حلم واقـع

ابطاالييي

هالكلام من قلبي لقلوبكم اتمنى تستوعبونه
مو شايف انه سختنا هواي؟ مو شايف انه ضيعنا وقت والتهينا هواي؟ مو شايف انه أخذنا وقت يكفي وزيادة َ؟ َما تحس انه صار وقت اللي لازم نگول كافي للتسخيت ونبدي ونصحى على نفسنا ؟ ما تحس انه صار وقت

الجد صار  وقت اللي لازم نترك كُلشي وبس دراستنا ؟ وصار وقت اللي لازم ناخذ بي ثمرة تعبنا بجهدنا ودراستنا وتعبنا؟
هووووواي هووووواي سختنا، بقصد او بدون قصد انسى الماضي ، ولا تفكر بيه لحظة.. وعاهد نفسك وربك وعاهد اهلك

وعاهدني اني صديقك ، ما تضيع وقتك ، ولا تكضيها تسخيت وتراكم المواد عليك!
من باجر ، لا من هسة من هسة اعتبرها بداية جديدة.. وانطي وعد لنفسك، يكفي تسخيت، من هسة اعتبرها بداية طموح جديد وحلم جديد ومستقبل جديد وبداية جديدة بعيدة كُل البعد عن التسخيت..

كلكم تلحكون حتى اللي ما بادي ولا قاري ابد هم يلحك... بس ابدي ابدي وتوكل على ربك واترك كُلشي راح ورا ظهرك صدكني راحححح تلحك!
اترك مواقع التوصل اللي تلهيك، الاصدقاء اللي ياخذون من وقتك ويحبطونك ! كافي اترك كُلشي الخاطر مستقبلك! مستقبلك يستاهل ، كُلها كم شهر وتحدد مستقبلك والله ما عيب عليك تضيع هالفرصة من ايدك!
سختنا هوووواي... لازم نبدي .

رساله لكُل طالب سادس
بيوم تكعدون الساعه 4 الفجر وتستغربون شلون كعدتو هيج وكت وحتى نعاس ماكو تكعد تراجع اخر ماده وانت تكلب اوراق كد ماضابط المادة تسد الكتاب تباوع على الغلاف الفيزياء للسادس العلمي تبتسم وتباوع ع الساعه 6 حيييلل الوقت واكف تروح تحضر نفسك للامتحان تحضر اقلامك

تمشط شعرك تبتسم تباوع بالمرايه وتباوع ع طرف المرايا جدولك وانت كاتب مخلي صح على كُل المواد اللي امتحنت بيهم وبس الفيزياء كدامهه فراغ تطلع تتمشى للمدرسه وانت تشوف الشارع هدوء وماكو بشر يعني بس انت اللي تعبت واليوم اخر يوم تعب الك تدخل المدرسه تروح تمتحن تشوف الاسئله

سهله تبدي تحل وانت فرحان اخر سؤال كملته بديت تراجع مره مرتين ثلاثه اربعه سديت الدفتر وضليت صافن الكُل مكملين بس ليش كاعد تبتسم ومتردد حتى تسلم الدفتر ترجع تراجع اخير شي تغمض عينك وتكول انا سويت العلي وبهمه وابتسامه «استاذ انا كملت وتسلم دفترك وكُل اللي

بالقاعه يبدون يطلعون وياك تطلع تشوف اصدقائك متفاجئين بدل ميناقشون اجوبتهم كالعاده بعد كُل امتحان تلكاهم واحد يحضن الثاني ويكوله جانت تجربتي وياك حلوة تروحون لظهر المدرسه تشخبطون ذكرياتكم ع الحيطان وكُل شخص يحط اسمه وذكرياته وتاخذون صور واكيد التعب اللي ع تفاصيلكم تاخذون صوره توثقون بيهه اخر

يوم اخر محطه تعب ترجعون لبيوتكم ماتشتهون اكل رأسا تتمدد وتضل صافن معقوله السادس خلص؟! تدمع عينك وانت تتذكر كُل لحضه تعب تعبت بيهه وكُل سهرك وتذكر الماده وتحن الهه بعد فتره تبدي تحلم بالنتائج مرات تتحلم انو انت رسبت ومرات تحلم انُ انت طلعت الاول ع العراق توتر هالايام حتكون اصعب من السادس حرفيا

تبدي القنوات متخاف الله تنشر روابط وانت مثل الخبل تروح تدور عبالك نشرو النتائج لحد ماتطك روحك وتبجي وتخاف وتكلهم حنام وانت اصلا منايم بعدهه تضهر النتائج تلاحظ اطرافك ترجف تلاحظ دم بجسمك ماكو تشوف اهلك شكد خايفين وتخاف لاتخذلهم تتذكر الشماته وتخاف يشمتون بدرجاتك تبدي تبجي وتعوفهم يطلعون درجتك وانت تنتضر وتنتضر وتطكك

اصابيعك وماكو عاد يدخلون ع الرابط وانت صبر ماكو يدخلون ع مدرستك ينتضرون الصفحه تحمل انت من اللا وعي تسحب الجهاز وتشوف نفسك فلان الفلاني ناجح معدل.... اللي ببالك حققت حلمك نبضات كلبك تدك بسرعه واهلك خايفين وينتضرونك تحجي وانت نعقد لسانك اخوك ياخذ الجهاز يشوفك حققت حلمك تبدي الهوسه والهلاهل

والجكليت وانت تبجي معرف تضحك مشاعر مخربطه تذكر شكد تعبت والله حققلك حلمك هاي احلا لحضه بكل حياتك اللحضه اللي انتضرتها 12 سنه! حققت حلمك
اللهم هذا الشعور يارب... اللهم طلابنا 🩷.