لا هوى قبلك ولا امل بعدك ولا سماء الا في عيونك

البارت السادس

توجه رماد لغرفة الاستجواب من بعد خروجه من مكتب المدير بحجة انه مايثق الا فيه ، فتح رماد باب غرفة الاستجواب وشد انتباهه هزة قدم المتهم بقوه وبتوتر و اظافر يده الي غارسها بفخذه وعيونه بالارض وما ان وقف رماد امامه وجلس قدامه رفع عيونه لرماد الي كانت ملامح وجهه مسترخيه و بارده و جالس بهدوء واكتفى فقط بانه يتمعن النظر فيه وكانه ورقه يقراها قدامه ،
قطع هذا الصمت المريب طقطقة اصابع رماد ، تقدمت كتوفه وارخى يده على الطاوله و اطلق تنهيده قويه ، واخيراً تكلم اللغز المحير رماد وقال : اشم ريحة الدم
وما ان نطق هذي العباره الغريبه تقدموا المحققين ومسكوا المتهم
ونطق واحد منهم وهو يقبض يدينه : عندك اي حجه تقولها يا القاتل ؟
توسعت عيون المتهم وتكلم بانفعال وهو يضرب المحققين بمعصمه  : ايششش قاعدييين تسووون ؟؟  وليه تنادوني بالقاتل انااا خالها مو القاتل !
وقف رماد من مكانه وقال بهدوء : لا تنفعل ولا تضرب لان راح تزيد مدة السجن .. ، قرب من عنده ومسك كتفه وقال ببرود : اسف ،  قصدي راح يتم اعدامك بوقت اقرب من المتوقع
قاطعهم المحقق فراس وقال : شميت منه ريحة الدم صح ؟
ناظر له رماد بطرف عينه وقال : ايه ،و ماقد اخطيت بحكمي
تنهد فراس وقال : ومع الاسف هذي المره انت صادق ، لقينا كاميرات رصدته وهو يقطع..
قاطعه رماد وقال : لا تكمل كلامك مابي اسمع ايش سوا ، لان يمكن اتحول للمجرم الي بيذبحه
بلع المتهم ريقه وماقدر ينطق بأي حرف وكانه بلع لسانه
قال فراس باعجاب : انا ادعمك !!!
نطق واحد من الي ماسكين المتهم وقال : باخذه معي للحبس بعد يومين بتقام المحكمه
اشر له فراس بيده بمعنى خلاص روح
اطلق رماد تنهيده ورد على الاتصال الي كان قادم من شجاع ابو ورد وكل الي سمعه فراس كان خلاص يصير خير
استغرب فراس من الاتصال لان رماد ماكان فيه احد يتصل عليه وحتى هو نفسه ماعنده رقم رماد وقال : مين هذا ؟؟
رفع رماد حاجبه وقال : بعد يومين بيكون ابو زوجتي
نطق فراس بصدمه : ابو .. ابو زوجتك و .بع..بعد .يومين ؟
اومئ رماد براسه بمعنى : ايه
شهق فراس وقال : وكيف ما تقوللل لييي ؟!!!!
قال رماد بهدوء : انا اليوم دريت ، وبعدين ليه اقول لك ؟؟
قال فراس باستغراب : ياخي انت اغرب شخص عرفته.. اوه ( عرفته )مصطلح ما يناسبك ، انا للحين ماعرفتك بالاصح اغرب واحد قابلته ، وكيف ماتقول لي ؟ مين الي قعد معك شهرين وخاااس معك عشان قضيه ؟
اشر رماد على فراس باصبعه السبابه وقال ببرود : انت
مسك فراس راسه وقال : بيجي يوم واصير انا جالس بغرفة الاستجواب بسببك
اطلق رماد ابتسامه خفيفه على ردة فعل فراس .

                   وفي مكان ثاني تحديداً بيت شجاع
جلست ورد على الارض من سمعت ان زواجها بعد يومين ومن مين ؟ من رماد
رفعت راسها لامها وقالت : تمزحون صح ؟
تكلمت الجوهره بهدوء غريب بعد ماكانت تثوررر من الغضب وقالت : مافي مزح بهذي الامور
بلعت ورد ريقها وقالت : ليه انتي هاديه ؟؟
قال غيث : يمكن عشانها تدري انه بعد سنه بيطلقكك ؟
قالت ورد باستغراب : بيطلقني ؟؟؟
اومئ غيث براسه وقال : ايه بيطلقك يعني لا تخافين بس تحملي سنه عشان كلام الناااس ، اعتبريها اجازه
وقفت ورد من مكانها وقالت : وش دخلناااا حنا بكلام النااس ؟؟!!!! انا ماسويت شيء وكلكم تدرووون !!
وزواج ماراح اتزوج لو تنطبق السماء عن الار..
قطع هذا الانفعال ضربه من الجوهره على خد بنتها ورد
وقالت ببرود : حنا مو قاعدين نخيرك
مسكت ورد خدها بصدمه و رفعت راسها لامها الي ماقد تجرأت وضربتها على خدها ، وتكلمت بصوت ممزوج بالبكاء
وقالت : كيف قدرتي تضربيني ؟
ابعدت الجوهره عيونها عن ورد
وقالت : وبضربك اكثر لو ماسمعتي الكلام
عضت ورد على شفاتها السفليه وتحركت اتجاه باب غرفتها وما ان دخلت وقفلت الباب ،  اجهشت بالبكاء على الظلم الي قاعد يصير لها و محد هامه مشاعرها كثر كلام الناس عنها الي لا يودي ولا يجيب باعتقادها .

                ✨ لا تنسون النجمه وكومنتاتكم اللطيفه ✨