بعد ما شافت عفرا مسج راشد و كانت الساعه 2:50 ، بدلت ثيابها و خذت السجاده و صلت لها ركعتين الوتر و على طول خذت تيلفونها و كلمت راشد ؛
عفرا : راشد ؟
راشد : ؟؟
عفرا : وينك ؟
راشد : عند دريشه غرفتج
( قامت عفرا و فتحت الستاره و شافته واقف )
عفرا : انا بنزل لك
راشد : بترياج عيل
مرت عفرا على باب غرفة ميثه و سمعت الحوار و صوت ميثه و هيه تصيح ؛
ميثه و هيه تشهق : س سهيل لا تخليني
سهيل : ميثه ودري ايدي خليني اروح
ميثه : بتروح و بتخليني ؟ لهدرجة اهون عليك
سالم : م تهونين علي بس خليني اروح لا تعذبيني ، قلت لج بحذفها بس خلاص خليني بحالي
ميثه و هيه تصارخ : شو خليني في حالي يا سهيل ! سهيل لا تهدم العلاقه عشان وحده وصخه
سهيل : لا حول ولا قوة الا بالله ، شو تبيني اسوي !
ميثه : هيه تحبها و ما ترضى عليها لانها **** و لانك ****
لف سهيل على ميثه و هو معصب و بنظراته العصبيه عطها كف ، سمعت عفرا صوت الكف و على طول دخلت الغرفه؛
عفرا : سهيل شو يالس تسوي !
تم سهيل يشوف ايده و على طول ركز على ميثه و هيه تصيح و حاطه ايدها على خدها!
راحت عفرا على طول عند ميثه
ميثه وهيه تصيح : روحج عفرا خلج شاهده على الي سواه
عفرا : سهيل اطلع برع الحين
سهيل : ميثه ؟
ميثه بصريخ : اطلع برع ما ابغي اشوفك يـ ****
سهيل : عفرا عفرا اطلعي شوي برع
ميثه معصبه : انتوا الاثنين اطلعو برع و خلوني
طلعت عفرا و طلع وراها سهيل و راحوا الصاله و كان عبدالله واقف عند الباب
سهيل : عفرا ؟
عفرا : هلا
سهيل و هو متلوم : مب قصدي يا عفرا والله مب قصدي
عفرا : ما عليه يا سهيل الامور بتهدا خلها هاي الفتره بروحها بترضى .
سهيل : ها عبادي شعندك جي واقف
عبدالله : كنت ادور عذر عسبت اشوفها
سهيل و عفرا : تشوف منوه ؟
عبدالله : الحب
عفرا : و منو هيه ؟
روضه طلعت من المطبخ : عباد. .
سهيل و هو يضحك : ايوا الحين عرفنا منوه
" الكل ضحك "
عفرا : افا يا رويض ما تخبريني ؟
روضه : اخبرج شو ؟
عبدالله : اكيد هـ الاكل حقي صح ؟
روضه : لا مب حقك فضحتنا جي زين ؟
سهيل : خليهم خليهم عفرا العشاق ، وين سلطون ؟
عفرا : والله ما ( وصلها مسج من راشد " ها وينج ؟ )
دخل سلطان الصاله : ها سهيلوه بلاك تتسال عنيه ؟
سهيل : وين. . عفرا منو بتصلبج ها الكثر ردي
" تيلفون عفرا يرن ورا بعض "
سلطان و هو يطالع عفرا بطرف عينه : منو يتصلبج ها الوقت ؟ احيد الناس ترقد ها الوقت
عبدالله استغرب : بلاج عفاري ؟
روضه : ما تبا تاكل و لا اكل أنا ؟
عبدالله : ما تفكرين إلا بـ بطنج ؟
و على طول طلعت عفرا و هيه متوتره و لحقها عبدالله و طلعت راحت عند راشد ؛
عبدالله : عفرا دقيقه شو فيج ؟؟
راشد : عفرا ؟
عفرا : عبدالله انت حسبت اخويه العود صح ؟
راشد : عفرا تكلمي !
عبدالله : راشد دقايق خلها وياي و عقب تعال رمسها
قام راشد و ما قدر يعارض عبدالله
عبدالله: شو فيج ؟ خبرني امي انتي
عفرا : سلطان
عبدالله : بلاه ؟
عفرا و هيه متضايقه : طلع من الغرفه معصب من الموضوع و دخل الصاله يكلمني بطرف عينه و هو ف عمره ما عاملني جي !
عبدالله : اي موضوع ؟
عفرا : موضوع راشد و انه يباني !
عبدالله : يمكن الموضوع ضايقه لانه راشد ما يناسبج و هاي رده فعله !
عفرا : هو فعلاً ما يناسبني ! ما ابغيه يزعل مني دخيلك حاول تفهمه !
عبدالله و هو يمسح على ايد عفرا : تعرفين انه سلطان ما يداني راشد صح و لا ! اكيد بيزعل عليه يوم بيشوفه ياذيج أنا الحينه بكلمه و لا تزعلين ، شوفي راشد شو يبا و عقب فوق على طول بترياج فوق فالصاله فاهمه !
