حُبٍ جديد وحكايه عشق مجنونه

Part 2

" خلصت العزيمه "
دِيمه : اهخخ بنات تعبب تعبب احسني من سنتين ماجلست
نوره : اف بطني يعورنيي
لين : لمى لو بيدي حصفقها ياخي
رفيف : اي وبع ....
دِيمه : لا لا تحشون ببدل لبسي وحيجكم وحنحش تمام !
البنات ضحكوا : تمام
راحت دِيمه تبدل وتمسح ميكبها وتحط مرطب شفايف وتنزل
دِيمه : ايوه يلا حشوا ههههههههه
" عند العيال "
فيصل : ولعنه يعيال انهديت تعببت
سطام : ياورع انت ماسويت شي انا كل شي حطه جدي فوق راسي
شِهام بدلع : الا ترا فصولي مسوي شي عيب تقولو كيذا
سطّام سحب العقال ولعطه فيه
شِهام : يارجال خلاص
راشد : بزارين انتم خلاص
سطّام : عض شحمه ، الا نروح العزبه ؟
راشد : اويلي على انفصام الشخصيه يبوي الله يكون بعون زوجتك
سطّام : ابك شفيني مزيون معضل حركات وغمز
فيصل وشِهام طاحوا ضحك على سطام سطام : وانا صادز
شِهام وهو يمسك عضلاته : اي والله صادز
راشد : يعيال شرايكم نرقد الحين ونقوم الصبح ونروح العزبه ونفحط وكذا
العيال : تمم
وراحوا يرقدون وكذلك البنات ،
الصباح 7:22
سطّام : يلا قومو بسرعه نروح
العيال يلا جايين
~ عند البنات ~
ديمه : نوير مانيب تقولين بالعزبه عندهم اسطبل خيول شرايكم نروح؟
البنات : تم
نوره : بس من وين لنا سياره ؟
ديمه : انا اعرف اسوق ومعي مفتاح سيارتي
لين : اقعد
ديمه : امشو بسرعه قبل احد يصحى
وركبوا
نوره : ديوم شغلي لنا شيله
ديمه : تم تم تلطموا خنعيش الجو
تلطموا البنات وشغلت لهم ديمه شيله
" يالغالي عَلَى هَوْنُك مِن يغليك بيصونك

