حلم واقـع

حلم واقع

طبعاً شنو احُب ﭑگول لـ طلاب السادس شدو حيلكم وادرسو زين هاي فرصه الكم حتى تخلصون من تعب 12 سنه شدو حيلكم

وتعبو نفسكم شويَ حتى تكدرون تحققون حلمكم وتوصلون للشي الي تريدو الدراسه حلوه والعلم نور شنو يسوا الشخص الي ميعرف يقرا ولايكتب ميسواله شي وهيج حياته جهل وظلام احلاشي هيه الدراسه

صح تعب بَـس نهايتها حلوه وهلشي بيدكم انتو اذا تريدون تحققون حلمكم وتصلون للشي الي تريدو لازم شويه تتعبون ماكو شي يجي بسهوله فـ بـ التوفيق الكم يارب وانشاءالله ميضيع تعبكم وانشاءالله الكُل ينجح ويطلع المعدل الي يريده انشاءالله ترفعون راس اهلكم وتفرحوهم وتفرحون

بدرجاتكم
اتمنى هالكلام ميكون شي عادي ويرفع  من معنوياتكم شوي وانا دائماً اندعيلكم واللّٰه ما حاجة ذكروني  انسى روحي وما انساكم مو بس طلاب سادس والثالث وكُل مراحل الكُل .   - راح تسمع صوت الهورنات بالشارع وفرحة الناس بيك ، راح تسمع صوت امك

وهي فرحانة بيك وتنزل دموعها ، وراح تسمع الاتصالات الي تجي لأهلك بمناسبة نجاحك ومعدلك ، وراح تشوف الالعاب النارية الي فوك بيتكم ، وبوقت اعلان النتائج راح تشوف امك وابوك مهدود حيلهم بسبب الانتظار ومن تطلع النتيجة راح يطيرون من

الفرح ، بوقت كُل هلاشياء راح تنزل دمعتك من الفرح هنا بجيت ؟
بوكتها راح تبجي لأجل حلمك ، تبجي لان انت انسان قوي وحققت هدفك ، بجيت لان رفعت راس اهلك ، بوكتها راح تحس نفسك فخر ليش فخر ؟
اهلك كبروك وعلموك ولبسوك وتعبو عليك يردون منك مقابل وهلمقابل لازم انت تحققه وترفع راسهم ، راح تنسى التعب الي تعبته والتوتر والحمل الي جان فوك ظهرك وراح

تنسى تعب الليالي وبنفس الوقت راح تتذكر شكد صليت بالليل علمود ربنا ينجحك ويفرح اهلك ، الله بس تخيلو وياي شكد حلوه هاي اللحظات ، ما راح يصيبك الله الا حسنة ، والله ما كاتبلك بس الخير اذا مكتوبلك طب راح يجيك الطب واذا مكتوبلك هندسة راح تجيك الهندسة وين ما راح يكون مكانك ما دام الله اختارلك هذا الشي فـ هو يشوفك انو انت بالمكان المناسب ، خلو بالكم وياي

هلفتره فترة تحديد مصيرك عوف الانستا وعوف النت ليش تعوفهم ؟
لأسباب هواي ومنها : اسباب تغيير مواعيد الامتحانات واسباب المرشحات فلان يكول هلمرشحات تجيب درجات ما اكلك لا تطلع ع مرشحات لا اطلع عليها بس لا تعتمد عليها وعندك بعد اسباب تسريب الاسئلة كلها كلام وهمي وماكو تسريب امشي بالطريق الصح ولا تخسر مستقبلك وبعد شغله مهمة احب احجي عنها ، لا تقارن نفسك بشخص ثاني وتكول شوف فلان خلص المادة وانا بعد لحد

هسه ممخلص راح تحس نفسك تسبح ببحر ووصلت للنص لا تكدر ترجع ولا عندك واهس تكمل لا تقارن نفسك بهذا الشخص وتخلي معنوياتك تروح هوه يجوز قره شلون مجان او دخل خصوصي اعتبر نفسك حالك نادرة والها مقايسها الخاصة انت كادر تسوي كل شي شنو الاثبات ؟
( ولقد خلقنا الانسان في احسن تقويم ) الي خلقك عظيم وخلقك بأحسن صورة وانطاك نعمة العقل الي يخزن عدد لا محدود من المعلومات ، شعور عظيم من توصل للتريده

وتكسر عيون هواي شماته خلي هدفك معين حتى توصل وتتفوق ، إخواني واخواتي في القلب ما راح انساكم لا بالتحفيز ولا بالدعاء .
لا تقارن نفسك بأحد..
كُل طالب عنده ظروفه، كُل طالب عنده وقته، كُل طالب عنده عقل خاص بيه
من أكبر الأشياء اللي تحبط الطلاب هي المقارنة، عيني لا تقارن نفسك بأحد تمام؟ هيج راح تتعب نفسيا، فلان واصل الفصل العاشر وجاي يراجع وانا بعدني ادرس

نقوصات!
اترك هاي السالفة كُلش راح تأثر عليك.!
خليك بنفسك وما عليك بأحد  لأن ظروفك تختلف عنهم وعقلك يختلف عنهم، اكعد الزم كتابك وادرس هي بقت شهرين ووقت كافي اشوفه للي يدرس من صحيح ويتعب نفسه، ولا تقارن نفسك بأحدهانت .