل الابوي قدامي ورمى المفتاح بوجهي مامد استوعب زياده الا انا فالسياره غرام: طول عمرك مابك فايده قاطع كلامها رنين جوال سلمان غرام بانزعاج: رد على ذا المخنوق راسي يوجعني وقف سلمان على المحطه وراح يقضي حاجته وترك الجوال والجوال مستمر يدق مسكت الجوال وكان المتصل خلف وردت وقاطعها صوت خلف: ها يبو طلال شصاير
غرام : سلمان نزل البقاله اول مايرجع اخليه يدق عليك وسكرت بينما عند خلف الي حس بطنه فراشات مايدري ليه ونزل الجوال وقال للشباب : ثواني ونفهم الموضوع من سلمان ......
-------------
عند الجد
طلع من المجلس شافهم واقفين عند الدكه وصرخ فيهم : قومو ي الدشير داخل اشوف داخللل
شاف خلف من بينهم وقال بصراخ : ايا الهيس الاربد
انصدمو العيال وكل واحد يحسب نفسه المقصود واما سامي وحمدان بدو يدخلون الين ماقال الجد : ووافقن لي بنصهم خليففف ي الاهيس الاربد متى ناوي تشرف وتدخل بينما خلف الي يضحك بصدمه والشباب بعد فيصل بصدمه : ي شباب خلنا ندخل لا يحول علينا الحين ونبتلش وانت يالاهيس الاربد ادخل وخل الليله تعدي على خير ونشوف شوضعهم بعدين وبدو يدخلون لاكن الي صدمهم اكثر ان كل ما دخل احد ضربه جده بعصاه اول ماجا دور خلف الجد ضحك وقال : تعال تعال حي الله خليف وضربه وخلف الي يضحك وقول فدا كبدك يالغالي والجد مستمر وخلف قرر يهرب والعيال ميتين ضحك عليه.....
----------
بينما عند البنات الي كانو فالسطح وميتيين ضحك يربيييي يجدي موتني خلف مسيكين تكسرت رجوله
انوار بضحك : اخخخخخي ي بناتتتت صورت كلشي عشان كل م اطفش اشوف جدو وهو يضربهم ههههههههههههههههههههه
رزيم : دزيه بالقروب عشان ماتقولج غراموه انا ماندز لها شي وساحبين عليها سريععع اقولج
انوار : واي احسن كلامج صجي ميه بالميه
وقالت بصراخ ي بنات تراني بدز الفيديوهات واتحدى وحده تجحدهاا لوند: ماحنا بجاحدينها مير ارسليهم اقول دقيقه ي بنات خلوني اروح اسوي شاهي بعده ندق على غررييّم ونجي نحش هنا بجيب شاهي وحب وهالسوالف البنات: حي عينك
لوند: حي نباكم ي المحازم
لينا : اشهد آنك رجاله بنت رجاله
لوند : ياخي بعض السوالف لبسوها شراعي
رزيم : اوبه ايشبو دا انتي وش قاعده تهبدين ترجمو لي ولا هازعل لينا : ودك ان بعض العرب يهجدون ماللبق عليك الحجازي والجداوي ارجعي ارجعي وانا اختس الكويتي لا اهفك طراق وانا اختس
تخصرت جمانه : اقوللل لوند متى بتذاكرين لي كيمياء انشاءالله ولا خلاص تحسبيني ب انسى
لوند : ايلش هاذا الي ما حسبنا حسابه انتي الحين تشوفين ذا وقت دراسه تشوفينا ب نسولف جبتي طاري الكيمياء وبعدين دزي امها غرفتي بدلي لبسك وش ذا البلوزه قومي لا تمرضين علينا ونبتلش فيج
جمانه : اعوذ بالله اكلتني ب ثانيه اصه اصه
رزيم : وراج شبكتي معنا بالجيم عليك استفهامات چبير وملاحظات وايد ترا بذبحج اذا فيه موضوع كبير جذي وخلاك تشبكين الللهجه جمانه : يالليل ابلش شغلت المحقق خونان اهجدي بس قال ايش قال ( موضوع چبير )> (تقلد اللهجة) دزي امها اشوف وانتي امشي انا ابدل وانتي تروحين تسوين الاغراض لوند : يلااا امشي ........