عفرا : ان شالله
عبدالله : عفرا ؟
عفرا : هلا ؟
عبدالله : اكيد ها الموضوع !
عفرا : هيه هيه
و صد عبدالله و توجه الصاله !
ما بين كان راشد وقف بعيد و فجاة عينه طاحت على غرفة ميثه و جاف انها واقفه تطالعهم ! و توجه للمطبخ
سلطان يكلم سهيل : سهيلوه ريلي تعورني ابغي اعرف شو الموضوع بسير صدقني !
سهيل : يريال بلاك ! الحين بي عبدالله بيقول لنا كل شي !
طلع سلطان و هو معصب : ما اقدر اتحمل سهيل الوقت مب راضي يعدي بسرعه !
طلعت روضه تركض برع و خاف سهيل : رو روضه بلاج
عبدالله : انتي ايه كيف جي طالعه
قامت عفرا و تأشر لروضه انها تسكت !
روضه : ما بقدر اسكت عفير سامحيني
عبدالله : تسكتين فشو !
روضه : موضوع عفرا و راشد !
عفرا : روضه لا لا
عبدالله : دقيقه دقيقه عفرا يعني الموضوع الي قلتيه و لا شي ! قولي روضه !
روضه : سامحيني بس لازم نسكر الموضوع
عبدالله و هو يصارخ : قلت لج قولي !!
سهيل و سلطان سمعوا صرخة عبدالله
روضه : راشد اعتدا على عفرا !
عبدالله : تستهبلين صح !!!
روضه : و يالس يهددها انه إذا ما حبته بياذيها
عبدالله : يهبي النغل . .
و راح عبدالله على طول الصاله يدور راشد
على طول قام عبدالله و دخل الصاله و يلس يدور راشد و ميثه واقفه على الدري تراقبهم ؛
عبدالله معصب : وينه ها النغل ؟
سلطان : شو فيك ؟ تدور منوه ؟
سهيل : بلاك شو فيك يا ريال اهدا ؟
عبدالله : وين راشد !!!
سهيل : دش المطبخ
طلع راشد من المطبخ : بلاك تصارخ شو فيك وين راشد ؟
عبدالله معصب : انت ما تستحي على ويهك و لا شو ؟
راشد : شو سويت ؟ و ليش معصب !!
عبدالله : هاي بنت عمتك تعرف شو يعني بنت عمتك ! كيف تجراء تسوي جي فيها !
مسك عبد الله راشد من ثيابه : و قسم بالله يا راشد ان لمست عفرا لا تلوم نفسك حلفت يمين !
سلطان : شو مستوي !!!
سهيل يحاول يفجج من بينهم : عبادي خله يولي
قبل لا يطلع عبدالله من الصاله و يروح غرفته : اسمعني عدل يا راشد ، اذا انت حاط ف بالك ان عفرا لك صدقني انت خسران ، على طول طلع سلطان يدور عفرا ، و لقها برع تصيح و على يمينها روضه و تقرب منها ؛
سلطان : عايبنج الي صار ؟
عفرا : خوز عني دخيلك
سلطان بصريخ : قوليي عايبنج الي صار ، ما تخبريني أنا بس تستوي هاي المشاكل و أنا آخر واحد اعرف !
روضه : انته ايه شو فيك تصارخ عليها تراها مب حبيبتك !
سلطان : روضه والله بدفنج سيري فوق ارقدي بسرعه
طلع راشد و متوجه لعفرا
عفرا : ر راشد
راشد : ابا اكلمج لو سمحتي
عفرا : سلطان قوم شوي برمسه !
قام راشد و يلس مع عفرا في ( اليلسه الخارجية )
راشد : خبرتيهم ؟
عفرا : روضه قالت لعبدالله كل شي و صدق راشد تعبت !
راشد بصريخ : عفرا والله مب فاضي افصل عليج ! احبج افهمني
عفرا : و أنا ما احبك افهمني خلاص هب مجبوره !
راشد مسك ايد عفرا بـ القو
( سهيل و عبدالله و ميثه على طول طلعوا برع )
عفرا : خوز عني يا راشد
سلطان : خوز عنها انت ما تفهم !! اسمعني يا راشد لو ما خزت عنها لا تلوم الا نفسك خلاص بس فج عنها
راشد : تباها عناد ! ابشرك تراها حبيبتي و يحق لي اسوي الي اباه مالكم حايه في مشاكلنا !
صد سهيل على الباب و لقى ميثه واقفه و بدون شيله ، و على طول راح عندها و قرب منها !
ميثه : بتدخلني في صدرك شو ؟؟
سهيل يطالعها : طالعيني
ميثه : ما يخصك فيني
سهيل و هو يتنافخ : استغفرالله و اتوب اليه ، انزين طوفي جدامي الغرفه
ميثه : سلامات اخويه !
سهيل : اخويه ؟
ميثه : شو بعد الغرفه تراني مب حرمتك
سالم : بسرعه جدامي الغرفه و فوق ها شيلتج مب على راسج بسرعه دشي لاحد يشوفج
و على طول راحت الغرفه و دش وراها سهيل و سكر الباب
