قمر الليالي ملهم وشمس النهار ضحاها

الجزء السادس

تخيلو معي ان يروى قمر الليالي ملهم وشمس النهار ضحاها
الجزء السادس :-
ضحكت ديم وقالت : اقلك ولا اسيبك تعرفين السبب لوحدك
ضحى : تراني اكرهه
ديم حطت رجل على رجل : اذلفي
ضحى : وي انا الي اسويه بزوجي بيطلع علي من امي ؟
ديم : زوجك اجل ؟
ضحى شاورت بيدها : اوبس بالغلط
ديم : منجد منجد اذلفي
ضحى بحلطمه : والله محد يفهمني غير قلبي .. كملت بإحراج يوم شافت نظرة امها :  احمم اقصد اوركيدا والله
كانت ضحى بتطلع وقفتها امها : وين رايحه توك جيتي
ضحى : عند اوركيدا بنذاكر
ديم : بلبس المدرسه ؟
ضحى ناظرت للبسها : اوبس عقلي منجد طار
ديم غمزت : حقك هو مز
ضحى : ودي اقول كلام لكنك امي بالأول والأخير
ديم : روحي روحي الله يهديك
غيرت ضحى ملابسها ولبست لبس كاجول عبارة عن بنطلون وردي وبلوزة بنفسجيه ورفعت شعرها بشكل حلو وكيوت ..
في بيت اوركيدا : كانت خايفه لان ضحى مااتصلت عليها ولا طمنتها .. لكن قاطع خوفها دخول ضحى للقصر
ضحى : هااي
اوركيدا قربت منها : وينك وراك مااتصلتي تطمنيني
ضحى : نسيت
اوركيدا عبست : طيب تعالي نطلع ملهم في القصر ومابناخذ راحتنا
ضحى : ماودي اطلع طفشت
اوركيدا بصدمه : ضحى وطلعه ورافضه أويلااه .. فيك شي ؟
ضحى : ياخي تعالي نجلس بالقصر وندرس ورانا اختبارات
اوركيدا : انا ملهم يذاكرلي ماافهم شي
ضحى : اخخ ياليت عندي اخ
اوركيدا : عندي فكره
ضحى : وش
اوركيدا : ليه مانخلي ملهم يشرح لنا ؟
ضحى : لا يخوف
اوركيدا لسه بتتكلم قاطعها نزول ملهم من فوق ووقف بنص الدرج بصدمه من وجود ضحى عندهم
ملهم بحده : وش جابك ؟
ضحى فزت : ذا الي تبينه يذاكر لنا ؟
اوركيدا : اي ترا شرحه حلو .. اخخ احلامي ازوجكم لبعض ونعيش كلنا بذا القصر الكئيب وبيصير جوووه بطل
ملهم بمزح : انا اتزوج ذيي
ضحى : تدري انا قلت لك اذلف ووش صار ماما قالت لي اذلفي لذلك مابغا اسب
ملهم ضحك بأعلى صوته وقال : صدقق انتي مو طبيعيه ... وش عندكم اشرح لك ؟
ضحى : ولا شي تسلم
ملهم : اجل استودعكم الله
ضحى : اذ .. احم اقصد الله معك
اوركيدا : اشوفكم تخططون من وراي ؟
ضحى : نحنا قدامك هنا وش الي من وراك الله يهديك
ملهم كتب رساله لضحى : القاك برا قبل لااطلع لا يصير شي مايعجبك ولا يعجبني
ضحى : وش تقصد ؟!
ملهم : مدري المهم انا طالع الان
ضحى بخوف : اوركيدا معليش كان ودي اجلس لكن مامي تعبت بروح لها
اوركيدا : بجي معك
ضحى : ياقلبي مايحتاج يلا يلا سلام
طلعت ضحى وابتسم ملهم بخبث وخرج
ملهم يوم شاف ضحى ابتسم وقال : شاطرة ماتوقعت تسمعين الكلام كذا
ضحى نزلت دموعها : يكفي انك ماخذني غصب وغير كذا تتحكم بأبسط الأشياء الي كانت روتين بحياتي
انصدم ملهم من دموعها الي اول مره يشوفها
ياترا وش بتكون ردة فعل ملهم ؟