حب في أوقات صعبة

بارت 5

يارب أيامي في ودائعك أجعلها رقيقه مليئة بكُل ما يُبهج روحي ويجلب لها السلام.

رائد بوي نبي نحدد موعد العرس
ع محمد عرس شن انت شقتك مش واتيه والبنت تقرا
ناديه هبلت شكلك ياولد
انا مصدومه الحق
ع محمد شن في شن صار باش قررت هكي
رائد ماصار شي لكن نبي العرس بعد ماتم امتحاناتها النهائيه
ناديه وين بتسكن
رائد هني في داري لين نكمل الشقه واصلا معاش مزال هلبا تشطيبات بس
ناديه استنا لين اتم شقتك وتزوج باهي
رائد لا
ع محمد لواي يلوي لسانك مافيش عرس لين البنت تطلع من الثانوي
رائد والله باهي نبي نقرا الفاتحه حرام قاعد معاها في نفس الحوش ومش مقريه فاتحتنا
ع محمد سكت لانه فعلا
ناديه بالك بعد الفاتحه اشد في العرس تبيه توا
رائد كان تميت شقتي علاش نستنا
ع محمد موافق ع الفاتحه لكن العرس لما اتم الثانوي
رائد يصير خير وطلع
ع محمد الولد بيهبلني
ناديه مش عارفه خيره ماكانش هكي

انا الحق مصدومه وفي نفس الوقت فرحانه بنبدا مرت رائد وخايفه يسكر راسه ونتزوجو ومايصيرلي من قرايه واني خاطري نكمل ونبي نطلع محاميه شاطره وليا اسم زي ماما الله يرحمها فجأه ادكرت ماما وبابا قعدت نبكي كان خاطري يحضرو نجاحي في الشهاده الاعداديه ولا خطوبتي ولا فرحي ولا تخرجي يارب ارحمهم واغفرلهم وصبرني علي فراقهم فعلا مافيش نعمه زي نعمة الاهل
خشيت رقدت نوضت مع 6توضيت وصليت وخشيت لدار نقرا ونكتب في واجباتي لين جتني ع ناديه وقعدت تسأل فيا ع الموضوع وتشوف في راي
انا راي من رلي عمي نبي العرس بعد مانطلع من الثانويه
ناديه باهي موافقه علي الفاتحه
انا ايه فعلا كلام رائد وحتي الناس تجيب سيرتنا كلام الناس مايرحم
ناديه نبي رايك انتي انا
انا سكت تحشمت
ناديه يعني موافقه
انا ايه
ناديه علي بركه الله ربي ىقدم الي فيه الخير
انا امين
########################
بعد أسبوعين من تجهيزات درنا فاتحه وعزم عمي خالي وخالاتي قال مهما كان كنتي عندهم وتربيتي عندهم جو يشوفو في الحوش متفاجأين
سميه وين دارك يا رنا
صابرين ههههه دار شن اكيد برا ترقد في دار الخزين
ناديه لا ياماما منخليش بنتي ترقد برا هدي امانه عندي لين نوصلها لراجلها وحتي معاه نقعد نتابع فيها وفي اخبارها والحمدلله خدت وليدي باش نكون متهنيه عليها ومعاي ديمه
سميه العفو شن قلنا احني
ناديه عصبت وناضت
انا مش طايقه نشوف لوجوهم
فوزيه تاريته عندك حظ زي أمك ياكبدي
انا لو سمحتي ماتجي