قمر الليالي ملهم وشمس النهار ضحاها

الجزء الأول

تخيلو معي ان يروى قمر الليالي ملهم وشمس النهار ضحاها
الجزء الأول :-
في احد المدارس وقفت ضحى تنتظر اوركيدا ، بعد خمس دقائق :-
اوركيدا : ضحى
ضحى : صباح الخير ؟!!
اوركيدا : معليش ملهم مارضي يصحى بسرعه
ضحى : خمس دقائق وتبدأ الحصه يالله قبل لاتدخل الاستاذة
اوركيدا : ابفهم ترانا مب بالجامعه عشان ننطرد من الحصه اذا دخلنا بعدها
ضحى سبقتها وماسمعت شقالت لأن كان بينهم مسافه كبيرة
ضحى بصوت عالي : اخلصييي
اوركيدا : اففف حاضر جايه
بعد انتهاء الحصه :-
اوركيدا : وش علينا الحين ؟
ضحى : امم حاسب اتوقع
اوركيدا : الله اخيرا
في نهايه الدوام :-
ضحى ناظرت بساعتها : جاك بدري اليوم ؟؟
اوركيدا : صدق غريبه ، تبغين اوصلك
ضحى : مدري اخاف اخوك مايرضى
اوركيدا : اقول يلا يلا بس قال مايرضى على كيفه هو ؟؟!
ضحكت ضحى : يلا بس بكلم ماما بجوالك اك ؟
اوركيدا : طيب امشي قبل لايعصب
دخلت اوركيدا وضحى معها وجلسوا ورا
اوركيدا بهمس لملهم : مين ذا الي معك ؟
ملهم بصوت عالي : ذا أسير خويي
اوركيدا بهمس لضحى وبإحراج من صوته المرتفع : يفشلني كذا دايم
ضحى ماقدرت تكتم الضحكه وضحكت بصوت واطي لكن كان مسموع : تتخطين
كتمتها اوركيدا لأنها كانت تناظر في اخوها الي ابتسم بهباله من ضحكتها وشاور عليها واشر بمعنى على ايش قاعدة تضحك؟؟! 
اوركيدا بهمس : اسكتي ملهم سمعك ويسأل ليه تضحكي
توسعت عيون ضحى بصدمه لأنها نست للحظه انها مو بسيارة امها
ضحى : بنت ديم بنتها افففف حسبي الله اخوك ذا كمان مايغض بصره
اوركيدا بمزح : ملهمم ويغض بصره اهوووو
ملهم سمعها ووسعت عيونه : يابنت امي وابوي احترمي نفسك اخوك الكبير انا
اوركيدا بضحك : شدخلني وانا صادقه حتى ضحى تشهد
كتمها ضحى : انطمييي توبه اجي مع اخوك اول واخر مرهه ، بعدين تعالي شكل خويه ذا مايسمع ولا يتكلم ، ماله حس حتى ضحك مايضحك
اوركيدا : لاا اكيد يضحك سوالفنا اساس تضحك بس مع كمامته الي لابسها مو واضح
ضحى : يوهه اوركيدا نسيت اكلم ماما يولييي لاتجي المدرسه وما تلقاني
اوركيدا : ملهم عطني جوالي
ملهم : ماجبته معي
اوركيدا : ملهم بلا غباء البنت بتكلم امها لاتجيها المدرسه وماتلقاها
ملهم : والله ماجبته جيتك سريع خذي جوالي خلها تكلمها وتحذف الرقم وتعطيني اياه
اخذت اوركيدا جوال ملهم واتصلت ضحى على امها وبلغتها انها بترجع مع اوركيدا ، ولسوء الحظ مع التوتر رجعت الجوال بدون ماتحذف الرقم
بعد مارجعوا البيت فتح ملهم جواله ولقى الرقم كان بيحذفه بس شك لايكون رقم احد يعرفه او شي وقرر انه يتأكد من اخته ، راج ل اوركيدا وسألها وعطاها الرقم اوركيدا : ذا رقم ضحى
ملهم تأكد : تمام بس ماقالت انه بتكلم امها شلون دقت على جوالها
اوركيدا : مدري بس ذا رقم ضحى مو امها احذفه
ملهم بعدم اهتمام : طيب طيب اساس مايحتاج بحذفه شبي به انا
اوركيدا غمزت : مدري عنك
ملهم بصدمه وسعت عيونه : بنت امي وابوي
اوركيدا : تصدق تو ادري شبلاك من الصبح تعيد نفس الكلام
ياترا وش بيصير بين ملهم وضحى؟
وهل بحذفه الرقم ولا؟