وابقى انتظرها هناك لحد ما تخلص كلية
مره من المرات وانه مرجعها للبيت
شفت شباب بالشارع واكفين
هي نزلت انه نزلت راجلاً وياها
كالت هاي وين نازل انت!؟
كلت الها ما تشوفين الشباب بالشارع
واغار واخاف عليج
وصلتها للباب وجان يطلع اخوها ويتلاكة وياي وجه بوجهه
كالها منو هذا!؟؟؟
هي جفلت من الخوف
كتله هاي البنيه احبها وخفت عليها من الشباب و وصلتها للباب؟؟؟؟؟!!!
اخت والعرض غالي ويسمع هيج!!
جان كبل ضربني ع صدري
من ضربني
رجعت ضربته ع وخشمه
كام ينزف
التمت العالم ،،.. وجان يطلع ابوها!؟
ابوها من الناس الي عدها جذور بالدولة
شنو صاير!؟
كتله عمي
انه احب بنتك ووصلتها للباب لان اخاف عليها من الشباب
جان ابوها اخذله صفنه
يريد يستوعب الموقف
كالي تعال فوت للبيت
فوتني للبيت ،،،
كال انت لو مخبل لو ادبسز
ماكو واحد هيج يحجي
كتله ليش اجذب عليك ،،، هاي الحقيقة وما فيها
كتله انه مو ادبسز ولا شي بس ما اعرف اجذب
والله شاهد
ايدي ما مخليها على شعره من شعراتها
كالي انت منين
كتله من البصرة
وانه ابن فلان وعمامي كذا وكذا
هو عرفهم بحكم
الاسماء الشائعة لشيوخ العشيرة
بهل الاثناء اجتي ام البنية للصالة تريد ترزلني لان ضارب ابنها
من شافتني عرفتني
كالته ابو فلان ،،، هذا الي حجيتلك عنه ودافع علينه
ابوها : كال عمي انه انطيتك بنتي
كبل رجعت للبصرة
كلت لهلي بالسالفة
قبل جان العرف العشائري والقبلية هي الحكم السائد بالمجتمع
وهي من عائلة منفتحه جداً ومن غير طائفة
اهلي كالو لو على جثثنه ما تاخذها
حاولت بكل الطرق ارضيهم واقنعهم
بس ماكو فائدة.
يتبع.....
