في هذه الجُزئِية أرَدتُ مُشاركَتكم القَصيدة التُي خَلدت قِصة" زعرة و مخلوف " كما وردت بالدِيوان الذِي في حَوزتي و الذِي رَويت لَكم القصة على ضَوئِها
•
•
القَـصِيدَة :
يا ذابل لعيان يا ذابل لعيان
و يا البنية تهموك بيا
يا زعرة يا رقيق الناب راه طال الحال
و ردي عليا قوليلي يا روح الروح نا ندفع العمر هدية
قالتلوا بابا راو رافض و الخاوة ضاغطين عليا
و العيشة راهي جحيم على جالك انا رحت ضحية
مخلوف يا زهو البال و ضي عينيا
اهلك هزوا الرحيل و بعدو و جحدوا و ما قالوش
دزيت الخطابة رفضوا و حقروا و ما ردوش
و نا قصدي شريف ماهو مغشوش
راو طال الحال عليا و قوليلي يا روح الروح
ندفع العمر هدية
يا زعرة يا رقيق الناب ردي عليا
قالتلوا يا مخلوف يا زهو البال نارك شعلت في حواجيا
راه بابا رافض و الخاوة ضاغطين عليا
و العيشة صبحت مرار عمري راه رايح ضحية
قالها كيف لحقت للكرتي ندور شافوني رام شكو فيا
و نجدوا الجارة خاينة و يهودية عطتهم معلومات عليا
عسوني حكموا المرسول كشفوا الامور
دارو عرس و قاموا السهرية على اسمك بالخدعة رام بعثوا ليا
و في القهوة حطولي عساس و كي الذيوبة رام دارو بيا
قفلو البيبان جيت نهرب ما لقيت ثنية
قالولي تبعد على زعرة قلتلهم الشهادة هيا
ضربوني ضرب الموت لا من فاق و حز عليا
هزوني دايخ و دموعي مجرية
طيشوني بعيد على الدار مع جنب الثنية
جات الناس عاقبة فاقوا بيا عرفوني و راحوا خبروا ماليا
رام فزعولي جاو هزوني و للدار ادوني
ثما تلمت خوالي و عمومي و خبروا زعرة جات تطل عليا
و تكبت على صدري و بكات
طاحت دموعها على جراحي غسلات
كيف حضرت هيا بيها الروح شفات
راو قلي يا روح الروح نا ندفع العمر هدية
يا زعرة يا رفيق الناب ردي عليا
قالتلهم آه يا رجالة مخلوف مضروب مريض في حالة
روحوا جيبوه و هزوه اثنين مضروب ينين
مجروح و جراحو تستر
مضروب و دمو يقطر
هذاك الي بيا ما بيا و على جالتك يا نور العين راني رايحة ضحية
قالتلوا نصبولك البو يا شقيق الخو راو رصدك العدو و خيتك حرزوها
زادت عاودتلو قاتلو نصبولك العقاد يا عين الشراد
اركب جوادك و العب و ادي خيط الواد و رصدتك العدى
دزت زعرة لبوها قالت هوا راه دفع المهر فيا
و الدار معدت نروح ليها
و علاجالو انا نروح ضحية
يا ذابل لعيان يا ذابل لعيان
يا مخلوف تهموك بيا
يا رقيق الناب يا رقيق الناب راه طال الحال عليا
رد عليا و قولي يا روح الروح
علاجالك انا ندفع عمري هدية
•
•
•
في الفصل القادم ساشارككم بعض التفاصيل التي يجب التنبيه إليها
🌟
🌟 إِنـارَة النَـجْمـة أَسْـفَل كِـتَـاباتـي تُـسعدنِـي 🌟
.
💫لِـذا فَـضلا وَ لَـيس أمـرًا أَضِـيؤُوا نَـجْمَـتـي و أتْـرُكُـو تَـعـلِيـقًا يُـحفزنِـي 💫
أنت تقرأ
||قِـصّـة زَعْرَة و مَخلُوف ||
Contoقِـصّـة مِنَ التُـراثِ الشَـعْـبِي الجَـزَائِري ، مََأخُـوذَة مِن قَـصِـيـدةٍ شَـعْـبِـيـة تَـحْـمِـلُ ذَات الـعُنـوَان ، مِـن دِيـوَان بَـيـنَ المَـاضِـي و الحَـاضِـر : رِيت العقَاب حَايف بَكرَة . مَـا أنْـتُـم عَـلـَى وَشَـكِ قِـرَائَـتِ...
