'Ruah a sur a nia' tih ri ka hriat avang chuan pawnlam chu ka en vat, 'âwii,, engtin nge ni ang,kan haw na tur a hla si' ka bul a thu Seni chuan alo ti ve nghal, tukverh bula ding pahin pawn lama ruah sur chu ka en a 'Senn,, mizo mipa ho hi ti nge story boy ang hi an awm loh a' tiin ka thaw chhuak halh,'story te chu story a nia, a tak nen a in ang lo alaw, bakah I duhtui ropui sia,i tha em em bik silo a, tikhan i lengtar dawn anih kha' nui vak vak pah chuan alo ti,rum zet chuan ka melh ringawt, a sawi dik ve tho, ka duh tui ve em bawk ani. Mahse kha tia hmaichhana in sawi chhiat vak kher chu ka lawm hlok lo, vuak thluk top mai ka duh henu hi chu, min fak lo ve thei si. 'guys' lo ti lam chu kan en a, Rini leh Sawmi te an lo ni, Seni chuan 'in va rei ve, hei ruah sur hman hi, toiletah khan riah in tum ami' alo ti nghal hlak hlak, Rini chuan 'riah chu kan duh mahse min ngai dawn sia ka lo chhuak leh ta mai' alo ti ve leh ngal, Sawmi chuan ' engtin nge ni dawn ruah lah hi a la sur tam hmel sia' alo ti ve vat, Seni'n 'Rinkimi hi khum mai ang u, a cher ber a, a zang ber ang' fiamthu deuh hian alo ti nghal, nui vur vur chunga Rinkimi kan melh thap chuan 'in ninawm, a tullo altra, M-i hi kei aiin azang zawk ang' nui vur vur hian alo ti ve leh zat. Kei hi Muansangzuali ka nia, M-i tiin min ko thin. Kum 19 na ka hmang mek a, class -12 ka pass hnu in college kal zawm lo in ka tuina ber fashion designing ka zir zawm a.Kan thian ho hian khaw hran vek ami kan nia, kan zirna in ang vek a. Hostel khatah kan awm vek a, kan kum pawh ain rual viau bawk. Sawmi hi Rawpuichhip lam mi ania, Mawii hi Saitual ani a, kei hi Lunglei ka ni. Rini erawh ka hre mai tawh lo, hmar lam mi ati maiin ka hria, kan tawng hman pawh in anglo, mizo tawng kan tih ang hi athiam vak lo bawk nen, an tawng hi mizo tawng ni chiah silo , mizo tawng nena in ang deuh hi a tam thei sia, amah fiam nan hian kan hmang ziah a, a lawm berah hian atang ziah leh nghal. Kan thian hoah hian a upa ber a, naupang ber ang maiin a khawsa thin thung. Kei hi unau 3 zinga naupang ber leh an hmeichhe awm chhun ka ni. 'M-i, nihliap i keng lo ami' Seni'n alo tih chuan 'keng e, mahse pali kan ni sia' ka lo ti ve leh vat, Sawmi chuan 'ka keng a, Mawii nen khan in zawn ula, Rini nen hian kan lo in zawn ang' atih chuan ka lu ka lo bu ve nghat. Nihlip in zawn chuan hmanhmawh zetin hostel lam panin kan kal nghal.
Hostel kan thlen chuan kan huh deuh vek tho. Rini chuan 'guys, ka huh dan hi a rap taks' a tih chuan, kan lo nui vak vak, Sawmi chuan 'a rap taks ni lo in , a rapthlak te ti ve la, i mak e' nui uarh uarh chung chuan alo ti ve leh, an tawng leh kan tawng ain ang silo a, mizo tawng thiam ve deuh tho mahse a thiam lutuk silo a, mak deuh deuh sawi a ching a, keini lahin fiamthu zawngin kan lo la zel bawk sia, kan nuih hnem phah lutuk. Ruah sur a tam bawk nen in bual faiin kan mu a, zan thlengin a sur a, naktuk class kal a peih awm loh dawn lutuk. Kan class kal kawngah hian bazarpui kan kal pel sia, zanlamah emaw zing kara ruah asur chuan a hrehawm thei lutuk.
