• البارت السـادس •
-
-
-
البر ٧ مساءً
سلوى ناظرت في عذاري ولقتها تلعب بفنجانها و تناظر في الارض او تهوجس بالارض؟ قعدت تناظر فيها وشافت انها مره مو منتبهه لها: بنت!! ، عذاري فزت وناظرت في سلوى وهي تعدل جلستها وتتنهد: علامتس يابنت الحلال؟ من ماكل عقلتس؟... قعدوا يناظرون في بعض وعم الصمت في الخيمه كلها ،، علقت عيون عذاري بعيون سلوى الي منها تشوف عيون فهد و تتذكر الي صار بينهم 'شهقت عذاري من كلامه وناظرت في عيونه بصدمه نزلت عيونها ل ابتسامته الخبيثه: علامتس؟ ، قرب منها ومد يده لشعرها الي كان مستريح من فوق كتفها وعلى صدرها: توي الاحظ انش قاصته.. شاف عيون عذاري تتغير من الصدمه للغضب و ضربت يده من شعرها نزلت عيونه من عيونها و وقفت على شفايفها الي كانت تتمت بشي بس ما كان مسموع... اعطته نظره اخيره و طلعت من الخيمه'
رجعت تاخذ نفس من لاحظت انها كتمت نفسها للحظه وابتسمت لسلوى: علامتس مافيني شي؟ ، ضحكت سلوى من سمعتها تتكلم بلهجة امها: علامتس اجل ها؟؟ والله ان وراش علم ياعذاري!
ناظر الجد تركي حوله و لمح الي لابسه ثوب عسيري وقاعده بزاوية الخيمه: عذاري!! تيه انتي ولا انا مضيع؟ ، شافها قامت بسرعه و توجهت له وهي تقعد قدامه: لبيه سم عيوني انت... ضحك من كلامها: وش هالزين يابنتي؟ ثوب عسيري و حركات ، استحت منه ونزلت راسها و الابتسامه شاقه وجهها: والله الزين انت ياجدي ، ناظر فيها وهي تبتسم له و اشر لها تقوم: قومي العبي لي... التفت يناظر في ام فهد الي برضوا لابسه ثوب عسيريه: وانتي معها
ضحكت عذاري ومشت لام فهد تقومها و توقف جنبها ويدينهم فبعض
نوره: يا ان جدي عليه طراوي ههههه! ، همست لرزان الي جنبها وهم يناظرون للي قاعد يصير قدامهم: ياحلو طراويه ياشيخه ماتطلع الا لعذاري.. ما لاحظتي؟ ، نوره التفتت لرزان وهزت راسها ب اي: يحبها مره بس من يلومه تجنن البنت ، رزان: اي تجنن بس وش السبب؟؟ مستحيل يحبها كذا
YOU ARE READING
لآغشاك البرد ياسمَّح احطّب الطارف من ضُلوعي و شبّه.
Romanceكاتبه مُبتدئه و تتمنى دعمكم🤍.
