حب في أوقات صعبة

بارت 6

‏كلما تراها ضاقت، فاعلم أنها هانت، لأن
الله يرسل الفرج في أشدّ لحظات اليأس.
________________♛

بقلم 🖊✍🏻♡(نِصّـيِّبً أّلَبًوٌرأّوٌيِّ) ♡♡

يوم جديد علي ابطال قصتنا
مشينا لمدرسه وصلنا عمي خشينا بدو البنات يجو ويباركولي ويباركو لرويده لانه خوها وبدينا في الحصص ومشي الوقت روحنا اني كيف خشيت لحوش تلاقيت مع رائد كيف بنسرع ونخش جبدني من إيدي وطلع بيا لجنان الخلفي وجي قابلني وقعد يشوفلي لين تعقدت وجيت بنمشي شدني
رائد عندك علم عيونك يهبلو
انا قول ماشاءالله
رائد ههههههههه مانضربش بالعين عيني مش حاره تهني وارتاحي
انا باهي قول شن تبي
رائد نبي نفتح معاك صفحه جديده توا تغير الوضع بديتي مرتي نبي نفهمك وتفهميني ونتعرفو علي بعض
انا منزله راسي وساكته
رائد اي حق مبروك عليك اني هههه
انا ابتسمت وتحشمت يبارك فيك
رائد عطيني رقمك
انا علاش
رائد نرتي ونبي رقمها
انا حاضر
رائد تمام خلاص خشي توا
انا خشيت بسرعه ع ناديه ورويده لاهين في مطبخ بدلت وصليت وطلعتلهم كنت الحق فرحانه والفرحه مش سايعتني واخيرا رائد بدا يحب فيا وينسجم معاي لكن مش عارفه حاسه وكأنه في شي بيصير لكن مدورتش وفات اليوم عادي وفاتت الشهور جي الصيف ورائد بدي يقول نبي العرس توا وعمي يرفض وسكر راسه وبدي رائد يلعبلي بدماغي ويقولي وافقي لما يلقاك بوي موافقه يوافق واني سكرت راسي دار جو زعل معاش يكلم فيا وينفخ عليا وحتي النوم بدي يرقد في الشقه لانه تمها وفرشها هدا باش شاد واني شي مسكره راسي المهم في يوم مقعمزه جتني رساله علي الفايبر صور ومعاهم رساله شوفي راجلك هو يلعب وانتي راقده علي ودانك قعدت مصدومه نشوف قريب 5صور هو وحده واضح انها في جامعه شاد ايدها ومقعمزين وهويضحك اني رميت الهاتف وبديت نبكي ومابطلتش بكاء بعدين سكتت ومسحت دموعي بعتله رساله طلقني بعد 5د رد نطلقك عينك روح زي المجنون ينادي فيا بصوت عالي وبدي يهزب قدام ع ناديه ورويده اني طول مشيت جبت الهاتف وريتله الصور
رائد قعد يشوف ومصدوم اسمعي انتي فاهمه موضوع غلط
انا لا بلعكس فاهمه صح واني نبيك اطلقني لو تقعد اخر شخص مستحيل نكمل معاك
ناديه خيركم شن فيكم
انا وريتلها الصور قعدت تشوف ومش مصدقه من الصدمه اسمع مستحيل نكمل لهدا خلينا ننفصلو والا نوري صور لعمي
رائد اني مش مطلق وبري وريهم