^^
| عند لين |
صحت لين من المخدر مستغربة من المكان الي هي فيه وتحاول تتذكر وش اخر شي صار لها ، فجأة دخل عليه شخص مايبان الا عيونه
مجهول : صحت حبوبتنا كيفك اهم شي نمتي نومة كويسه صح؟
لين بصراخ : انقلع عني من انت وكيف تتجرأ تاخذني اصلا !
مجهول عطاها كف : صوتك مايرتفع فاهمه اخر عمري بنت تصرخ علي
لين هزمتها دموعها وقالت : تحسبني بسكت لك والله م اسكت لك والله والله تحسب ماوراي اهل ساندوني الحين بيجون ويقتلـ.ونك ياحقير
، ضحك بسخريه واردف : اوه ياحرام فين اهلك يلا ماشوفهم ؟
لين بدموع : بيجون بيجون
فجأة يسمع صوت دوريات ونداء له
داهم سطّام المكان ووراه كميّه من الرجال ودخل على غرفة الي موجوده فيها لين مسكو مجهول او يسمى بـ(عاصم)
كلبشوه وو وو وو وو ............
~ بالمخيم 10:30 ~
ام فيصل : بسم الله عليتس يالين عسى ماجاتس شي ؟
لين : ابد ياخاله ماصار الا كل خير
الجده : تعالي ابدهنتس ولا اعطيتس عصفر يمكنتس مرتاعه
لين : لا ياجده ماعليس مافيني شي
دِيمه بهمس للبنات : استلمتها جده ياعمري ههههههههه
البنات : عزتي لها بس
الجده : علامكم تتهامسون كنكم خبلان
دِيمه : افا يجده انا خبله؟
الجده : لا ماهب انتِ السملق الي جنبتس
رفيف : جده هالحين حنا صرنا سملق اههخ
الجده : الحمدالله والشكر وقامت وراحت لخيمتها ترقد لان ذا وقت نومها
الكل راح يرقد عدا البنات والعيال ، رفيف : بنات شرايكم نقعد مع العيال دامنا فاضيين؟
البنات : تم ليه لا
رفيف اتصلت على فيصل واخذت الموافقه منه وراحوا لهم بالخيمه
دخلت رفيف بقوه سلطان : الله يلع***
رفيف : تلعني ياوصخ وانا عمتك!
سطّام بحده : انثبرو كلكم ولا يكثر
دِيمه بهمس لنوره : ليه اخوك نفسيه كذا؟
نوره : خير الا اخوي
دِيمه : انقلعي انتِ وهو بس
وجلسوا دائره والترتيب كالاتي ( ببداية الصف فيصل وجنبه راشد وجنب راشد هشام و سلطان وسطام ورفيف ودِيمه ونوره ولين ورند ولمى ) نوره : الحين شرايكم وش نلعب؟
رند بحماس : شرايكم صراحه وجراءه اكل وافق وقامو يلعبون
لفت وجت على راشد ، رند : صراحه ولا جراءه؟
راشد : صراحه
رند : قد حبيت؟
راشد : تقريباً اي
ولفت مره ثانيه وعلى هذا الحال لين جا دور سطّام
رند : جراءه ولا صراحه
سطّام : جراءه
رند : بوس اول واحد يجي فبالك
سطّام بحده : اخو العيال
رند : مالي شغل
لف سطّام على هشام وباسه ، هشام بدلع: اوييلي بيببي بوستك تجنن اخخ
ديمه : الله يصرعك ياهشام سد حلقك
هشام : شفيك تغارين علي وغمز
ديمه وهي تجاريه وغمزت : للأسف بيب اغار عليك !
لين خبطتها : عيب قلة ادب
سلطان : دِيمه توك تسكتين هشام شصار؟
لمى بغنج : يع ديمه مره مو لايق عليكي
سطّام : استغفرالله استغفرالله
نوره : ظفي وجهس المخنز بس
قامت لمى وطلعت اردفت نوره : الحمدالله يارب الحمدالله
راشد : عيب يانوير
نوره : اف وع
فيصل وهو يتثاوب : ياخوان بروح ارقد انا والله ماشوف شي
دِيمه : تصبح على خير فصولي
فيصل لف عليها : اخو دِيمه انا صرت فصولي الحين !
دِيمه بضحك : لا فيصل بن محمد بس يلا رح نوم
ضحك فيصل وراح ينام وقامو بعده كلهم ينامون
أنت تقرأ
حُبٍ جديد وحكايه عشق مجنونه
Romance~ تبدأ قصتنا حينما يقرر الاب بالرجوع الى دياره التي يوجد بها اهله .... ~ كملوا معي بالبارتات وتعرفون اكثر .
