ကိုယ်ရယ်မင်းရယ် ပန်းပိတောက်ရယ်

အပိုင်း(1)

13.4.2015 သက်ြန်အကြိုနေ့

ဗွမ်း!

ရုတ်တရက် ရေပက်ခံလိုက်ရတာကြောင့် vitamin စိတ်အတော်ရှုပ်သွားရသည်။

"အကို ရှိုင်းထက်ဘယ်လိုလုပ်လိုက်တာလဲဗျ!"

"ရေပက်လိုက်တာလေ"

တဖက်ကပြန်‌ဖြေလိုက်သောစကားကြောင့် စိုနေသောရေတွေကိုခါရင်း မျက်စောင်းခဲလိုက်မိတော့သည်။

"ဘယ်လိုလဲ ငါမင်းကို ရေပထမဆုံးရအောင်လောင်းပြမယ်လို့ပြောတယ်လေ အခုနိုင်ပြီမဟုတ်လား"

"ဒါပေမယ့် ကျွန်တော်အခုမှ ပြင်ဆင်ပြီးထွက်လာတာလေဗျာ ! လောင်းချင်ရင်ပြီးမှလောင့်ပါ့လား!"

Vitamin ကို ရှိုင်းသေချာကြည့်မိလိုက်တော့သည် လက်ထဲတွင်လဲ ပန်းပိတောက်ဝါဝါတွေကိုဆုတ်ကိုင်ထားသေးသည် ။

" အမယ် မင်း မမ နေရီ ကို ပိတောက်ပန်း ပေးမလို့လား"

Vitamin မိမိလက်ထဲမှကိုင်ထားတဲ့ ပိတောက်ဝါဝါတွေကို နောက်ပို့ကာ

" အဟမ်း ! မ မဟုတ်ပါဘူး အန်တီတို့ ဖို့‌ပါ"

"အော် ဟုတ်လား "

" အွန်း ဟုတ် ဟုတ်တယ် အခုတော့ အကိုရှိုင်းကြောင့် အကျီအစို ကြီးနဲ့အိမ်ထဲဝင်ရတော့မှာလေ "

သူခိုးလူမိသောကြောင့် စကားအထစ်ထစ်နဲ့ မိမိကိုပြန်စွာလာသောသူကို ရှိုင်း လက်ထဲကဒန်ဖလားနဲ့ ထုလိုက်ချင်တော့သည်။