မနက်ပိုင်းနိုးလာတော့လဲအမူးသမားလေးကိုအမူးပြေဟင်းရည်လုပ်ပေးရပြန်တယ်။
အကိုဟာဆံပင်ကိုလှန်တင်မထားဘဲဒီတိုင်းအိပ်ရာနိုးစပွယောင်းယောင်းဆံပင်လေးနဲ့အခန်းထဲကနေထမင်းစားခန်းထဲခုန်ဆွခုန်ဆွ၀င်လာလေရဲ့
ပြီးပြောလာပုံက"အကိုကgemiရဲ့အမူးပြေဟင်းရည်မသောက်ကရင်အမူးလုံး၀မပြေဘူး"တဲ့လေ
အဲ့လိုစကားလေးတွေနဲ့အကိုဟာချုပ်တတ်ပါသေးတယ်။အခုတော့အကိုဟာဆိုဖာပေါ်မှာLaptopတစ်လုံးနဲ့ကျောင်းကပေးတဲ့projectကိုအာရုံစိုက်ကာလုပ်နေပါတယ်။
အကိုအဲ့လိုတစ်ခုခုကိုအာရုံထားပြီးလေးလေးနက်နက်လုပ်နေတဲ့အချိန်ဆိုသိပ်တည်ကြည်ပြီးခန့်ညားနေတာပဲ။ဘေးတစ်စောင်းမြင်နေရတဲ့အကို့မေးရိုးဟာသိပ်ယောက်ကျားဆန်တာပဲ။
ဆိုဖာပေါ်မှာထိုင်နေတဲ့အကို့ကိုအောက်ကမွေးပွကော်ဇောပေါ်မှာစာထိုင်လုပ်နေတဲ့ကျွန်တော်ဟာလက်ပေါ်မေးတင်ကာပယ်ပယ်နယ်နယ်ထိုင်ကြည့်ပါတော့သည်။
ဒါကိုသိတဲ့အကိုဟာ
"ဘာလို့ကြည့်နေတာလဲ။အကိုစာရှင်းပြဖို့ရှိလို့လားgemi""မဟုတ်ပါဘူး။အကိုကချောလို့ကြည့်တာ။ချောတယ်ဆိုတဲ့စကားလုံးကအကို့အတွက်သီးသန့်ဖော်ပြထားသလိုပဲ"
"အဟားgemiတို့တော့အကို့ကိုဖားနေပြီးဘာလိုချင်လို့လဲပြောပါအုံး"
ခေါင်းလေးကိုလှမ်းဖွပြီးရီလျက်ပြောလာသောအကိုပါပင်"ဘာမှမဖြစ်ချင်ဘူးအကို့ရည်းစားပဲဖြစ်ချင်တာ"တမင်မူနွဲ့နွဲ့လေးပြောမိတော့တယ်။
ဒီတစ်ခါအကိုကရုပ်တည်သွားပြီး
"မဖြစ်နိုင်တာကိုမပြောပါနဲ့gemi။ပြီးတော့မချစ်သင့်တဲ့လူကိုလဲမချစ်မိစေနဲ့""တကယ်လို့အကိုသာခုချက်ချင်းထပေါက်မဲ့ဗုံးလေးတစ်လုံးဆိုရင်တောင်ကျွန်တော်ကအသေခံပြီးကိုင်ထားအုံးမှာဖြစ်သလိုနာကျင်နေရင်တောင်ဆက်ချစ်နေအုံးမှာမို့မတားပါနဲ့လားအကိုရယ်"
"သိပ်ခက်တာပဲgemiရ"
ထိုစဥ်ဖုန်းသံ၀င်လာ၍နှစ်ယောက်သားစကားစပြတ်သွားတော့သည်။အကိုကဖုန်းကိုကိုင်ကာ၀ရန်တာဘက်ထွက်သွားကာဖုန်းပြောတော့သည်။
