فارس احلامي

العاشره

باسل : خلاص انا بعرض عليكي الزواج وبكدا ادهم مستحيل يؤذيكي هتكوني في حماية راجل و كمان فرد من عائلتي
ديما بصدمه : انتا بتقول ايه ؟!
باسل : اطلبك للزواج هجيب والدي النهارده الساعه 6 باليل وانتي شوفي حد كبير يقعد معاه حلو كدا
ثم غادر باسل من الشركة متجهاً إلى شركته
pov  :  هو ازاي كده وايه اللي حصل من شوية ده بجد هو عايز يتجوزني بس ليه هو مشفنيش غير مرة واحده بس لما ادهم بعتني ليه علشان امنعه يوصل للصحفية اللي بيحبها ادهم  .....  يمكن هو فعلاً طيب وعايز ينقذ اخته علشان كده طلب يتجوزني  .....  انا لازم اساعده انا خسرت عيلتي كلها وعارفة شعور انه عيلتك تختفي كلها ..... هوافق بس علشان اساعده ينقذ عيلته  ....  مبروك ديما  جونز حياتك هتتحول من اميريكا لمصر تاني ....الغي كل حياتك من اول وجديد تاني وعيد كتابة حياتك علشان حد تاني بس المختلف دلوقتي انه مش هكون في صف اخويا هكون في صف جوزي .... اروح استعد بقى علشان باسل يجي يخطبني النهارده  .....  ههههه حاسة اني بحلم والله هههههه
خرجت ديما من الشركة ثم ذهبت إلى بيتها اخذت تنظفه ثم حضرت بعد الحلويات وبعدها ذهبت تستحم وارتدت فستان ابيض طويل واكلقت العنان لشعرها وارتدت قرطين من الالماس
.
.
عند باسل....
خرج باسل من الشركة إلى بيته وذهب واشترى جاكت كافيه وقميص ابيض وبنطال جينز ثم ذهب إلى بيته وعندما وصلت الساعة ال 8 اخذ سيارته وذهب إلى بيت ديما وعندما وصل ودق الباب فتحت له ديما
pov  :  ايه الحلاوة دي عمري في حياتي ما شوفت باسل بالحلاوة دي كان بالنسبة ليا شخص عادي جداً .... ليه دلوقتي حاسة انه مختلف شوية
استيقظت ديما على صوت باسل  :  ديما .... ديما روحتي فين
ديما  :   هنا  ....  مروحتش مكان
باسل  :  انما ايه الحلاوة دي  .... مكنتش اتوقع انك حلوة للدرجة دي
ديما  :  شكرا  وانت كمان شكلك حلو  .....  بس مش حاسس انك لابس كاجول
باسل  :  طب ندخل ونتكلم ولا هنتكلم على الباب
ديما   :  اه معلشي اتفضل
باسل  :  شكرا
دخل باسل مع ديما إلى غرفة الجلوس
باسل  :  بيتك حلو اوي
ديما  :  شكرا من ذوقك  ....  بس بيتك شكله احلى الصراحة
باسل  :  اه اكيد حلو لانه اللي فرشه .....
ديما  :  سكت ليه مين اللي فرشه
باسل  :______
ديما  :  باسل مين اللي فرشه ..... هل كان عندك حبيبة وهي اللي فرشته
باسل  :  لا مكنش عندي حبيبة اللي فرشه خواتي الاثنين  .....  قريب هتتعرفي عليهم متقلقيش  ....  المهم فين كبير العيلة
ديما  : انا هو كبير عيلتي انا  ..... ابويا في اميريكا وميعرفش عني اي حاجه وولدتي متوفية وبس
باسل  :  خلاص هتكلم مع الكبير ..... بص يا عمي انا طالب القرب منك في بنتك ديما  ....  لو وافقت عايز كل حاجه بسرعة يعني بعد بكره الشبكة والخميس اللي جاي الفرح يعني خلال اسبوع يكون كتب كتابي وفرحي عليها
ديما  :  ازاي
باسل  :  ايه اللي ازاي  .....  عايزة اتجوز يا عمي .... والصراحة بقى بنتك مزة اوي وعايزها
ديما  :  هههههههه  هو فيه حد يكلم حماه كده
باسل   :  يبقى على بركة الله عن اذنك بقى هاكل من الحلويات دي ريحتها عجباني اوي .....  طعمها تحفة جايباها من محل ايه
ديما  :  انا اللي عاملاها
باسل  :  شغل انه انا اللي عاملاها مش شارياها دي ميكلش معايا  .....  شارياها منين
ديما : والله العظيم انا اللي عاملاها
باسل  :  هيبان ده بعد الجواز  ....  اعمل حسابك بكره اخدك نجيب دهبك يا بنت الناس  قولي عايزة دهب بكام
ديما : وكمان هجيلي دهب
باسل :  شكل عيشتك في اميريكا معلمتكيش الاصول والتقاليد اللي هنا  ....  مش مشكلة هبقى اعلمك كل حاجه  ....  وانا هبقى ارن على اختي واشوفها هتقدر تيجي او لا
ديما  :  اوكيه هستناك بكره  الساعه 5 كويس
باسل  :  كويس اوي  ....  سلام عليكم ونتناقش في باقي التفاصيل اول بأول
ديما  :  وعليكم السلام 
غادر باسل بيت ديما
.
.  ديما  :  ايه اللي حصل دلوقتي انا دلوقتي هتجوز بجد  .....  او انا بحلم  ....  يعني انا دهبي بكره وشبكتي بعد بكرة وفرحي يوم يوم الخميس اللي زي النهارده  ....  مش مصدقة كل ده  رغم اني عارفة انه بيعمل كل ده علشان خواته إلا انه انا مبسوطة اوي باللي بيحصل  واخيراً هكون بين عيلة وحد يخاف عليا بجد ويقدمني للناس من غير ما يخاف ولا يخجل ..... انا مبسوطة اوي اوي
.
.
باسل ركب عربيته
باسل  : فعلاً هي وحيدة زي ما توقعت يمكن فعلاً هي ضحية ادهم المنصوري  .....  ديما بقت زي آلاء في المعزة والحب  ....  هتكون خلال اسبوع مراتي على سنة الله ورسوله وهديها الحب اللي هي فقدته واللي خلتها تلجأ لادهم المنصوري هتكون ديما باسل السويدي
ذهب باسل إلى بيته ثم نام ومثله فعلت ديما
.
.
في صباح اليوم التالي في بيت الانصاري

