ورا فتره من الوقت وبين يوم والثاني يزيد الحُب بين الطرفين رند جَانت مُدركه لمشاعرها أتجاه فاطمة وغيرتها وحُبها وخوفها وأمانها يم فاطمة أدركت انو هيه تحب فاطمة وكل مَره تفكر تعترف وترتاح بس متكدر جانت معَلقة بعلاقة مدتكدر تتخَلص منها ومتريد تحسس فاطمة انو هيه الطرف الثالث بهاي العلاقه رادت تنهي كلشي وتعترف الها وبالطرف الأخر فاطمة الي بالها مُنشغل برند ويزيد حُبها الها كل يوم وتصرفات رند الي تحببها بيها أكثر وأكثر وحرص رند على راحة فاطمة وهالشي شافته فاطمة من تمرضت وشافت رند الي طلعت روحها من شافتها بحالة يُرثى لها وضلت وياها لحد ما تخلصت من المرض وهيه تشربها الدوه وتحرص على أكلها وشُربها
رند: يلا فاطمة فتحي حلكج دابلعج الحباية
فاطمة: رند ماريدد هاي الحباية المليون الي ابلعها لعبت روحي
رند: يلا ميخالف علمود تصيرين زينه
فاطمة: ماريد
رند: كافي عناد وبلعيها يلا
فاطمة: ما
رند: تبلعيها لو اني ابلعج ياها غصب ؟
فاطمة:ما ابلعها وشتسوين سوي
مقبلت فاطمة تبلع دواها ورند عَرفت شتسوي بفاطمة وتبلعها بطريقة الثنين يستفادون منها خلت الحبايه بطرف شفتها وقربت فاطمة وانطتها بوسة كَفيله تخلي الحبايه تستقر بحلك فاطمة والي كالعاده ماتت من خَجلها وكل يوميه رند تسوي بيها دكه جديده
فاطمة: لو أدري بيج تسوين هيج جان مقبلت ابلع كل حبوبي
ضحكت رند على حجي فاطمة وانطتها مي علمود تبلع الحباية
رند: فاطمة ماطول اليوم وماعندي دوام خلي نطلع وأبوج مبقاله شي ويرجع شكلتي ؟
فاطمة وافقت بس رند قلقت عليها خاف تتمرض همين جانت هالاحداث أبيت رند
رند:فاطمة اني حطب أسبح واذا تريدين اخذي راحتج وبدلي شوفي من هدومي شنو يناسبج
فاطمة: تمام
طبت رند تسبح وفاطمة تدور هدوم غير الأسود الي جان مليان خزانة رند بس ما حصلت ولبست تيشيرت جان واسع عليها وطويل ولبست بنطرون شوي عريض جان عليها وجاكيت ثخين علمود لا ترجع تتمرض طلعت رند من الحمام وشافت لبسها على فاطمة ولزمتها الضحكه شلون ملابسها جبيره على فاطمة
رند: فاطمة هاي شنو ملابسي برشوت عليج وتضحك فاطمة: هاي شبيجج مو زين لكيت هذولي هذني اصغر شي عود
رند: زين هسه اني شلون حبدل وحضرة جنابج بالغرفه ؟
فاطمة:عادي كلنا بنات
أعتلت ابتسامة شيطانيه على وجه فاطمة عبالها رند حتبدل كدامها
رند: امممم حاخذ ملابسي وابدل بالحمام
فاطمة: هاي ليش خاف رطوبه مترتاحين بدلي هنا
قبل متكمل دخلت رند للحمام وطلعت وجانت لابسه قميص أسود مفتوحه اول دكمتين منه وشعر رند المبلل النازل على عيونها وأكتافها انطاها مظهر لا يُعلى عليه بعد ما تجهزوا وكملوا راحوا للسيارة وهالمره نزلوا بالأعظمية شارع الضباط تحديدًا جان شارع حلو وبيه محلات هواي نزلوا ولزمت رند ايد فاطمة وشدتها الها وباستها على غير عاده استغربت فاطمة بس محجت شي
رند: فطمي تشربين شي ؟
