حُبٍ جديد وحكايه عشق مجنونه

Part 1

بالرياض تحديداً مطار الملك خالد الدولي ..
توهم نازلين من الطياره ورايحين يستلمون شنطهم ، استلموها وخلصوا وطلعوا يأخذون اوبر ، كانت دِيمه متعجبه وهي تشوف الرياض الي منزمان ماجاتها او زارتها ! كانت تشوف التغير المرعب بالنسبه اليها ،
دِيمه : فيصل احس خايفه مالقى احد زي جوي او زي ما احب ، غير نوره
فيصل : عادي يابنت تتعودين عليهم ارتاحي انتِ
بينما الام منال و ابنها شِهام مسترخين على وشك ام يقومون بالنوم
شِهام : ديمه شفيك شايله هم خلاص مايكلون هم ترا
ديمه : انت اخر من يتكلم بعدين اكيد بت .....
ابو فيصل : بس انت وياه بزارين انتم وبعدين لا تلومونها اكيد بتتوتر اول مره تقابلهم بعد انقطاع عشر سنين !
سكتوا الكل لين ماوصلوا الى الديره ،
دخلوا وراحو يسلمون والتراحيب
ام فيصل : يلا ديوم روحي للبنات الي بكبرك
دِيمه : ابشري
ودخلت ديمه
نوره : ارحبيي دييوميي
دييمه : البقىى نوريي سروريي
وحضنوا بعض وبعدها راحو يسولفون وبدت الميانه
ديمه : ام بنات طفش
نوره : اي مره اتفق معس الصدق تبون نروح للمطبخ نطبخ؟
لين : تم بس انا مابسوي شي ماعرف ترا !
رفيف : انقلعي بالرفله انتِ بس
ديمه : شقصدك ! تراني حتى ماعرف اطبخ
رفيف : افهموها زي ماتبون عاد ومشت
رند : بنات تخيلوا وع بنت عمي لمى بتجي
ديمه : طيب اشفيها؟
رند : شكلك ماتعرفين لمى ياعمري
لين : يع كريهه
رفيف : خلاص بنات عيب
نوره : بحقها لا والله مو عيب
ديمه : خلاص بنات اساساً المهم شرايكم نسهر ؟
نوره : يابنتت صحصحي بكره في عزيمه كبييره صحصحي حُبي !
ديمه : هف طيب لا تاكلوني
ومشو ينامون
~ عند العيال ~
فيصل : يعيال طفشت ماعندكم فعاليات انتم الا بلوت
شِهام : ايي والله شرايكم نلعب سوني ؟
العيال : تم
راشد : يعيال جوعان
سطّام بسخريه : فيه وقت اصلاً تكون فيه شبعان ؟
ضحكوا كل العيال
راشد : شسوي طيب هذا بطني !
سلطان : شرايك يا سطّام تغنيلنا بالعود ؟
سطّام : تم وراح يجيب العود
سطام : يلا شتبون اغنيلكم
راشد : يابعيدد وجابك الله
العيال : ايي صدق راشد
سطام :
" كنت أشوفك مثل نجمٍ في السماء ساطع وعالي
يا بعيد وجابك الله لين عندي وصلك
يا بعيد وجابك الله لين عندي وصلك
جيتني مثل الشروق إللي محى عتم الليالي
جيت فرحه للحزين إللي من همومه هلك
جيتني واٍنت يحبك ألف محبوبٍ بدالي
سخرك سبحانه إللي في عيوني كملك "
وقاموا العيال يغنون وراه ويضحكون
سطّام بثقه : هاه شرايكم بس
شِهام : حلو بس الي زينه صوتي يوم رددت وراك
سلطان : انت اخس صوت اسكت بس
راشد : صدقت يا سلطان
سطّام : خلاص انت وياه امشو نرقد ورانا بكره غثا
وراحو يرقدون
~ اليوم الثاني 9:20 ~
الجده : لا بارك الله فيكم قومن تسنعن ساعدونا فالحين بالنوم والسهر
نوره بنوم : سمي جده دقيقه
الجده طقت العصا برجولهم وفزو
دِيمه قامت وسلمت على جدتها
الجده : يلا قومن اشوف وحده راقدتن بس
وراحت وقاموا البنات ونزلوا يفطرون
الجد : حيّ الله بنت محمد
ديمه ابتسمت : الله يحيّيك
وقاموا يفطرون
ام راشد : يلا بنات قومن ساعدوني بالطبخ
البنات : ابشري
وراحوا يساعدونا
ام راشد : ديوم روحي انتِ ونوير تنظفون الحوش
ديمه : ابشريي
وراحو ينظفون
نوره بضحك : اهخخ ديمه ماقدر شكلك بالقميص كذا ماتعودت تعودت عليك بالجوال بجايم وحركات
ديمه بضحك خفيف : الصدق اريح احس يعني احس احس
نوره : اييه زيين زيين
ديمه : نويير شوفي شوفي
ورفعت ديمه القميص على خصرها وقامت تتزحلق بالمويه
نوره : خير ابغى وقامت نوره تسوي زيها
ويضحكون ودموع ضحك
الساعه 4:17
ديمه : يوهه بنات طولنا ماخلصناا ولا سوينا شي اخلصوا نروح نلبس
نوره : كلك بسببك انتِ وزحلقتك
لين : صادقه نوره
ديمه : مو وقتكم امشو بس
وراحوا فوق يلبسون ....
~ عند العيال ~
سطّام بصراخ : ويين الكبك الي كان هنا من الكلب الي خذاه
شِهام : شوفه موجود تحت طايح
سطّام : اي زين مشكور
سلطان : يعيال من يروح المغسله يجيب ثوبي
فيصل : اي بعد من بيروح ؟
راشد : مو وقتكمم تتهابدون اخلصوو عليينا
~ عند البنات ~
نوره : بنات شرايكم احط روج نود ولا ؟
ديمه : لا
لين : بنات وين الكعب الشفاف الي فيه كرستال ذاك
ديمه : عاينيه هناك بالدرج الي بالزاويه
لين : اييه صح مشكور بيبي
ديمه : وع الله يقرفك يشيخه
لين ضحكت
العنود بحياء : ديمه عادي تسوين شعري ؟
ديمه : اكييد يلا
يوم خلصت ديمه العنود
ديمه : اوفف عسل عسل
العنود ضحكت : احببك وراحت
ديمه : يزينها
رند : بنات خلصت شراييكم ؟
ديمه تمثل الاغماء : امسكونيي شذا الجمال !
ضحكوا البنات
نوره : ديمه متى ناويه تلبسين ابي نشوف كشختك ياخي
ديمه : ماراح اوريكم
البنات : هيييه !
ديمه : امزح امزح يلا بروح افك شعري والبس
رند : ايه شطوره هههه
ديمه خلصت وطلعت للبنات : هاه شرايكم بنات ؟
البنات اختلفوا بردودهم : يمه منذي المزه ، تهبليين تبارك الله ، وه يحلو الي بيتزوجك بس
رفيف : بدوخ امسكوني تجنن بناات !
ضحكت  ديما ووجها تورد وصار احمر من الخجل
رفيف ضحكت : شف شف استحت

