مَقهى نبُض .

p3 نَعيم .

بعد ذيچ الليلة الي قضتها فاطمة بحضن روحها الثانية ازدادت عشقًا ألها وصارت كلشي ألها چانت رند دائمًا تسوي شي يخلي فاطمة توگعلها بشكل قاسي وصعب عليها وچانت كاتمة مشاعرها ومتحچي تعرف جواب رند وتخاف تخرب علاقتهم بسبب مشاعر  .

  ، باقي 5 ايام ع رحيل فاطمة من بغداد ومن حبيبتها  ( تعتبرها هيچ بينها وبين نفسها)  أفكار فاطمة ازدادت وقلقها وحزنها وهلشي الي خله رند متتركها دقيقة وچانت تقضي كل اليوم وياها وقرروا بهلأسبوع يبقون سوا بالواقع مو ع الفون وقوت علاقتهم وزاد تعلقهم وفاطمة صارت مُهيمة بـ أسم رند وأزداد حزنها بسبب الفراق الي حيصير وچانت رند تهدئها وتحاچيها وانُ حتبقى وياها ع تواصل بس چانت فاطمة تبچي تعرف أبوها مراح يسمحلها تروح بعد  ، أخر يومين قبل رحيلها طلبت أذن من عمتها بـ أنُ تبقى يم رند هليومين وبعد محاولات لساعات قبلت عمتها بما انُ هي تعرف رند بنية لطيفة ومؤدبة  ، وافقت وچانت فاطمة طايرة من سعادتها أخذت ملابس لهليومين وتركت الباقي وأكيد عطرها وشغلات أخرى  ، راحت لرند أخيرًاا چانت الأرض م واسعتها حتنام يم رند و ع نفس فراشها وبحضنها وحتنعاد ذيچ الليلة  ، چانت رند تسكن بالطابق العلوي للبيت وأستقبلتها والدة رند ورحبت بيها گعدوا شوية وترخصوا من أم رند وصعدوا لغرفة رند ، چانت رند مفرغة مُكان لشغلات فاطمة وهلشي خله فاطمة تحضن رند وهي تبتسم لتصرفها اللطيف ، كملت ترتيب وراحت تسبح وتبدل كملت وكلعادة ملابسها خفيفة لأن متحب تلبس شي شتوي بنومها يزعجها ورند بقت صافنة لأن الي چانت لابسته فاطمة مبين كل تفاصيلها  ، استفاقت من صفنتها بعد أن سمعت فاطمة تناديها
فاطمة: رند شبيچ صافنة
رند:  ها لا ماكوشي بس وين تنامين 
فاطمة: يمچ أكيد ! 
رند: اا تمام 
ضحكت فاطمة ع رند الي ارتبكت والظاهر بذيچ الليلة الي فاطمة نامت بحضنها چانت رند ميته بعطرها ولطفها ودفوها وشدتها لحضنها بس محست  ، وأستعدوا للنوم بس هلمرة سولفوا شوي قبل مينامون ولأول مرة رند تتجرئ وتطلب حضن فاطمة  ، الشي الي خله فاطمة تفرح وتستغرب بنفس الوقت رند چانت ساكته وشدتها لحضنها مخليه فاطمة مصدومة ودگات گلبها مسموعة شدتها أكثر من حست بنبضها وفاطمة خانسة بحضنها  ، شوي وأرتخت وهي تشتم عطر رندها ونامت بـ نعيمها وهي تقرب راسها لحضنها تدفن وجهها برگبه الي گدامها  .

بعد كُل هذا الحُب والتعلق الواضح شحيصير؟ شنو خطوتهم الجاية؟ شراح يصير بفاطمة ورجوعها نعرف بالبارتات القادمة  .