المزرعة / 10:37 ص ّ
ام راشد : يا بو راشد لو ما عليك امر تروم تمر على الجمعية و تيب خضرة عسبت نزهب الغدا ؟ رشود كل عاده ينسى
بو راشد : ولدج هذا محد يعتمد عليه بشي
" راشد توه طالع من الميلس "
ام راشد : هاذوا رشود طالع
" راشد تقرب قريب المطبخ"
راشد : صبحكم الله بالخير يـ طيور الحب
بو راشد : ما تباني اقوم اغسل شراعك ؟
راشد : ليش ليش هديها يا الوالد
بو راشد : وين الاغراض تستهبل ؟ كيف بنخلص الغدا ؟
راشد : شت الجمعيه !
بو راشد : الحين الجمعيه ها !
ام راشد : راقد في الميلس ؟
راشد : هيه والله يا اميه يلسنا نلعب سوني و عقبها نمنا ما حسينا بعمارنا !
ام سلطان و هيه شاله الصينيه : رشود فديت روحك تعال ساعدني الخدامات أناديهم محد يرد عليه حشى !
راشد و هو يضحك : صوتج راح من كثر ما تنادينهم
بو راشد : منو وياك فالميلس ؟
راشد : أنا و خلود و ميود بس
ام سلطان : ليش الباقين وينه ؟
راشد : رقود داخل غرفة الضيوف
بو سلطان : يلا يلا اقربوا
فرشوا الزولية فـ اليلسه الخارجية تحت الظلة و حطوا الريوق و سموا بالرحمن و كلوا
في غرفة البنات / المزرعه
حمده توعي عفرا بصوت خفيف : عفاري عفاري نشي
عفرا : ها ها نشيت
حمده : قومي يلا ميته من اليوع انا
عفرا : في حد واعي غيرنا ؟
حمده : منو تقصدين ؟
عفرا : من البنات بعد منو !
" تسمع صوت تيلفون "
فطيم : ها فوني
حمده : بتوعين الكل ردي بسرعه
فطيم : منبه منبه
عفرا : يلا عيل فطوم تعالي ويانا بنتريق اكيد قوم خالوا تريقوا بدونا !
فطيم : يلا عيل دشي انتي اول الحمام لين اطلع لي لبس
حمده : البسوا نفسي
عفرا : شو البس تستهبلين !
فطيم : ليش ؟
عفرا : انا ما يبت لي هوديات
حمده : بتموتين من البرد يا غبيه
عفرا : عادي بلبس الفروه فوقه
دخلت عفرا الحمام و تغسلت و على طول طلعت و خذت لها مخور و يلست شوي تتعدل من المرطب و العطور
حمده : بتتمكيجين ؟
عفرا : لا طبعاً عقب الغدا بس الحينه بحط مرطب و بلشر ويهي ميت اقولج
فطيم : البس اي هودي ؟
عفرا : تستهبلون لا تلبسون هوديات ! يلا بسرعه ها الاسود حلو ، بسرعه سيري اتغسلي هاي بتموت من اليوع
و دخلت فطيم الحمام
حمده : بلاهم ؟
عفرا : منو ؟
حمده : صقر و حمدان ؟
عفرا : ليش بلاهم ؟
حمده : من يومين جي على طول متنرفزين مب من عاداتهم ؟
عفرا : هايل الشباب كل دقيقه مود و مزاج
حمده : احس وراهم شي
عفرا : حمده بلى حركات المحقق كونان
فطيم : ها انا خلصت يلا
حمده تتقرب من عفرا : الموضوع بينا لا ترمسين جدام البنات
و على طول طلعوا البنات من الغرفه و ساروا يتريقون
فطيم : بل هايل متى نشوا من الرقاد ؟
خليفه : شو بل ؟ الناس تقول صباح الخير كلام حلو !
فاطمه : اوكي
خليفه " بـ اسلوب مصخره " : اقولج انتي ايه
فطيم : ها ها شعندك ؟
عفرا " و هيه تضحك " : ايه بس بس اسكتي
فطيم : ما تشوفينه كيف يرمسني !
خليفه : تعالي يلسي مكاني انا شبعت
فطيم : احسن