فاطمة: ،فطمي شعجب رند خاف مصخنه انعديتي مني؟
رند: ايباه شنو قصدج يعني ما اتغزل بيج وادلعج ؟
فاطمة: لا لا مو هيج قصدي اشاقهه
طبعت بوسه على خد رند علمود تراضيها ، كملوا ورجعوا للسيارة وبهل أثناء اجه اتصال لرند من حبيبتها
( رند أني خَنتج وبعد ماريدج وجنت اضحك عليج طول هالفتره جنت أملي بيج فراغي وأنتِ مو مال واحد يحبج وحده قشمر )
أنتهت المكالمة بوسط صدمة من رند من كُل هذا الحجي الي صار بس ليش ؟ وشنو السبب ؟ شسويت ؟ كل هالاشياء جتي براس رند وتوتر فاطمة وقلقها من حالة رند وصفنتها ورادوا يسوون حادث بس الله سترهم وكفت رند السيارة بمكان وخلت راسها بحضن فاطمة وبچت وما بچت عالرخيصه الي غَدرت بيها بَچت على نفسها وحظها بَجت لان متوقعت تسوي هالشي بيها وهيه جَانت مدللتها دلال مصاير وفاطمة وصدمتها واول مره تشوف رند تَبجي وتشهك وكسرتها شهكات رند بحضنها ومتكدر تسوي شي بس تلعب بشعرها وتهدأها
رند: فاطمة هاي الحقيره خانتني باعتني
كملت بچي وهي تشهگ، محجت شي فاطمة خلتها تبجي وتحجي براحتها وهدأت رند بحضن مَلاكها وملجأها بكُل وقت رجعوا للبيت ولحت فاطمة أنُ تبقى يم رند ومتعوفها هالليلة رند الي جانت كاعده عالفراش وصافنه وتفكر وعيونها جانت حُمر من قهرها جتي فاطمة كَعدت يمها ولزمت أيد رند الي صَحت من صفنتها أبتسمت رند لفاطمة وباست ايدها وخلت ايد فاطمة على راسها ووجهه لان جَانت تحس هالأيد تريحها وبيها حَنيه وأمان مو طبيعيات ونامت رند وهَي بحَضن فاطمة الدافي ، كعدت رند قَبل فاطمة وجان وجهه رند مَغروس بصدر فاطمة الي تفَحصته بنظره سريعه ووخرت عينها وأتجهت لملامح الي مَرضت تعوفها أمس وضلت وياها
رند جانت مخططه تكمل دراسة القانون برا العراق وجانت رند متخَرجه بمرتبة شرف مِما خلاها تنقبل بجامِعة مرموقه بأحد الدول الاجنبيه كَعدت فاطمة وشافت رند تتفحص شامات فاطمة المتوزعه بكل جُزء بجسمها
فاطمة: صباح الخير رندي
رند:صباح النور يحلوه
كاموا من الفراش ورند تفكر شلون حتكول لفاطمة نزلوا يتريكون ومجان احد موجود بالبيت وفتحت رند الموضوع
رند: فاطمة اني اريد اكمل دراستي خارج العراق وجنت مفكره بهالشي من زمان وماعرف شكد حتطول دراستي بس ديري بالج على نفسج بغيابي
فاطمة تمنت الها التوفيق وشجعتها بس بداخلها شي مفرحان حتعوف رندها حَبيبة روحها الي متفاركها يوم حتفاركها سنين اجه اليوم الي حتروح بيه رند وقبل هاليوم جانت هيه وفاطمة سوه ميتفاركون عَسى ولعل يشبعون من أحضان بَعض
رند: فاطمة لتنسيني انتظريني
وحَضنت فاطمة وشمت ريحتها للمرة الاخيره ، ركبت رند الطيارة وأتجهت نحو حلمها تاركه فاطمة الي جانت تتعذب من شوقها لرندها .
شحيصير بعد سفرها وشنو الأحداث؟ .
أنت تقرأ
مَقهى نبُض .
General Fictionفتاتان يلتقيان بِمقهى عن طريق الصُدفة وتبدا رِحلتهم ، أقرا لِتعرف ماذا سيحدث .
