عبرت احداثيات للمقر
وره نص ساعة اجتلي قوة من سرية الاستطلاع
اخذوني للمستشفى
كالو هاي لازم رجله تنبتر
الامر مالتي ما قبل
وتصايح مع الطبيب
والطبيب شكك الاوراق مالتي وكال مالي علاقة بيكم
الامر
بعلاقاته واتصالاته رتب اموري
خلوني باسعاف واخذوني الى بغداد
الى مطار المثنى
ومن مطار المثنى بطائرة الى البصرة
ومن البصرة كبل الى ايران
سويت ٣ عمليات
بعدها رجعت للبصرة
بس ما اكدر امشي لان صدري بي عملية ورجلي كذلك بيها شبكة مال ابلاتين
جنت ع عربانه اطلع
من اخابرها احسها متغيرة مو مثل ما عرفتها
انه كلت خطية يمكن صارلي ٣ اشهر ما رايح الها
خابرت صاحبي
كتله تعال
اجالي للبيت
كتله تروح الى اوس ابو الذهب
لان خابرته ع كلادة ذهب تجيبه منه
وتشتريلي ايفون
وتجي
المهم رجع صاحبي وجايب الشغلات ويا
كتله هذا السويج مال سيارتي
خلي نروح لبغداد
كالي معود انت وين تكدر تروح
هو بالمسكنات وانت ما تكدر مو انوب تسافر
كتله مالك علاقة
الساعة ١٢ ليلا طلعنه لبغداد
وصلنه الفجر
كتله اهل بغداد ما يكعدون من وقت
وديني ازور الامام الكاظم ع
رحت زرت وخلصت
صارت الساعة ١٠ الصبح
كتله يلا وصلني
وصلني يم بابهم
كتله اخذ السياره وروح لخوالك ونبقى ع الاتصال
هو راح وانه دكيت الباب
طلعت امها
هلا هلا خالة حياك الله
شجابك وانت بهاي الحالة
يتبع......
