قمر الليالي ملهم وشمس النهار ضحاها

الجزء الثامن

تخيلوا معي ان يروى عن قصه قمر الليالي ملهم وشمس النهار ضحاها
الجزء الثامن :-
ديم : حبيت المشهد الرومانسي الي حصل تحت ذا
ضحى ضحكت : مشهد رومانسي وش انا كسرت له باب السيارة
ديم وسعت عيونها بصدمه : وش
ضحى : مدري شسويت ووش قلت لكن كنت خايفه
ديم : و وش قال لك
ضحى : قال تهون دام انها بالحديد وقلت منجد مسامحني قال انا متى زعلت منك
ديم ابتسمت : روحي غيري وانتظرك نسولف ونتقهوى
بعد عشر دقائق :-
ديم : ها احكي لي
ضحى : قال لي جهزي نفسك بكرا باخذك لبيتي
ديم بصدمه : نعمم؟
ضحى : والله
ديم : لا معليش مانتي رايحه مكان
ضحى : مامي تكفين ماابغا يصير مشاكل بيني وبين ملهم
ديم : انتي موافقه
ضحى وجهها صار احمر وقالت : مدري بس قلبي يقول روحي معه
ديم ابتسمت : طيب ياقلبي تعالي نجهز شنطك لايقلب ملهم علينا الدنيا
ضحى : تهقين يسويها
ملهم من وراها : على حسب
فزت ضحى كم مكانها وقالت بخوف : وش جابك
ملهم : تجهزتي؟
ضحى وسعت عيونها بصدمه : ماصار لي ربع ساعه راجعه
ملهم : روحي جهزي نفسك وانا بجلس مع المزه الي جنبك
ضحى بغيرة : هيي هي الزم حدودك تراني اغار
ملهم بخبث : على مين بالضبط ؟
ضحى بثقه : على مامي طبعاً
ملهم غمز لها : طيب روحي خلصي تجهيز نفسك
ضحى قامت وتجاهلته وطلعت لغرفتها .. جلس ملهم وقال : كيف حالك ياخاله ولا اقول ياحماتي
ديم ناظرت فيه بصدمه : مو منجدك لا صدق مو منجدك
ملهم بإستغراب ضحك : وي وش قلت ؟
ديم : تراني اصغر من ان أكون خاله او حماة
ملهم : ابشرك صرتي الإثنين وقريب بينضاف معهم جدة
ديم وسعت عيونها : ورا ماتحتشم نفسك شوي
ملهم ضحك بقوه : تدرين قررت اتوقع ماعندك مانع يوم اناديك ديم
ديم ناظرت فيه : اتوقع لكن ضحى الله اعلم
ملهم : على سيرتها طيب ينفع اطلع لها
ديم : اطلع اطلع
ملهم وقف وعدل تيشيرته : دكتورة ديم اقوى شي
ديم : كم عمرك ؟!
ملهم استغرب وقال : ليه ؟
ديم : احسك ٢٠
ملهم ابتسم : اي ٢٠
ديم لسه بتتكلم لكن دخل حاتم وقال بصراخ : وينها بنت الكـ*ـلبه ؟
ملهم بتعجب واستغراب : تقصد مين ؟ وأياً كانت هي مين الي قال لك انه يحق لك تشتمها ؟
حاتم : زوجتك المصون وين
ملهم حمرت عروق عيونه من العصبيه : وش تبي فيها
حاتم : ناقصه درجتين في النتائج حق اعمال السنه 
ملهم انصدم من كونه معقد لذي الدرجه .. قرب منه ومسكه من ثوبه : استوعب انها زوجتي وأنت مالك دخل بأي شي تسويه
ابعد يده بقوه وقال : ياقليل الخا*تمه أنا قد أبوك
ملهم بعصبيه : ماتسوى شعره منه
وسعت عيون حاتم بعصبيه وصدمه : شقاعد تخربط انت؟
تجاهله ملهم وطلع لضحى ..
ملهم : خلصتي ؟!
ضحى بإستغراب : لا
ملهم جلس على سريرها وقال بحماس : أساعدك ؟
ضحى : برضو لا
ملهم : اجل براحتك
ضحى : اسمع افتح الدرج الي جنبك وفي صندوق هاته لي ممكن ؟
ملهم فتح الدرج ولقى صندوق بني من خشب .. تساءل بفضول وقال : وش داخله ؟!
ضحى : أمم صوري أنا وأختك الحلوه .. أنا خلصت
ملهم : اجل يلا
تسريع بسيط للأحداث .. بعد شهر
عند ملهم وضحى :-
ضحى دخلت الغرفه وهي دايخه وقالت : ملهمم
ملهم كان نايم .. قربت منه وسحبت المخده من تحت رأسه وضربته فيها وهي تقول : قوم قوم أنا تعبانه مره
ملهم بصوت نايم : وشفيك
ضحى : مدري كلمت مامي وقالت إني حامل ضحكتني يعني اي وحده تحس بدوخه وغثيان وصداع تصير حامل
ملهم فز من نومه وقال : صادقه تقولين يعني انتي حامل ؟ امشي على المستشفى
ضحى : هيا خذلك ذا كمان .. أقلك مامي تقول يعني مدري
ملهم بدل ملابسه وجاب لضحى عبايتها وراحوا للمستشفى ..
بعد ساعه : -
خرجوا ضحى و ملهم من عند الدكتوره وكان ملهم طاير من السعادة لأن النتيجه طلعت ايجابيه ..