ကျွန်တော်လဲလုပ်လက်စစာကိုသာလုပ်နေလိုက်တော့သည်။တစ်ချက်တစ်ချက်အကို့ဆီကရီသံသဲ့သဲ့ကြားတော့ဘာမဟုတ်ကြည့်မိပြန်တယ်။ကျွန်တော်ဟာအကို့အပြုံးတွေအောက်နောက်တစ်ကြိမ်ကျရှုံးမိပြန်ပြီ။သိပ်ပြီးအပြုံးလှတဲ့အကို
ချစ်တယ်ဆိုတဲ့စိတ်ကလေးရှိနေသရွေ့ကွယ်
နာနာကျင်ကျင်ခိုလှုံနေရမယ်ဆိုရင်တောင်
ကျေကျေနပ်နပ်ကြီးကိုခေါင်းညိတ်နေမိမယ်ထင်ပါရဲ့
သိပ်ချစ်နေမိလို့မလွတ်မြောက်ချင်ဘူး
သံယောဇဥ်ဆိုတဲ့ကြိုးဝိုင်းငယ်ထဲ
ကျွန်တော်ပိတ်မိနေချင်သေးတယ်"Gemiရေအကိုတို့ကမ်းခြေသွားကြမလို့လိုက်မလား"
ဖုန်းချပြီးဧည့်ခန်းထဲလျှောက်လာသူရဲ့ပြောစကား
ကျွန်တော်တွေးမိသည်။တက္ကသိုလ်တတိယနှစ်ကျောင်းသားတွေအဲ့လောက်အားနေတာလားလို့
ပြီးမှအကို့ကိုအဖြေပြန်ပေးမိသည်လေ"လိုက်မှာပေါ့"
"အဲ့ဒါဆိုတစ်ယောက်အခန်း၂ခန်းလို့ဟိုကောင်တွေကိုပြောလိုက်အုံးမယ်"
"ဟာအကို။နှစ်ယောက်အိပ်ကုတင်တစ်ခန်းယူမှရမှာလေကျွန်တော်တစ်ယောက်ထဲအိပ်ရဲတာမဟုတ်တာကိုအကိုသိတာပဲကို"နှုတ်ခမ်းဆူကာပြောမိတော့အကိုကခပ်ဟဟရီရင်
"သိပါတယ်ကွ။မင်းကိုစလိုက်တာ။ဒီအရွယ်ရောက်နေတာတောင်ကြောက်တုန်းနော်gemi"အကိုဟာအရီမရပ်ဘဲလှမ်းစတော့မျက်စောင်းထိုးကာ
"ဟွန့်...အကိုကိုမခေါ်တော့ဘူး"
"ဟောဗျာ...စိတ်မဆိုးပါနဲ့gemiရာ၊သွားမှာမနက်ဖြန်သွားအ၀တ်တွေသွားထည့်တော့"
စူပုပ်စောင့်အောင့်ကာအခန်းထဲသို့၀င်လာလိုက်သည်။အခန်းထဲရောက်မှတံခါးကိုမှီကာ
ကြောက်တာမဟုတ်ပါဘူးအကို။အကိုနဲ့တူတူအိပ်ချင်လို့ပါ။အကို့ကိုပိုင်သူမရှိသေးသ၍အကို့ရင်ခွင်ကိုကျွန်တော်ခဏခိုလှုံပါရစေ
_________________________________________ဂျီဒါလေးကိုနှစ်ရက်တစ်ခါလောက်တော့updateလုပ်ပေးပါမယ်။သင်တန်းတွေနဲ့ရှုပ်နေသူမို့နေ့တိုင်းupdateမလုပ်နိုင်တာမို့စာဖတ်သူလေးတို့နားလည်ပေးကြမယ်ထင်ပါတယ်ရှင်♡
Voteပေးသူတိုင်းနဲ့ဖတိပေးသူတိုင်းကျေးဇူးတင်ပါတယ်။
သာယာရွှင်လန်းကြပါစေ#G(ဂျီ)