-------
في المطبخ
بعد م افترقو كل وحده جهه راحت لوند المطبخ بينما هي تسوي الشاهي وحطته ع النار يتحدر راحت تطلع المكسرات والعصيرات والسناكات وطلعت اندومي والفرن الكهربائي وصحون تقديم لاكن شمت ريحه غاز اطلع وراحت للمخزن تشوف الاسطوانه وجات بتسكر لاكن قاطعه الصوت الي يقول : ابعديييييي الحين وخري ما اهتمت له وطاحت الولاعه بالفرن وانفجر الزجاج وصار حريق بسيط بينما لوند الي ماتدري وش صاير بس الي ادري انها ما صار لها شي اما بالجهه الثانيه عند منقذنا عند فالح الي ظهره كله زجاج وينزف وكان ظام بينا له وكانت لينا من الصدمه محاوطته وشعرها عند خشمه وفالح الي كل م استنشق الاكسجين دخل معه ريحه شعرها وكان بعالم ثاني الين م استوعب وبعد وشاف الحريق قاعد يشتغل وضمها له عشان ما يجيها شي وطلعها برا ونزل غترته وغطاها وقال : فيك شي !!
لوند : هزت راسها تنفي ناظر يديها وشافها مجروحه وقال روحي غسلي يدك وادخلي داخل لا يشرفنا ويحسبون غلط وفعلا راحت لولند تركض داخل بينما فالح الي انرسمت على مبسمه ابتسامه تذكر الحريق وراح يطفيه ب الطفايه من حسن الحظ ان الحريق صغير واول م طفاه دخلو كلهم مصدومين من الصوت من الجده الين اصغر احد بالعايله
شافه خلف وقال : فالح شفيه شصاير وش ذا الصوت فالح : لا مافي شي كنت مار بروح اجيب الفرش وشميت ريحه غاز واستغربت ان المطبخ مطفي ودخلت وشفت الاسطونه تسرب اول ما قربت انفجرت البوابه حقت الفرن بس الحمدالله عدت على خير شاف الجد ثوبه وقال : شفيه ظهرك وانتبه خلف له وجاه يركض : يوجعك شي فيك شي
فالح بضحك : كان مايوحعني اول ما قلت يوجعك شي اوجعني مالت عليك انفجرو الكل يضحكون عليه لاكن قاطع ضحكهم جابر : فالح نزل ثوبك اشوف الجرح قاعد ينزف ما وقف
فالح : ي جابر مالي خلق
جابر :بتنزل ولا اجي افرمك
فالح : بنزل بنزل ونزل ثوبه وشاف جابر الجروح وشاف من بينهم جرح عميق وبنبره فيها من الحده : كل ذا ومافيه شي ورمى المفتاح علي خلف وساعد فالح الي انتبه انها موجوده وتطالعه وظهر عليه طيف ابتسامه وقال: ي حبك. لتكبير المواضيع ومشى للمستشفى بينما رزيم الي انتبهت لنطراتهم وندغت لوند ومشت للغرفه فوق وسكرت الباب وقالت : الحين تقولين لي شذا الموضوع والنظرات والابتسامات الان ولا تحسبيني بصدق انه مدري شسمه ذا مانتي بالمطبخ يوم يقول لاحيائنا الحين تقولين لوند : شقاعده تقولين انتي ماصار شي
رزيم : يمه يالجذب ناس جذابه اقولج يطالعج بنظرات حب بنظرات اعجاب شمسويه ماتقدرين تنكرين ليش لان اغراض الشاي موجوده على الطاوله ويدج فيها جرح
لوند بدون قصد: وش ذا الخفيف ماشافني الا مرتين صارت نظرات حب
رزيم : حلووو مرتين بعد خري خري علمج اشوف
لوند : ابلش ماتفكبني انتبه
رزيم : لا قولي لا الحين الم العايله عليك كلها
لوند : طيب طيب العلم ي طويله العمر ............
-
-
(الـنهـايـة🩷)
رددو معي
سبحانك وبحمدك.🩷
-
اشهد ان لا اله الا انت. 🩷
-
استغفرك واتوب اليك.🩷