نبذه عن ملابس البنات ~

نوره : لابسه اسود بدي من فوق ومن تحت منفوش ومزين بقطع كرستال صغيره مع كعب ابيض ومسويه شعرها ويفي من تحت خفيف وميكب خفيف
~~
دِيمه : فستان احمر ضيق من جهة الخصر بدون اكمام وقصير على الركبه مع كعب اسود وميكب خفيف مبرز ملامحها الفاتِنه ، شعرها ويفي
~~
لين : فستان بينك باكمام منفوشه شوي مع كعب شفاف وشعرها ستريت
~~
رفيف : جمبسوت موفي مع كعب اسود وميكب مخلي ملامحها حاده
وشعرها ستريت
~~
رند : فستان سماوي هادي وكعب ابيض وميكب خفيف وشعرها كيرلي
~~

دِيمه : ياربيه نزلوا وخلوني لحالي ببكي
نزلت ديمه ودخلت المجلس وكانت كل الانضار عليها ويتكلمون عنها
( ماشاءالله من هذي بنته ؟ ، تبارك الله ، مغروره ، والخ )
راحت تسلم وتجلس جنب البنات
ديمه بتوتر : يمه بعدين ليه يناظروني كذا !
نوره بغمزه : خاقين عليس بيخطبونس لعيالهم
ديمه : انطمي
ام فيصل نادت ديمه
ام فيصل : يبنتي تحصنتي؟
ديمه : اي يمه
ام فيصل : بسم الله عليتس تبارك الرحمن تهبلين يابنيتي
وباستها براسها ودخلوا
دِيمه بهمس : بنات حروح للمطبخ اشرب مويه شويه متوتره
البنات : تمام حُبو
راحت دِيمه تشرب مويه وجلست شوي
سطّام داخل مستعجل : وقف مصنم يوم شاف ديمه كانت يتاملها بهدوء وكان منصدم من جمالها من كل شي فيها استغفر الله ورجع عقله
سطّام : عطيني فناجيل بسرعه
ديمه : طيب ومدته له وهو راح بسرعه
ديمه ماتت حر وخجل من الموقف الي صار قبل شوي والتنفس عندها ضاق وراحت علطول للبنات
نوره : شفيس؟
ديمه : هاه لا ولا شي
نوره : ديمه اخلصي قولي شفيك
ديمه : يبنت مافي شي اشبك ؟
نوره : ديمه ياكذابه قولي عشان ما اعصب
ديمه : اف خلاص !
نوره لفت ورجعت طبيعي لان بالنهايه بتقول لها يعني بتقولها
دخلت لمى وجلست جنب البنات
لمى بنظره لدِيمه : امم انتِ يا ديما
ديمه : اسمي ديمه بالهاء مو بالالف
لمى : مايهم بس لا تلبسين احمر لانه ماناسبك
دِيمه بسخريه : على اساس انتِ الي مناسبك؟ تقلعي لا انتفك
لمى : حسافه انصحك الصدق ومشت
ام راشد : يالله ديومي قومي رقصي
دِيمه بحياء : لا عمه مابغى
ام راشد : اقول ترديني !
قامت ديمه ترقص وتتمايل والكل معجب فيها
لمى باستهزاء : ههه لو ارقص انا ؟ انفجر الحفل من جمال رقصي
____________________
يتبع
انستا : ftoo.n202
تيك : ftoo.n202
( اعذروني البارت شوي قصير احسه بس صيام ومصدعه مره وحاولت بقد ماقدر اكتب لكم وطبعاً ادعموني روايتي الجديده ،
والعشاء او المغرب اذا فيه تفاعل حلو بنزل بارت يلا باي حبايبي 🏃🏻‍♀️)