إن الله لا يخيب عبداً تفائل بهِ خيراً.
توا هدي مش كان تزوجوها خير تفتكو من مسئوليتها خير
انا انصدمت حي عليا لو ياخدو برايها
سميه يافالحه كان بنعطوها راتب بوها وامها معاش بنحصلو منه شي خليها هني خير
فوزيه أشرطو عليه رواتب ليكم
أنا هو هدا الي مصبركم عليا راتب بابا وماما (طبعا بما انه انا عمري ماوصل 18 أولياء امري جداي وخالاتي ورواتب ماريت منهم مليم أحمر) توا تشوفو شن ندير فيكم وتسحبت خديت هاتف صابرين وعندي رقم عمي محمد وطلعت حكيتله كل شي وفهمته أنه مايتصل لاني نخاف منهم وهو بيتصرف معاهم ياربي خلصني من الظلم الي أني فيه
بعد يومين
ع محمد اني عم البنت ويحقلي ناخدها ونربي بنت خوي
خ عادل وهدي بنت أختي
ع محمد هههه ضحكتني رنا
انا نعم عمي
ع محمد تبي تجي معاي ولا تقعدي هني
انا ايه نبي نمشي معاك
سميه هكي رنوشه تتخلي علينا بالسهوله هدي
انا أيه نسيتي ضربك وإهاناتك ليا علي صبح ربي ولا نسيتي تاخدي في رواتب بابا وماما وماريت منهم قرش بنات يجو شارين دبش جديد وكنادر جديده إلا أني دبش ليه عامين نمشي صقعانه كندره تتمزق ونخيطها مزال تبيني نقعد عندكم هيا عمي وطلعنا
انا عمي بنقولك حاجه
ع محمد قولي يابنتي
انا نبي نرقع عليهم قضيه يردولي كل مستحقاتي
ع محمد متأكده
انا أيه متأكده ساد دل وإهانه
ع محمد خلاص توا نكلم صاحبي محامي يتكفل بالقضيه
انا تمام وسكتت قعدت نشوف لروشن وناس ومحلات الي ملعمري شفتهم الا لو طالعه صدفه وفايته من قدامه اصلا دبشي كله علي بعضه مايجي شي واني كنت نشوف فيهم يشرو ويلبسو اخر موديل تاريته كل بفلوسي وهكي لين قطع تفكيري عمي قالي وصلنا نزلت لقيت عمتي ناديه ورويده في الجنان طول حضنتني عمتي ناديه ورويده تعرفو حسيت بإحساس غريب اول مره نحسه إحساس يهبل
ناديه مرحبتين نورتينا
أنا الحوش منور بأهله كيف حالك عمتي وانتي رويده
ناديه تمام بشوفتك ماشاءالله عليك تقولي أمك الله يرحمها قدامي
انا الله يرحمها قصدك نشبهها
ع محمد صح هلبا فيك من أمك لكن العيون لخوي عبد العزيز ربي يحفظك يابنتي
ناديه الحوش حوشك من اليوم زيك زي رويده بنتي وعمك وجهزلك جنب رويده قبل نبولك غرفه بروحك لكن رويده شدت تبيك معاها
رويده وحتي المدرسه بتتحوبي معاي عاد زي بعض
أنا فرحت ان شاءالله صحيتو بارك الله فيكم وقعدنا نهدرزو لين خش رائد أول ملشفته عيوني قلوب ولو ماشاءالله تاريته عندنا طروف في العيله
أنت تقرأ
حب في أوقات صعبة
Teen Fiction#حب_في_أوقات_صعبه تدور أحداث هدي الروايه بنت اسمها رنا تحكي قصتها عن معانتها هيا مع الحياه رنا عمرها 16سنه يتيمة الوالدين عايشه مع جداها أم أمها وخالاتها الاتنين ومعاناتها معاهم وكيف بتعيش من غيرهم .....
