حلم واقـع

اطمئنان

"خاف مالحك"
هذا اكو بنية جانت طالبة سادس سختجية كُلش وكاضيتهاا لعب بلعب ويه صديقاتها
من بداية السنة لحد نصف السنة قرأت شويه ونجحت بس بأربع مواد وحدة ترفيع ودخلت وزاري وهيج يعني ماقارية ودخلت وزاري ماتعرف  وضعها ولا شي وبعدها تايهه
جانت دوم تدخل غرفتها تلعب بجهازها

وشامرة الملازم
-جان دخلت عليها امها هي شمرت الجهاز وكعدت گبال الملازم  علساس سوة نفسها تقره امها كالتلها عفية بنيتي اريد ترفعين راسي گدام النسوان "يعني قشمرت امها " وطلعت امها ورجعت تلعب بالجهاز  وهي جانت دوم تسوي هيج "
فبيوم من الايام ورة نصف السنة
كاعدة  بغرفتها  تلعب والكتب يمها مشمورة اجه ابوها من الدوام تعبان من الشغل دخل عليها وهي هم نفس الحالة شمرت الجهاز

وكعدت كبال الملازم سوت نفسها تقرة
فأجه يمها ابوها وكعد يمها تعبان كالها
-عفية بنيتي اقري اريد تجازيني على هذا تعبي بيج تشوفيني انا هسه شلون تعبان ورجال كبير هذا كله علمودج انتِ وانا اريد تجازيني بدراستج وشهادتج اريد يكولون فلان بنته دكتورة مو تكسرين خاطري گدام الناس وكرايبنه

اريد افتخر بيج  فـ طلع ابوها
والبنية بقت صافنة  تفكر بأمها وأبوها وشكد جاي يتعبون علمودها 
فكعدت والتفتت لنفسها كالت انا ليش هيج اسوي بأهلي واذا مانجحت شلون بيهم گدام الناس وشلون اكسر خاطر ابوي
و بقت تبجي
هذا الحجي وباقي للامتحانات بس 60 يوم 

وماقارية شي
بقت تبجي وتفكر شلون وشسوي
فكعدت سوت  جَدول وكالت راح ادرس من جديد
صارت تكعد الصبح ويه صلاة الفجر تبدي تقرا  وتقرا لحد ما تصير ساعة 10 بليل
جانت تقره هواااي وكالت خاف ما الحك بس رغم هذا كعدت تقره وزادت ساعات قرايتها وحطمت نفسها علمود القراية

قرأت هاي الستين يوم بكُل قوة وعناد وتمرضت وضعفت، بس لا كملت وقرأتها بتركيز وقراءة جديدة المهم قربت الامتحانات وبقى اسبوع واحد
هي كملت دراسة المواد بدون مراجعة وبلشت بالاسلامية تقرا حتى تروح تمتحن
وجان وصلت الامتحانات وراحت اول يوم وصلها أبوها وراحت أمتحنت وهي خايفة ومامضبطة شي ومشت الامتحانات الدور

الاول وعاشتها بكُل تفصيلة وتعبت ودرست زين وبعد هذا كله اجت النتائج وبهذاك اليوم الام تبجي منتظرة
والاب متوتر وقلق والبنية ترجف وتبجي وتذكرت شلون جانت تقشمر على امها وتذكرت كلام ابوها "بنيتي مو تكسرين خاطري گدام الناس مو تضيعين تعبي "
وفتحت النتائج وشافت
الاسلامية 100
والعربي 96
الانگليزي 100
والرياضيات 98
والاحياء 100
والكيمياء 97
والفيزياء 100

امها بقت تهلهل وابوها حاضنها ويبجي
واجه معدلها ويه الدور الاول 99.6
وصارت دكتورة وابوها يفتخر بيها ،وهذا اخر شي ،
"العبرة من القصة "هنا ركزلي وياك"
اول شي
انُ لا تضحك على اهلك وتلعب عليهم
وفكر بتعبهم عليك وشنو جاي يصير وياهم في سبيل انتَ توصل وهذا كله يعود الك انتَ
الشي الثاني
انُ من ماتلحك على شغله او الوقت اخذك

كثف جهودك وشغلك حتى تلحك مو تصير جبان وتستسلم
ثالث شي ثق بنفسك وانُ انتَ گدها مهما يصير رابع شي خلي نفسك تدفع الثمن على كُل الوقت الي راح
اتمرض واتعب ولا ترحم بيها في سبيل توصل لهدفك واتمنى الكم توفيق بكُل خطوة وشوف فرحه على وجهكم كلكم انتظر فرحتي بيكم .