حُبٍ جديد وحكايه عشق مجنونه

Part 7

^^

فبيت الجده بالديره ||
الجد بصراخ : احمدددد
احمد فز : سم ياجدي سم
الجد : وانا ابوك ابيك تدق على عمانك وزوجاتهن وقلهن اني بسوي عزيمه انا وجدتك
احمد : ابشر عاني ذلحين بروح ، راح احمد وخبر الكل

(( عند مكان اول مره نروح له // تحديداً ؛ بيت سلطان ))
ساره بصراخ : نواف تعال بسرعه يوييلك
سلطان بضحك : شفيك خليه يلعب ويستانس
ساره بطرف عين : سلطان تستهبل؟ اقولك في عزيمه وماسويت اي شي
سلطان بضحك خفيف : خلاص انا اسف بروح البس نواف وانتِ نوف تمام
ساره هزت راسها بالإيجاب ،،،،،، خلصت نوف الي لبستها فستان وردي هادي وفيه ورد ومناسب لعمرها (( ٤ سنوات ))
وراحت هي تلبس لها كذلك فستان فوشي لكن مريح للعين وفيه ورد زي بنتها ،،،، سلطان : يلاا ترانا خلصنا بننتظركم بالسياره
نزلو وركبوا السياره وحركوا متوجهين للديرة ،،،

(( سطّام ودِيمه ))
طلعت من الشور وطلعت لها فستان باللون البيج ضيق من فوق ومن تحت مكسر وسوت شعرها ويڤي وميكب خفيف جداً ولبست عبايتها وطلعت لسطّام الي ينتظرها بالسياره ،،، ركبت دِيمه ،،،
سطّام : ياهلا ومرحبا
دِيمه ابتسمت : اهلين
سطّام : تبين شي قبل نحرك للديرة ؟
دِيمه : ايه بالله ابغى شاهي
سطّام : من عيوني ، طلب لها شاهي وحط شيلة (( على الموعد ))
ومسك يدها وبدا يدندن معه ^^^
{ على الموعد الي بيننا جيت لك ملهوف
اسابق عقارب ساعتك قبل موعدنا
وانا داري ان قلبك على شوفتي مشغوف
لو انّه يجور الوقت فينا ويتعبنا

تحديت جور الوقت ياضامر السرجوف
لو ان اللقاء شح الزمن به وعاندنا
واذا الله كتب لك عمر باذن الولي بتشوف
وتدري بوفاي بوقت عيّ لا يسعدنا
احبك لو انك في ديار الخطر والخوف
لو ان الزمان الشين ودّه يخالفنا }
ودِيمه تصوره وهي مبتسمه

