• البارت الـرابع •
-
-
-
بيت الجد تركي ١ فجراً
فرشوا لهم البنات قعده في الحوش الخلفي مع قهوه و شاهي وبعض من حلويات العيد، كلهم موجودين ماعدا الامهات: جعلني فدوة روحش.. جعلهم فدوتش كلهم
عذاري شالت ديم من حضن سحر وهي تلعبها: ياربي ما احلاشش ما احلا هالابتسامه.. بسم الله عليش
ديم ابتسمت لعذاري وخلتها تميع اكثر: سحر انا في وجهش ان تعطينياها.. ياربي ما اتحملللل ما اتحمل
سحر: فدوه لش خذيها بس هاه عاد اذا ازعجتش انا مالي دخل
عذاري حضنت ديم لحضنها وهي تمسح على ظهرها و شعرها بشويش: ياحظ من تزعجين ياديم ، سلوى سحبت جوالها و فتحت ع الكاميرا و صورت عذاري بهالحاله، لابسه قميص جدتهم الله يرحمها و شعرها مفلوت و ديم بحضنها: ماشوفش سويتي ف بنتي كذا وش معنى؟
عذاري: والله ياحبيبي بنتش عوبا من كانت صغيرها كل من مسكها صاحت بوجهه.. بالله شوفي ديمي كيف رايقه و تبتسم للكل ، شهقت افنان بضحكه: بنتي عوبا؟؟
سهام: عوبتين بعد.. بس احلا عوبا ، قربت عهد منها وهي تحضنها و تبوس راسها
سلوى: عذارييي انتهى وقتش جيبي! ، خذت ديم منها وجلستها بحضنها: ههههه ماتبيش يابقعاء
قامت عذاري و جلست على ركبها مقابل سلوى و ديم و ترقص بشعرها علشان ديم تضحك: شفتيي ضحكت لي!
كملت عذاري وهي مستانسه على ضحك ديم لها:
الدلع يارشيد عن الدلع يارشيد
الدلع يارشيد لا يسمعونك اهليه
ليتني ساقيه يا ليتني ساقيه
ليتني ساقيه عبر الجبل ماشيه
خال بشكي عليك يا خال بشكي عليك
خال بشكي عليك من خاتم الي سرى
امه و قولي لابي يمه وقولي لابي
امه قولي لابي م عادني راعيه...
مجلس الرجال
قعدوا محمد عبود فايز و نايف في دائره مقابلين بعض بيلعبون بلوت ، تكى فهد عند اخوه وهو يناظر بلعبهم و يعلمه وش يحط: شرايك تلعب بداله بعد؟ ، عبود نزل اوراقه وهو يناظر ب فهد الي ماد يده بينزل ورقه من عند نايف: اقول اسكت وكمل لعبك... ما ناظر في عبود و كمل يعلم نايف وش يحط: زودتها تراك!
فهد عدل جلسته وناظر في عبود الي معقد حواجبه ، رفع حواجبه و ضحك وهو يستغفر: والله من المبزره صدژ ، عبود: وش قلت؟
فهد قام يقعد عدل وهو متربع: قلت انك بز...
حمد: عبود!! قم قم جب لنا شاهي من داخل... عبود جا يقوم بس فهد قام بداله و دف عبود علشان يقعد: لالا خله يلعب.. ميت بالعب خله انا بروح
طلع فهد من المجلس وراح للمطبخ لقاه فاضي و قام ينبش بين الاشياء وهو مايدري وين اغراض الشاهي علشان يسوي
طلع يدور وحده من خواته علشان تعلمه و بدا يمشي للحوش الخلفي بس كل ما قرب يسمع صوت وحده تغني و صوت ضحكة ديم و تصفيق:
زوجوني غرير م درى ويش انا
حط صدري على صدره تعبر و بكى
اخضر ولد جاريه الاخضر ولد جاريه
اخضر ولد جاريه و القلب يخشى عليه
قلت لك ياعلي قد قلت لك ياعلي
قلت لك ياعلي خربت شوقي عليك.
-
وقف يناظر الي تلعب بشعرها قدام اخته سلوى و بنت اخوه ديم
لف عنهم بيرجع بس سمع سلوى تناديها "عذاري ارقصي لها زياده" كان بيضحك بس كتم نفسه و مسك صدره وهو يتنهد لعل وعسى الضحكه تروح... ضحك من سرعة دقات قلبه من عرف انها هي، كيف البنت الي كان مايعتبرها شي صارت تسوي فيه كذا؟
دنق راسه وهو معطيهم ظهره: ياولد!!
YOU ARE READING
لآغشاك البرد ياسمَّح احطّب الطارف من ضُلوعي و شبّه.
Romanceكاتبه مُبتدئه و تتمنى دعمكم🤍.
