لآغشاك البرد ياسمَّح احطّب الطارف من ضُلوعي و شبّه.

01 - لآغشاك البرد ياسمَّح احطّب الطارف من ضُلوعي وشبّه

• بارت الـاول •
-
-
-
بيت ابو حمد
"أعلن الديوان الملكي السعودي ان المحكمة العليا أقرت يوم غد الجمعة أول أيام عيد الفطر المبارك لهذا العام ، بعد رؤية هلال شهر شوال..."
ام حمد: الحمدلله على التمام و الكمال و الصيام و القيام ، قامت عذاري تبوس راس امها: كل عام وانتي بخير امي
ام حمد: وانتي بخير يابعد روحي ، ضمتها وهي تمسح على راسها ، سهام قامت وهي تحط يدينها على خصرها: وانا مالي رب؟ ، ضحكت ام حمد وهي تفتح لها حضنها قربت سهام وهي تبوس راسها: الله يخليش لنا كل عام وانتي بخير ، قامت عذاري تصب قهوه ل امها و اختها وهي داخلها كله فرح وحماس لعيد عمانها بكره دخل ابو حمد وهو يتنحنح ، راحت له عذاري وهي ترحب وتهلي: ارحب ارحب جعلها ترحب مليون ، باست راسه وهي تبارك له

فهد اللي كان قاعد على عتبة باب الشارع وبيده سجارته رماها على الارض وهو يقوم يدعسها من شاف سيارة اخوه نايف جايه صوبه وقفت السياره عنده و نزل نايف من السياره بوجهه فهد وتقدم يحب خشمه: ماجور يابو هزاع
نايف: الله يبقيك ، فرح نزلت من السياره وراحت لباب البيت و وقفت قدامه وهي تناظر نايف و فهد الي يحبون خشوم بعض ، وقفوا و فهد شافها واقفه عند الباب و نزل عيونه للارض
فهد: ام هزاع!! شحالش عساش بخير... ضحكت فرح من الاسم: بخير دامك بخير
فهد: عسى دوم عسى دوم.. دف نايف من جنب: رح افتح الباب علامك واقف ، ضحك نايف وهو يقرب من اخوه و يدينه مفتوحه: مشتاق لك ياخوي
فهد حط يده على صدر نايف وهو يوخره عنه: يااااالله ان تفكنا منه! ، ضحكت فرح و ضحكوا معها

ام سطام: وين نايف يابنتي ليكون نزلتس وراح؟
فرح: لا ي خاله برا مع فهد.. هذا ان كان ما افلحوا الاثنين مع بعض ، ام سطام: اهم شي يرجع يشوفني
فرح: معليش بتشوفينه و بيشوفش ، حطت يدها على يد ام سطام وهي تبتسم ، سلوى: فرح قهوه؟
ام سطام: اي اي صبي صاحيه انتي تسالينها
سلوى: ي امه امون امون
فرح: هههههههههههههه خليها ي خاله مابينا
دخلت عليهم زوجة سطام مع بنتها ديم
سلوى: يلا باقي رزان فينها ذالبنت دوم متاخره؟!
من عوايد بيت ابو سطام يجتمعون قبل اي مناسبه او عيد بيوم علشان يسمرون مع بعض