^^ وصل الكل الديرة

عند الحريم ||
ام راشد بهمس لي نوره : قومي قهويهم يامالا العافيه
نوره : ماما تكفين قولي لي رفيف
ام راشد : اقول اخلصي علي ،،، هزت راسها نوره وقامت تقهويهم وهي تتحلطم
رفيف بضحك : بنات شوفو وجه نوره شوي وتبكي
ديمه : وربي ياعمري مسكينه
لين : احسن عشان ثاني مره تسوي شعري زين
رند : كلن على همه سرا
دِيمه : وانا على همي سريت
رفيف تبي تستفز نوره : نوير حبي صبي لي
نوره رفعت حاجبها : حقك باقي فيه طيب
الجده : رفيف قومي عاونيها ( ساعديها ) بالحلا ووزعي عليهن
رفيف : يمه مابي ليه انا
ضحكو البنات عليها نوره : شوفي عانيتس كنتي تتشمتين فيني وشوفي شصار لتس
دِيمه قامت : جده عطيني بوزع بدالها
الجده : كفو بنيتي هذا العشم فيتس حرم سطّام
ابتسمت دِيمه وقامت توزع عليهم الى ان خلصت وجلست وهي تدور جوالها لفت علو رند : رنود عادي تجيبين جوالي شكلي نسيته عند المغاسل الخارجيه
رند : ابشري ولا يهمتس بالخدمه
قامت رند ولقت جوال دِيمه وقبل تروح قعدت تصور شي الا وتسمع صوت جايها ، احمد : سليطين وي.. فتح عينه بصدمه من الانثى الجميله الي شافها كانت جميله جداً ! وقعد يتامل وبعدها استوعب على نفسه وصد وقال : وش جابتس هنيا
رند بتلعثم : ها ا ي جي.ت اخذ الجوال الجوال
خذت الجوال وطلعت مسرعه ووقفت شوي تسترجع نفسها ودخلت وتحاول تصير طبيعيه
دخل احمد مجلس الرجال وهو يهوجس فيها
عند الحريم //
جا اتصال لدِيمه من سطام يطلبها تجي ورا الاستراحه بالفعل قامت ديمه وعدلت شكلها وطلعت له
شافت سطّام وتقدمت له وحضنته تنحنح سطّام وقعد يتاملها بهدوء وبكل حُب ، دِيمه : شفيك تعبان ؟
سطّام : وهو الي يشوفك مايتعب قلبه
دِيمه ابتسمت وبانت غمازاتها تقدم سطّام بكل هدوء وقبّل غمازاتها وابعد واردف : نروح الاسطبل شرايك ؟
دِيمه : تم ماعندي مانع بس بلبس وبجيك تمام
سطّام هز راسه بالايجاب وقبل تروح حط مبسمه على مبسمها وقعد يقبلها بكل حب وهيمان وابعد وراح
ودِيمه موقفه مكانها تحاول تستوعب وعلطول راحت وغيرت وطلعت بالسياره له وهي مستحيه ضحك سطّام : شفيك مانتي على بعضك
دِيمه : ها ولا شي يلا نروح
سطّام : تمام
ومشو طريقهم للأسطبل ووقفوا ونزلوا ،،، سطّام تتذكرين يوم اول مره تقابلنا هنيا وسوينا سباق ؟ ،، دِيمه : اي مره كان حلو وبالاخير فزت عليك الحمدالله وضحكت
ابتسم سطام وقام وركب اللجام للخيل ولف عليها قايل : تعرفين تركبين بدون سرج ؟
دِيمه : شدعوه عليك اي اعرف
سحبها سطام ورفعها للخيل وركب وراها وشد على خصرها وقعد يمشي كان ظهرها لازق بصدره ومثبتها بيده ويمشي بهدوء
سطّام : سولفي شفيك ساكته ولف وجها على وجهه وشاف وجهها الاحمر وضحك بقوه وكمل : لهدرجه مستحيه مني ترا عادي زوجك
دِيمه : لا ماستحيت عادي
سطّام بخبث : طيب دامك ماتستحين مني بوسيني
دِيمه رفعت حاجبها : سلامات عيب
سطّام : هاو تراس زوجتي وحلالي يلا عاد
دِيمه باسته بخده بهدوء وبعدت
ضحك سطّام ولفها له مره ثانيه وقبل شفايفها بكل قوه حاولت تبعده لكن ماقدرت ابعد سطّام عشان ياخذ نفس ماتحملت دِيمه وضحكت يوم شافت شفايفه وقالت : شف شفايفك فيها روج ههههه
سطّام ضحك وقال : امسحيه لي لو سمحتي هزت راسها بالايجاب ومسحته ولفت وقعد يسرع الخيل شوي ورجعوا لي الاسطبل ودخلو الخيل وركبوا السياره راجعين للبيت ،،، دخلت البيت او غرفة سطّام لانهم بالديره وغيرت لبسها وجلست عالسرير ولفت على سطّام الي منسدح بالسرير : سطّام السرير حق شخص واحد مايكفي
سطّام سحبها ودخلها بحضنه بكل قوه كانها بتضيع منه ، دِيمه : وي سطّام انكتمت وسع لها سطّام شي وضحك على وجها وصار صمت وقالت بدلع : سطامي حبيبي
سطّام بهيام : امري ياعيوني امري بس
دِيمه : ليه مانسافر شهر العسل
سطّام : ايييه ذكرتيني صح تراني حاجز قبل ثلاث ايام ورحلتنا بعد بكره صح تذكرت
دِيمه فرحت مره وحضنته بقوه بالسرير : احبك سطّام مره
سطّام : يالبيه بس اهيمك والله وتلحفوا والكل راح باحلامه

^^تحت عند لين ورفيف ^^
لين : اف رفيف ماتحسين طفش الكل راقد الا حنا
رفيف بنعاس : وشكلي برقد معهم
لين : يويلك يويلك والله ازعل
رفيف : طيب ايش عندك شنسوي يعني
لين : والله اني مدري شرايك نلعب سوني ؟
رفيف : تمم بس من وين لنا
لين : ياذكيه سهله غرفة احمد اكيد فيها
رفيف : تم يلا خل نروح قاموا وتسللو لغرفته بكل هدوء وخذو السوني وهجو تحت رفيف بضحك : اخخ جبناه يونس يلا شغليه
شغلوه وقعدو يلعبون وضحك وبعدها طفوه وراحو يرقدون

انستا :: ftoo.n202