حب في أوقات صعبة

بارت 4

‏الحمدلله حمدًا كثيرًا طيبًا مُباركًا فيه.
لقيت روحي في المستشفي وجنبي عميمه ناديه ورويده وعمي محمد
انا وين اني
ع محمد في المستشفي اغمي عليك جبناك قالو عندك هبوط في السكر
انا اها امتا نقدر نطلع نحس في قلبي مغموم
ع محمد خلي نمشي نشوف التحاليل ونجي
ع ناديه ألف لاباس عليك
انا لايوريك باس
ع ناديه خيره رائد ضايقك في شي
انا اه سوء تفاهم بس
ع ناديه قولي ماتخافيش كان ضايقك في حاجه اني وبوه والله نهاره احرف
انا لالا عمتي المهم هيا امتا بنطلع
رويده تي اسكتي اني كان مازيك راهو قعدت ع اقل راحه ونوووم ومافيش مشي لمدرسه
انا هههههههه هو هدا النوم واخد عقلك
ع محمد هيا عطوها خروج
نضت وطلعنا باش يغيرولي جوي ادهورنا وتغير مزاجي كليا وفرحت انه ربي رزقني بالعيله هدي وروحنا لقيت رائد في الجنان خشيت ماقولتش حتي كلمه ادوشت ولبست وصليت ورقدت نوضت لقيت ع محمد وع ناديه يهدرزو وريده مكسده جنبهم ع التلفزيون
انا رويده تتفرجي وعندنا امتحان
رويده ووووك نسيته كرهت القرايا غير كان نرجعو لهداكا الزمن امتاع المراه مافيش قرايه تقعد في الحوش بس
انا ايه ارجعي بروحك بعدين بيصير فيها الحبس لاهاتف ولا تلفزيون ولا طلوع والبنت ماتطلع لين تتزوج
رويده لالا ياكبدي كل شي الا النت
انا هيا تعالي نقرو ومشينا درنا قهوه وبدينا في القرايه كملنا مع ساعه 11نضنا بنديرو حاجه ناكلوها خشيت لمطبخ نلقا رائد كيف بنطلع شدني من إيدي
رائد اسف
انا ......
رائد اسف بجد صح عليت صوتي عليك لكن لانك نرفزتيني
انا حولت ايده ومشيت ندير ماناكل مارديتش عليه وهو قعد واقف يشوفلي
رائد شن قالك دكتور شن طلع عندك
انا ندير في دحي مقلي ولا كأنه شخص يتكلم ومنسجمه تقول نطيب في كسكسي مع دحي مقلي رائد نكلم فيك ولا انطرشتي
انا يوم الي تحترمني فيه وتعتبرني انسانه توا نرد عليك
رائد تبي تعرفي علاش نعامل فيك هكي
انا مايهمنيش طبعا الفضول بياكلني لكن إلا كرامتي رائد اني كنت نحب انسانه نموت فيها وهيا تحبني اني مش جاهز قتلي ياتخطبني يا في واحد جاي بيخطب بيوافقو اهلي عليه اني قلتلها مش واتي الحوش ماتمش وتشوفي في حال السيوله هيا سكرت راسها بعد يومين قتلي معاش تتصل بيا راهو نخطبت قلتلها تمام ربي يهنيك اني من الغل جيت خطبتك من بوي في نفس النهار واني لليوم ناقم علي البنات ونكرههم ولهدا مانبيش نتقرب منك خايف يصيرلي شي
انا اهو مخطوبين شن بيصير يعني
رائد