حنين : طاب هسمع كلامكم لحد ما افهم ..... لكن اول ما يمشي افهم كل حاجه
مريم  :  زيزو احمد جاي
زينب  :  اطلعي يا بت من هنا وانتي نامي علشان خاطري
خرجت زينب ومريم من الغرفة ودخل احمد وجد حنين في السرير
احمد نظر إلى حنين  :  حنين اسف والله مكنش قصدي انه تدخلي بسببي في الحالة دي مكنتش اقصد والله اسف يا حنين سامحيني  اوعدك اول ما تصحي هعوضك عن كل حاجه هعبرك عن مشاعري واصلح كل حاجه بينا ونتجوز ..... انا بحبك ومقدرش. اعيش من غيرك ثم طبع احمد قبلة على رأس حنين ونزل إلى الاسفل
استيقظت حنين عندما سمعت صوت اغلاق الباب
حنين  :  ايه اللي حصل من شوية ده  .....  مين ده مين اللي كان بيتكلم معايا من شوية ده  .....  مستحيل يكون ده احمد مستحيل
عندها رن هاتف حنين 
حنين  :  الو الكلب اللي وحشني اللي مبيسألش
المتصل  :  حبيب قلبي ايه اللي كان حصل معاكي  ....  كنتي في المستشفي ليه
حنين  : قصة طويلة يا روحي
المتصل  :  كنت عايز اقولك حاجه مهمة
حنين  :  قول
المتصل  :  ____‌_
حنين  :  بتهزر من غير ما تعرفني يا كلب  ....  المهم قولي امتى
المتصل  :  بكرة في **** الساعه 5
حنين  :  الساعة 5 الا ربع هكون عندك
المتصل  :  مستنيكي  بكرة متنسيش
حنين  :  متخافش يا حبيبي مش هنسى
دخل احمد  فجأة على حنين 
احمد  :_______
حنين  :  احمد اهدى بس
انتهى البارت ......