بعد شهرين كان كل من ايهاب وسلطان يجلسان بهدوء في مكتب سلطان .
يقوما ببعض الاعمال فقد تراكمت الاعمال كثيرا ، حتى انهما في بعض الايام لا يعودان الى المنزل .
وسط انشغالهما فتح الباب بقوة كبيرة حتى انهما فزعا من الصوت .
خطوات قادمة نحوهما .
وقف ايهاب باستغراب وسلطان لا يقل صدمة عنه .
_ روبين !! رجعتي امتى ؟ وايه الدخلة دي .
ردت عليه بالغضب الموجود في العالم بأكمله :
_ رجعت ؟ انا اجبرت ارجع حضرتك يا اخويا العزيز ، ايه ده ؟!
اقتربت بغضب ووضعت ورقة مطوية على المكتب بغضب شديد .
امسكها ايهاب باستغراب ومن ثم ارتسمت الصدمة على ملامحه ، شحب وجهه .
ناظره سلطان باستغراب حتى لمح الورقة وبالطبع عرف ما يوجد بها .
_ ممكن اعرف ايه ده ؟ انت بتغفلني يا ايهاب ؟؟ حتى انا اختك الوحيدة ، على طول بتقولي خايف عليا وبتحبني ، وبعدها اكتشفت انك راميني الرمية السودا دي من سنة ونص ؟ سنة ونص يا ايهاب ؟! مش حرام؟!
وانت يا استاذ سلطان ، مبسوط يا حبيبي ؟! مش ده برضو الي كنت عاوزو ؟!
ايهاب بجدية :
_ اسكتي ! مش زي ما انتي فاهمة يا روبين ، انتي فاهمة غلط .
رفعت حاجبها بسخرية :
_ وايه الصح بقا !؟
_ هتعرفيه في الوقت المناسب ، انما دلوقتي تسكتي خالص .
لاول مرة تشعر بالنيران تغلي بداخلها ، ليس الى هذا الحد لقد اكتفت .
قالت بانفعال وصوت جهوري :
_ اسكت ؟ وحقي ؟ اكتشف من الغريب اني متجوزة ؟ متجوزة من سنتين وحضرتك الوالي عليا ؟ يعني انت متفق معاه ورمتني زي ما بترمي كلب عندك ، ليه طيب ؟ افرض انا حبيت حد وحب يتقدملي وقتها هتقولو حبيبتك متجوزة ؟ اقلك سيبك من ده ، لييييييه ، سبب واحد بس وانا احط الجزمة ف بوقي واسكت ، ده انت الوحيد الي امنتلك يا ايهاب ، الوحيد الي وثقت فيه وارتحتلو وقدرت اعيش معاه بعد ما اهلي خذلوني ، تيجي انت كمان تخذلني ، مش حرام عليك ؟! قولي مش حرراااااااام ؟؟؟؟!
سلطان بهدوء :
_ الموضوع انتي المستفيدة فيه ، معلمناش كل ده علشان حضرتك تيجي تقولي اننا رميناكي ، احنا لو معلمناش كده كنتي دلوقتي متجوزة راجل اكبر من والدك بمراحل ، قبل ما تتجنني علينا وتقولي كلام اهبل زي ده ، اسالي عن السبب .
اقتربت منه بغضب وهي تقول :
_ وانت ايه مصلحتك علشان توافق تتجوزني ، متقوليش علشان تحميني ، انت عملت كده علشان بتحبني فقلت مقبلتش اتجوزها اروح بقا استغل الموقف واكتب عليها واحطها قدام الامر الواقع .
لاول مرة يرفع صوته عليها :
_ لو فاكراني حقير كده تبقا مشكلتك وحليها مع نفسك ، انما تتبليني بكلامك الاهبل ده مسمحلكيش .
روبين ببرود :
_........ .
ـــــــــــــــــــــــــــــــــــــــــ
بتمنى تعجبكو
ولو عجبتكو متنسوش الكومنت الحلو
باي باي
الى لقاء في بارت جديد .
