حرم _ الأسود

بارت أضافي

رواية :- حـــــــرم _ألاسود 

بقلمي :- الكاتبه توته "

‏مهم ✨ تصووويت + تعليق بين الفقرات متابعه لحسابي user84505518

•لو أنّي أعرفُ خاتمتي، ما كُنتُ بدأتْ .

-محمود درويش.

◎❵══─━━──═∞═──━━─══❴◎

اليــان .."

يقدم المرء أفضل ما عنده حين يدلل لا حين يؤمر.
لذا أعتقد أن الانسان قد يقترب من المثالية
إذا كان مستقر نفسياً، يعيش نوع من الترف الأخلاقي والاهتمام والحب

هناك مقولة لي علي بن أبي طالب،
جداً مريحة و مواسية و أحبها يقينا بها 
"كما تدين تدان، وكما تعين تعان وكما ترحم ترحم، وكما تزرع تحصد

كُل شيء مكتوب ومقدر اليك من الله عز وجل لذالك لا تضغط علئ طاقتك النفسيه و الجسدية اجعل الله هو الذي يختار طريقك

الحياة صارت احلئ واجمل ويه الانسان الي احبه شكد ما نمر بايام صعبه ومره من نختار الانسان الصح راح يعوضنا عن كُل تعب الي مرينه بي وعشنا
صعوبة البدايات ينسيها جمال النهايات..

صار عندي طفله مثل القمر سميتها "تولين " اختارينه اسمها اني وابوها لان مميز وحسناه كُلش مناسب الها

صار عمرها سنه وبدت تمشي احس بفراشات بگلبي من اشوف خطواتها ومناغيها هيه سمينه والها خدود ارون يحبها حتى اكثر مني

بليل بس تبچي يفز قبلي يروح عليها يخليها بحضنه ينوم بيها وهيه متعلقه بي من تشم ريحته تنام بسرعه لان متعوده علي من بعدها صغيره

اروح الصبح للشركه اخذها ويايه لان ما عندي شخص بالبيت ابو آرون يروح للمحل مالته واني وآرون نجي للشركه وما ارتاح للمربيات اخاف عليها

اقترح عليه ابقه بالبيت وما اشتغل هل فترا بس ما قبلت اضوج كُلش من گعدت البيت

گعدت الصبح علئ صوت تولين تبچي شلت راسي اباوع عليها واكفه بالكاروك مالتها وتبچي اباوع ارون مو بالغرفه

كمت بسرعه شلت بنتي اسكت بيها اخذتها غيرت الها حفاظتها وغسلتها ورجعت للغرفه سويت الها ممه ارضع بيها

شويه ودخل ارون للغرفه بيده جهازه باوعتله مستغربه وين جان ساعه بـ 6 الصبح مو من عوايده يگعد هيچ وقت

آرون : ها بوية گاعدين

_وين جنت؟

آرون : اجاني اتصال من السكرتير يگول الشركه الي متفقين وياها ليوم مراح يحضرون الاجتماع

_بهل وقت متصل عليك

آرون : اي

_اممم اي خوش عوفهم مو ضروري نشتغل وياهم اني هم ما مقتنعه بيهم