• البارت الثـاني •
-
-
-
بيت الجد تركي - العيد
الكل وصل عند بيت الجد و الكل عايده و سلم عليه الا عائله ابو حمد باقي ما جوا... : تركي حبيبي افتح الباب لجد زايد ، تركي ركض لباب الشارع وهو يفتح لهم و اول من دخل عهد خمها تركي بحضنه وهو يعايدها: كل عام وانتي بخير ، عهد حاولت توخر منه بس كان اقوى منها: وانت بخير بس فكني ، فكها و مشت من عنده تكمل طريقها وهو يناظر فيها باستغراب
دخلت بعدها افنان ومسكت وجه تركي وهي تحبه و طبعت روجها على خده و مشت استحى منها وصد وهو يمسح مكان البوسه و دخلت عذاري: هلا والله بسمي الغالي هلا هلا
تركي: الله يبقيك
عذاري: ياعمري انت ، ضمته و مشت لباب المجلس
(علماً ان احفاد الجد تركي يقعدون مع بعض جميع بنات و عيال بس يكونون البنات متغطين)
دخلت عذاري المجلس وقدامها قاعد جد تركي و حواليه احفاده ،
من شافها قام على طول وهو مبتسم: يامرحبااا يامرحبا تو مانور المكان!
تقدمت له عذاري وهي تبوس راسه ويده: الله يبقيك ياجدي!.. كل عام وانت بخير ، مسك راسها يحبه: وانتي بخير يابنتي
عذاري: كيف انت عساك بخير شلون صحتك؟ ، مسكت يده وبدت تمشي للمكان اللي كان قاعد فيه و جلسته وجلست جنبه ويدها باقي على يده
فهد من شافها تدخل نزل راسه وهو يضحك يدري انها اغلى احفاد جده و اذا شافوا بعض نسوا العالم كلها ، ناصر بصوت خفيف: يانه يحبها حب مو طبيعي
خالد: طيب حتى انا اصغر العيال و ماسوا لي كذا وش معنى؟
نايف لف عليهم وهو يدق كل واحد فيهم: ياخي اسكتوا لا يسمعكم جدي
تنهد فهد وهو يرجع يستند ل ورا ويطلع جواله يلفلف فيه على بال مايقولون يلا مشينا
YOU ARE READING
لآغشاك البرد ياسمَّح احطّب الطارف من ضُلوعي و شبّه.
Romanceكاتبه مُبتدئه و تتمنى دعمكم🤍.