Zing ka harh chuan dar 7:30 am alo ni tawh ka piah a mu Sawmi ka en chuan alo la mu tui khawp mai, a blanket sin zawng zawng chhuatah a tla vek a, a bawp leh lam a tawm a, leh lam a thluang a, a kut pakhat chhuatah lamah a dah uai a, lahlam a lu chungah a dah a, a mu ang phuau bawk sia, nuihloh theih pawh ani lo, a blanket chhar pah chuan ka nui vur vur, thawhhlim mood fuhlo pawh hi neih ahar, ka thiante vang hian ka nui deuh reng mai, an mu mai mai pawh hi nuihna tur hlir. A blanket chhar pah chuan 'Sawm, Sawm, Sawmi, Lalmalsawm, tho teh, tho teh' tih pahin ka ko, a ke ah vuan pahin ka sawi bawk, phak zet a lo meng pah hian 'dar eng zat nge?' alo alo ti ban chuap mai, 'dar 7 leh chanve ri tawh tho rawh, in siam ahun, i mit ek te kha chum thla la' tih pah chuan face wash leh hruk puan la in bathroom lam ka pan nghal. Room ka luh leh chuan Sawmi chu alo tho tawh a, ngaihtuah nei ni awm tak hian a khumah chuan alo thu a, sam thur zet hian a lo thu a, chhuat a melh ngut ngut bawk, 'enge kha tia i pending vung vung?' ka tih chuan min lo en pah hian 'assignment kan nei em?' alo ti hâ mai, 'nei lo' ka lo ti ve mai, engmah sawi lo chuan bathroom lam pan chuan a kal ve nghal. Seni leh Rini pawh an lo tho ve aniang, kan room bul chiah hi an room ani ve bawk sia, kan room a in hnaih bawk nen tawng kan in hre pawh vek a, room khata awm ang reng kan ni. 'chul mai lo se, ngaihlai lunglai mi û' tiin Rini chu alo zai a, Seni nen chuan kan nui nghal vak vak, Mawii chuan ' a thluk i sa dik lo kha chu thuhran ni ta se, a hla thu tal kha chu sa dik ve la' alo ti nghal, Sawmi lo lut chuan 'enge a?' alo tih chuan Seni chuan Rini zai dan alo hrilh ve vat Sawmi pawh chu a nui nghal vak vak. Zing thawhhlim atang hian vitamin A to Z dawng reng ang kan ni, kan nui nasa thei em mai. Class kal tur chuan kan in zui chhuak hlawm a, kan class awmna hi ahla bawk nen bus emaw texi hian kan kal mai zel a, mahse a chang chuan ke in kan kal ve leh zeuh zel. Vawin pawh Sawmi leh Seni'n 'ke in kal ang u' an tih deuh tlat avangin ke in kan kal a,Rini peih lo lutuk chu a ner nasa ngang mai, a khawngaih thlak zawk. A hla ve deuh bawk nen hahthlak tak ani. Kan class hi chanmariah a awm a, kan hostel erawh Bethlehemah daih a awm a, ti hian class kal tur in kan in zui chhuak ve hnak hnak zel.
Kawng kan kân dawn chuan mi an tam bawk nen Seni ka chelhna chu ka thlah palh a, ka zawn kual laiin kawngah motor an lo tlan bawk nen ka kân ve hman lo, kawgpui lehlam atang chuan 'M-i, lo kal ta che' Seni aw in alo tih chuan ka en vat, kawng an lo kan daih chu niin, kân ve mai tum chuan ka pen a, pen hnih vel bak ka pen hman lo, ban tha chak zet hian min pawt let dawrh mi pakhat awmah chuan a bei nghal thawp mai, ka hnung lamah chuan bike chak zetin alo tlan nghal, min pawm bet tu chu ka en chho hâ a, min lo melh thla rûn mai, a hmeltha em em mai lehnghal. Rum zet hian min melh a 'kawng i kan dawn te chuan lirthei tlan a awm em en hmasa ta che' a ti hluk mai, a hmelthat ang bawkin a aw pawh pa tak ani, mahse a thinchhiat hmel zek, ' ka hria lawm' ka lo ti ve nghal hlar, 'i hre lo anih kha, hria la chuan kha tiangin i kal ringawt lo ang' alo ti ve leh, melh rum hrep pah chuan ' ka hmanhmawh ni ve mai lawm' ka lo ti ve leh, 'Bawiha' mi pakhatin alo tih chuan kan en vat, ka bula a mi ang rual vel mipa hmeltha deuh hi alo ding, an hmel chu in anglo viau mahse a tha dun lutuk, a aw pawh nalh lutuk, mahse ka bula chu a hmeltha zawk a, a lian deuh hlek zawkin ka hria. Mak min tih hmel zet a min melh pah hian 'Bawiha, tu nge kha kha?' alo tih chuan, ka bula mi ka melh zawk, min lo melh ve chiah bawk, ner sawk pah hian 'fimkhur tawh ang che' ti sup hian min pawmna tang chuan min thlah, min lo kuah bet reng tih ka hre chiah. 'ehem' lo ti lam chu ka melh a, a nuih a zat hmel em em leh nghal, 'M-i kan tlai dawn' ti a ka thian te an lo au avang chuan engmah sawi lo in kawng chu ka kan san daih, ka hnunglama mipa aw in 'tu nge kha kha?' ati ri leh mipa phun sup thawm chu ka hre thei. Ka thiante bul ka thlen chuan ka thiante chuan 'tu nge kha kha? , in in hria ami?' tiin zawhna min zawt nghal char char, 'ka hrelo, a hmelthat nen a thinchhe si, ka millo' ka lo ti hluk chuan min fiam nghal char char, kan kal dawn chuan ka hawi let zawk a, mahse an lo awm tawh miah lo.
