حلم واقـع

تركمات الدراسهه

مرحبًا اميّ
حايرين بالتراكمات ووقتكم قليل ومدا تلحكون بس سوا هاي الأشياء وتعزلونهن✅

•• شوفوا اولاً ماكووو وقت للتسخيت ووقتكم قليل اذا تدرسون كُل يوم 10 ساعات فـ من هسة بلشوا درسوا من 12-15 ساعة ⏰جيبوا ورقة وقلم وحددوا المتراكم

عدكم ورتبوا وقت الة حتى 5/1 تبدون مراجعة لأن بعد ماكوو وقت للتسخيت اوك ثانيًا سوا تحدي أسبوعين للتراكمات عدكم 14 يوم وسوا جدول وحددوا كم مادة عدكم بيها تراكم او ما مكمليها و شكد لازم ادروسنها يعني شكد يحتاجلها وقت حسب

فهمكم وهيج وعدكم منا لـ 5/1 شهر لو انتم لو التراكم واكيد الشاطر الي يخلص تراكمات ويبدي يراجع
يلا من هسة كوموا وتوكلوا علئ الله وسوا جدول مرتب وبلشوا .

وانت بطريقك ومسيرتك ودراستك راح تواجه أمور عديدة لازم تعرف هالشي، ولازم تتيقن إنه كُل طالب معرض إلها، لكن عليك أن تدوس عليها وتمشي ، ولا تسمح إلها تكون سبب بإعاقتك وتأخيرك عن وصولك للمكان اللي تريده انت !

راح يواجهك المرض، عليك أن تدوس على مرضك وتكمل ، وياما ناس كملت وهي ما تكدر تتحرك اصلا من المها ،َ !

راح يواجهك شخص، بل أشخاص وعده أشخاص يكلولك ما تكدر وما توصل، و راحت عليك، عليك أن تتجاهلهم وتمشي، وترد عليهم بدرجاتك ومعدلك، واصلا ما يحتاج ترد عليهم ابدا، لأن انت دتدرس الخاطر نفسك، مو بحاجه لإثبات نفسك لاحد!

راح يواجهك الصديق اللي يكولك انا بديت مراجعة وانت بعدك، تجاهله وامشي، لأن كُل شخص ظروفه تختلف، وابدا ادرس ولا تقارن نفسك بي، وراح توصل اكيد!

راح يواجهك التعب، والسهر، والحرمان من الطلعات والنت والتسخيت، لازم تتحمل كُل هالشي، ماكو شخص حقق وانجز شيء إلا وتحمل كُل هاي الامور!

راح تواجهك قلة الواهس،  وانعدام الرغبة، لكن لازم تدوس عليهم ، لأن انت بمرحلة حساسة، َمو مال تضيع وقتك وتعبك على شغلة ماكو واهس!

هواي امور راح تواجهك وهواي متاعب ومصاعب، لكن عليك أن تتحمل وتصبر، وتقاومها، مستقبلك، نفسك، مكانتك، كُلها تستاهل هذا التعب وأكثر! .