حُبٍ جديد وحكايه عشق مجنونه

Part 3

بس صكر فمها سطّام ولفها عليها ، دِيمه بهمس : مجنون انت تبي احد يشوفنا كذا بعد ، وحطت يدها بصدره ودفته بس مافي فايده زي الجليد مايتحرك سطّام : اشش لا تصارخين مانيب جني !
دِيمه بسخريه : مب جني الا جدار قدامي
سطّام : وتخافين من جدار هههه
دخل راسه برقبتها كان هايم بريحتها شعرها المنسدل لين ظهرها عيونها الوساع السود شفايفها المليانه بنظره
دِيمه بتوتر : خير شتسوي ، مافي اي رد من سطّام قرب شفايفه على نحرها وقبّلها بخفه
دِيمه بتوتر زياده دفته قوه ، سطّام : اسف ومشى وطلع
دِيمه وقفت مكانها بصدمه وباليالله تلقط انفاسها وراحت تشرب مويه وراحت فوق تنام ، بنفسها ( يمه ذا منجده ! شيسوي ويقول اسف وي مريض ) ، عند سطّام بنفسه ( اف يسطام ياغبي ليه تسوي كذا ! طيب ماحسيت بنفسي ياخي اف غبي والله غبي )
~ الصباح الساعه ٨:٣٠ ~
صحت ديمه بكل نشاط وحيويه وتروشت لبدأ يوم جديد ،
ديمه بصراخ : نوييير نويييير نوره فزت من نومها : اشبكك خرعتيني ياحماره
ديمه : نوني وسوت بوجها كذا ( 🥺 ) نوني تمثيل بتدوخ : امريي
ديمه ضحكت بخفة : ابغاك تفزعين لي
نوره بصوت مرتفع : احتزميي بيي يا اخت فيصل
ديمه بصراخ مماثل لها : ونعمم
ضحكوا وقاموا يقامون البنات الباقي رفيف بنعاس : نعم بنات هاه شتبون
ديمه ضحكت على شكلها وجمعتهم : اسمعوا نبي نقنع جدي نطلع المخيم وكذا
رند ورفيف فزو : احتزمييي ، تم
ضحكوا عليهم نوره : تبينا نفزع ليها وهي لو طلبت منه يحرق البيت حرق العالم معه عشانها
البنات اختلفت ردودهم بضحك : صدقتي ، اي والله ، هههه منجدد ! والخ ...
تروشو البنات ولبسوا وراحو لي الجد نزلوا مع بعض ولقوا الجميع مجتمع يفطر الجد بعصبيه خفيفه: وراكم كان كملتو نومتكن بعد
راشد بتعزيز : صح صح لييه تتاخرون على جدي شقلة الادب هذي !
سطّام بتفاعل معهم : صدقت يارجال اي والله
لفت دِيمه بوجه باكي لجدها ( بتمثيل ) : ياجدي ترضاهم يقولو عنا كذا ؟ ماتوقعتك ياجدي ترضى
فز الجد وضرب العصا على ضهورهم وبعصبيه حاده : ياورع انت وياه شهالكلام شقلت الادب هذي
العيال فزو يحبون راس جدهم ويعتذرون
سطّام همس لراشد : نعنبوها ذي دلوعه علطول بتسيت ( صاحت )
راشد بنفس الهمس : اي والله صادق بس يانها عيونها حلوه
سطام قبص فخذ راشد بقوه فز راشد بصراخ : ياورع حشا مو قبصه عقرب ذي ياملع****
سطّام بحده : انا الحين صرت ملع****
راشد شمق له ولف شعره بقوه ( اتمنى فهمتوني 😭😭 )
سطام هنا انهار يضحك والكل انهار من انفصام شخصيتهم القوي !
وسكتوا كلهم وصار صمت ويفطرون بهدوء .... قطع الصمت صوت دِيمه بتوتر : جدي
لف جدها عليه : لبيه عيون جدتس
ديمه بأبتسامه خطفت قلوب الكل : لبيتيي في منى ، الزبدة جدي ياطويل العمر نبي نطلع المخيم اليوم
جدها : منعيونيي كم عندي ديوم انا ؟ كم بس
ضحكت ضحكة تسحر الكل وقامت وحضنت جدها
رفيف ولين ورند : وحنا مالنا الا الله صح
الجد ضحك وفتح يدينه وتقدموا يحضنونه العيال : جدي بس بس خلاص دورنا طسو
ضحكوا الكل وقال الجد : بعد صلاة الظهر كلكم خالصين وجاهزين بنطلع المخيم ، استنانس الكل لانهم طفشوا من قعدة البيت وراحوا يتحهزون بكل حُب

-

شالوا البنات الاغراض وبقى دِيمه الي لسه تشيل ، صادفت قدامها سطّام توترت سطّام : هلا والله بنت العم اسف على الي صار والله
دِيمه بصوت خفيف : اهلين وبهمس اسف اصرفها وين ذي بالله
سمعها سطّام وطنشها سطّام : اشيل عنك؟
دِيمه : اي شكراً وشالها ودخلها ، وديمه دخلت السياره وحركوا
~                                 2:52                                  ~
وصلوا المخيم ونزل الكل ام فيصل لفت على نوره : نوري روحي جيبي الدله الذهبيه من سيارة فيصل
نوره : ابشري
راحت نوره ومانتبهت للي موجوده بطرف السياره ويناظرها وفجاه
ويتأملها نوره : اف والله البلشه هي بعيده وانا ماقدر اطولها لفت على صوت فيصل : بجيبها لك ولا تنبلشين يا بنت العم ، النوري
نوره تلعثمت : ش.ش.كراً
فيصل بابتسامه : مابينا وعطاها الدله ودخلت نوره متوتره
يتبع .....
( المعذرة على السحبه حبايبي بس صار لي كم ضرف ولهيت برمضان ، واعرفون عشر اواخر وكذا اعذروني واذا صار فيه تفاعل بنزل ، او بنزل اليل او بكره 🙏🏻 )