Class kan thlen thleng chuan ka thiante chuan an la sawi, 'in ninawm, kha tiang hmeltha viau mahse chapo ropui si, thinchhe si, ka duhlo' ka lo tih chuan, an nuih a zat hmel hlawm viau, an awih vak lo anih hmel. Mizo mipa kha tiang em em hmeltha kha ka la hmu lo, story ka ngaihthlak a, achangtupa te nihna a changtunu in a theihtawpa a fak hi chu nep tak ani, korean mipa chauh niloin mizo mipa te pawh hi an lo hmeltha thei lutuk tih ti chiangtu niin ka hria. A sang tha sia, feet 6 a tlingin ka ring, mizo mipa ah chuan a ngo mah mah em âw tih tur ania, a sam a buk deuh a, sei ni silo in amawi tawk lekin abuk a, a thur deuh bawk, amit meng mawlh kha, chiang zet a min melh lai kha ka mitthlaah alo lang nghal, ka ngaihtuah let ringawt mawh hian ka lai thei, a aw ri te kha, a zuna uai vawng vawng na tham ani, 'hey hey hey, mawl suh, kha tiang chu i tan a sang lutuk,bakah a sual hmel si,i zirlai chiah ngaihtuah rawh' tiin ka lu ka thing nawk nawk. Seni chuan 'i mawl deuh a mi le! enge kha tia i lu i thin vak vak ? I ring i hreh ange,i cher ve sia, herh a awlsam dawn lutuk' alo ti, Sawmi chuan 'i thukhum i herh ange'nuih in sum zet hian alo ti ve leh, Rini chuan 'enge tukhum chu?' hrilhhai hmel zet hian alo ti ve nghal, Sawmi bawk chuan Rini chal khawih pah hian 'hei hi i tukhum ' tih pah in a nui nghal char char,Seni pawh chuan 'nang chu tah khan i tukhum a awm' nui vak vak pah hian alo ti ve leh, Rini lah chuan 'awihawm loh, chal anih hi, chal chu tukhum a ni thei lo' nui vur vur chuan alo ti ve leh, Sawmi chuan 'anih chuan khaw nge i Keu' alo tih leh chuan Rini chu a bo hmel lutuk,Sawmi bawk chuan Rini tukhum khawiin 'heii,,helai hi i keu' nui uarh uarh pah hian ati leh a, Rini chuan 'awihawm loh, i dawthei altra pro max' nui pah hian alo ti let ve bawk . Rini chuan lai fê hian 'khawilam lanu nge maw i nih le' tiin alo sa chhuak hlawl, Sawmi lah chuan thu tak hmel zet hian 'Amenn,,' a lo ti ve leh nghal, Rini zai laklawh lai pawh alo nui huk. Rini tui in lai chuan Sawmi chuan 'kha i hnap aluang dawn' alo tih zauh chuan Rini chuan atui in lai chu alo phuh chhuak thawk, ala khuh bawrh bawrh zui, kan lo nui nasa ngang mai, Sawmi lah chuan a hnunga beng thak thak pah hian 'in sum suh ka unau' alo ti leh, Rini chuan 'i ninawm lalmalsawm' khuh deuh bawrh bawrh pah hian alo ti ve let ve leh, alo hawi chhuah chuan a mit te chu alo sen vek, Sawmi lah chuan alo nuih vak vak, fiamthu chuan a lo chhaih nghal, Rini lah chuan a thei leh theilo hian ahnial ve zel bawk.Seni nen chuan kan lo nui char char.Miss a lo luh chuan class kan ka tan nghal a.
