حلم واقـع

حلم واقع

انت راح تنجـح بس لاتوگف أبقىٰ كمل لـِ نهايـة الطـريـق انت كدهـا الدراسـة صعبـة أي بس انت راح تخليها سهلة قسـم وقت سـووي جـدول ادرس ؏ اليوتيوب أقـرأ اطلب من صديق من الاهل من استاذ يشرحولك المـادة اذا مافهمتها حـاول بكُـل الطـرق بس لاتوگف ،

أكيـد راح تتوصـل الحـل راح تنجـح وتفـرح توصـل لـِ حلمك ورة كُـل هـل التعب أكو فرحـة تنتظرك قبـل لا تيأس فكـر بـ حلمك طموحك الي تريـد تحققـة وأستمـر تتعب ارتـاح وكمـل بس لاتستسلـم انت قـوي،
اتذكـر دائمـاً ‏﴿ لَا يُكَلِّفُ اللَّهُ نَفْسًا إِلَّا وُسْعَهَا‏ ﴾ اللّٰـه موجـود مراح يعوفـك بس أسعىٰ حتىٰ توصـل ،.

أكو هواي ناس منتظرتكم حتى توصلون للمكان الي تريده (او مكان چانوا يتمنون يوصلون اله وماگدروا)
مرات نسمع من اشخاص طلعي (فلان معدل) لانُ همه ماگدرو همه يحققوه بس املهم بيكم انُ راح تجيبون هلگد
من حتطلعون هذا المعدل يعتبر نفسه هو طلعه ويفرح

فـ اسعوا لخاطر نفسكم اول شي ولخاطر هاي الناس الي منتضره هذا الشي منكم
بقت هاي الفترة اقل من 3اشهر وزرع هاي السنة كُله حتحصده
فـ شدوا حيلكم تعبوا لآخر نفس
شعورك بيوم النتائج من متطلع معدل زين ترا شعور كُلش يلعب نفس وبس الي مجربه راح يحس بي

طلاب العام تعبوا يعرفون شداحجي بس اجتهم درجات مو كُلش حلوة أدركو انُ لازم يتعبون بعد لخاطر يطلع المعدل الي براسه
فـ شگد متتعب گول لازم اتعب بعد حتى اوصل
وبالتوفيق لاخوتي والكم يارب يتحقق حلمكم ادعوا لكُل الطلاب وخاصة السادس لأن الدعوة

حترجعلكم بالمثل او اكثر ودائماً خلوا هاي الآية براسكم ‏﴿وَأَن لَيسَ لِلإِنسانِ إِلّا ما سَعى﴾
لأن انت حتتعب راح تتعوض ع گد تعبك وممكن اكثر
بس اذا متتعب وتريد شي زين ف هذا الشي طمع ويا رب العالمين
فـ اسعى ورب العالمين هو المُعين

مشاكلكم العائلية وظروفكم ومحيطكم وبيئتكم والأشياء السلبية المحيطة بيكم حاولوا قدر الإمكان تنعزلون عنها بهاي الفترة ولا تخلونها تأثر عليكم ابدا اي تأثير سلبي!
ٓنكون واقعيين اغلبنا إذا مو كلنا مر َيمر بظروف انواع الظروف لكن تختلف من شخص لآخر ، وكُل شخص بينا مشاكلة وحد وتختلف عن غيره..فلا تظن نفسك وحدك عندك ظروف وأمور صعبة عليك، اغلبنا هيج، فلازم تدوس عليها وتتغلب عليها بكل ارادتك وقوتك وصبرك وعزيمتك َوكفاحك من أجل نفسك ومستقبلك،
لازم تتأقلم وتعيش حياتك وتقرأ وتحضر لامتحاناتك وانت بكُل أحوالك..
تعرف ليش ؟ لإن الوقت يمر، كُلش يمر والايام تركض، والامتحانات جاية
وتعرف ليش أيضا؟ لإن الظروف والمشاكل تعدي وتصير سوالف، لكن وقتك منو يرجعة الك؟؟ فكون واقعي
وبعدين ماكو  شخص راح يسألك عن ظروفك ولا راح يسألونك شنو الظروف اللي واجهتك!
راح يسالونك فقط.. شكد معدلك؟ وشنو انقبلت.. فحظر اجوبتك لهاي السؤالين تمام؟.