دَمْعُك يالغضي غالِي أَرْفَق وَارْحَم عيونك

قُرْبِك يانظر عَيْنِي مِنْ همن يداويني "
لين وصلوا العزبه
نوره : بنات مو كن ذي سيارة سطّام ؟
لين : الا والله هي
رفيف : شجابها
رند : يمه
ديمه : خلاص اص مايلمسكم وانتو فوجهي
نوره : حي عينتس بنت العم انفداتس يورعه
راحوا البنات وشافهم سطّام
سطّام صراخ : هييه يابنيّات
لفوا البنات وناظرهم وسحبهم وجمعهم قدام العيال
سطّام : لحضه شجابكم ومين جابكم اصلاً !
لفو البنات على ديمه
ديمه : انا جايبتهم بسيارتي فيه شي ؟
سطّام بسخريه : انتِ النتفه تسوقين ؟
فيصل وشِهام كاتمين الضحكه وكذلك سلطان وراشد
ديمه : ايوه وسمعت عندكم اسطبل فينو ؟
ضحك سطام بعلو صوته : فينو اجل ؟ عانو هناك
العيال انفجروا ضحك ويا البنات
دِيمه : مريض ولفت ومشت لي الاسطبل ولحقوهم العيال
سطّام لف للعيال اخوانها : لايكون تعرف تركب ؟
فيصل : اي تعرف
سطّام راح لها وقال : تسابقيني بالميدان ؟
دِيمه : ههههههه متاكد من قرارك؟
سّطام : سطّام مايقول الا الكلام الصح ، اكيد
دِيمه ضحكت وشافت خيل ادهم مكتوب اسمه " عِناد "
قربت له وقعت تلمسه وبعدها دخلت عليها وبدت تسرجه
وركبت عليه
سطّام : تدرين هذا ماقد احد جرب يركبه او يفتح به ؟
دِيمه سلكت له ومشت
راشد : يعيال عمي وابوي يدقون علي ارد عليهم؟
فيصل : لا ناظرهم شرايك ! اكيد رد
البنات يلمسون الخيل ويصورون
" راشد : هلا يبه
ابو راشد : وينكم به يالصايعين ووين البنيات
راشد : افا يبه حنا صايعين ، البنات معنا بالعزبه تحديداً الاسطبل
ابو راشد : عانا بنجيكم بنكشت
راشد : زين زين يبه
وقفل الاتصال "
راشد : يعيال وانتم ابوي يقول بنشكت هنيا
البنات استانسوا لان عجبهم المكان
بعد دقايق وصلوا الكل من حريم ومن رجاجيل
ابو فيصل : هلا بخيالتي
ديمه ( كانت راكبه الخيل وهي سطّام يستعدون للسباق )
الجد : سطّام وديمه امشو معنا بخيولكم والحقونا والباقين اركبو السياره
دِيمه استانست لانه من زمان ماركبت خيل
وقامو يلحقونهم
دِيمه علت صوتها عشان يسمعها ابوها : يبه بفتح هنا عادي ؟
ابو فيصل : اي يمه ينفع
الجد : انتبهي يابنيتيي
دِيمه : ابشرر جدي عيني
الجد كان يضحك على سطّام الي يناقر ديمه من بدايه الطريق
دِيمه : اص سطّام خلاص تسابقني يلا ؟
سطّام : يلا ليه لا
وصفوا والكل بالسياره يعززون والبنات يصورونهم
دِيمه بصراخ : واحد اثنين ثلاث ، يلااا حييي
كانوا سطّام وديمه متعادلين وديمه كانت متحمسه والكل متحمس معهم
سطّام بصراخ عشان تسمعه وطق الخيل : مابتوصلين لي
ديمه : الا بوصل لك وزود وطقت الخيل باقوى شي وصرخت والخيل انطلق اكثر وتعدت سطّام بسانتيمترات كبيره وسطّام منصدق شلون فجأه انطلقت كذا ، ديمه عيا سحبت اللجام بقوه عشان يوقف الخيل ووقفوا والكل يضحك ويعززون لدِيمه الي فازت و والبنات يورون دِيمه المقطع ويضحكون ضحك ، الحريم كانو يسمون على سطّام وديمه من كل عين ، هدت ديمه الخيل وقامت ترّبع به ( ترقص به ) لين وصلوا الموقع المضبوط وحطو الخيل بشجره وربطوهم وجلسوا سوالف وضحك ، قبل الغروب بشوي الجد : سطّام دِيمه روحن للعزبه رجعن الخيول قبل الغروب
دِيمه : سم جدي
ابو فيصل : وعان سيارتس هناك ارجعوا بها
دِيمه : هبشر هبشر
وراحت دِيمه ركبت الخيل ويا سطّام
سطّام : نرجع فتح ؟
دِيمه : عادي بس الحين بطريق الرجعه ويمكن مايوقفون
سطّام : خايفه اها وطق الخيل وفتح دِيمه انقهرت وراحت تطق الخيل وتعزز للخيل لين صارت هي وسطام متساوين
سطّام : اشوفتس جيتي؟
دِيمه : هففف مو وقتك
يوم قربوا لي الاسطبل قعدوا يخففون سرعة الخيل لين صار كانتر ورجعو الخيل وركبوا السياره وراحوا متوجهين لي اهلهم
" عند البنات والعيال ( مجتمعين بفرشة وحده ) "
نوره : ضحك سطّام من بداية الطريق وهو يناقر دِيمه والحين بيرجعون بسياره وحدهه
لين : بترجع لنا دِيمه النفسيه واصله خشمها الحين
راشد : سطّام مايخلي حركاته لازم كذا
فيصل : وانت صادز
وقعدوا يسولفون
نوره كانت ترجف برد ومخنوقه شِهام لاحضها ومشى وراها
شِهام بدون وعي مسك يدها : شفيك نوره ماشوفك بخير عسى ماشر؟
نوره : مافيه شي بس اني بردانه شوي
شِهام قرب منها يشوف حرارتها شهام : روحي لامي ولا اي احد يعطيس نعناع ولا شاهي تدفين شوي
نوره : لا عادي خلاص
شهام : نوره لا تعاندين وسحبها وجاب لها ورجعوا للعيال والبنات ،
وصلوا سطّام ودِيمه وكل واحد منفس على الثاني ، جلسوا وخذتهم السوالف
الجد : يلا حركوا بنرجع البيت
ترتيب السيارات :
العيال بسياره وحده
البنات بسياره وحده
ام فهد وام فيصل مع ابو فهد
ابو فيصل والباقين معه
_____________

وصلوا والكل راح ينام ، الا دِيمه ماجاها النوم وقررت تطلع تروح المطبخ تدور لها اكل لمحة لمبة المطبخ مفتوحه ماهتمت كثير ودخلت وصكرت الباب عشان ماينتبه احد ويقوم ويشوفها ودخلت ومانتهبت على الي وراها من بداية دخولها لفت وكانت بتصرخ بس صكر فمها سطّام
                ______________________
                                         يتبع
انستا ftoo.n202
تيك ftoo.n202
( المعذره البارت شوي قصير واليوم لافضيت كملت وابي تفاعلكم )