مذكرات غريق

واقع

استمتعوا

——————————

من بعد ذاك اليوم وهمام يتجنب فلك ورسمي معاه بالمره عكس الشهرين الي راحو الي كلها ضحك وفله مع فلك وغير طلعاتهم الي كثرت

بالفتره الي راحت فلك تعب من صمت همام وبعده الي ماكان يقدر عليه بينما همام غارق بدوامه تفكيره والاصوات الي بداخله تنهد بتعب ونزل الكاب ع جنب وخلخل اصابعه بشعره طالع نفسه بكاميره جواله:اف طول مالي خلق اروح الحلاق ولا لي خلق احلق بالبيت

اتصلت فاطمه عليه:همام وينك؟

همام طالع جهه باب مكتبه المفتوح الي مقابل باب مكتب فلك الي هو بدوره مفتوح بس خالي من فلك:بالدوام ليش ؟

فاطمه تنهدت:اسمع انا وامك بنروح مع جاسم للديره عشان امي لزمت علينا وهذانا ماشين وبعد سماهر بتاخذ خواتك وتلحقنا امك قالت لنا ان عندك دوام الين ليله العيد وحنا من عاداتنا تعرف نروح قبل العيد بثلاث ايام ترا امك حاطه المفتاح بالمكان الي دايم وتعال مع فلك لانه حتى هو عنده داوم وقل له هالكلام لان جواله كالعادة مقفل

همام:حاضر وانتبهي لنفسك

قفل همام وهو مصدع ع الاخر حط راسه ع المكتب وغفى بدون لا يحس ع نفسه

بعد وقت طقه زياد بخفه:ولد اصحى الدوام قرب يخلص

همام فرك عيونه وحس بغثيان:يا نشبه فارقني

زياد ضحك باستنكار :ولد انا مكلف اني اتاكد من كل شي بالمركز واقفله يلا عجل وعطني الملف الي قلت خلصت مراجعته

همام مد الملف لزياد واخذ شنطته وجكيته وطلع نادا عليه زياد: يا ربانزيل شعرك محيوس

شمق همام لزياد الي يتطنز ع شعره بسبايب طوله نزل وهو يشوف فلك تحت يتنظر زياد ينزل الي بدوره جاء يركض بعد ما قفل كل شي

همام ما عطاهم اي اهتمال وركب سيارته وبعدها تذكر كلام فاطمه وراح جهه فلك وقال له كل شي ولما خلص مشى بس زياد مسك يده:ع وين؟ اهلك ومو فيه تعال بس معانا

همام سحب يده:بروح ارقد رافقتكم السلامه

راح همام سيارته وفلك طالع جهه زياد:شفت بعينك؟

زياد تنهد واتصل براكان:هلابي يا ريكو المهم تعال لنا بالاستراحه عندنا موضوع مطلقات حامي

ضحك راكان الي كان بمركز الشرطه يتجهز للخروج:مطلقتنا هالمره فلك صح؟

زياد طالع فلك الي يسوق:ومن غيره تعال بس

وصلو للاستراحه مع وصول راكان الي كانت اقرب له منهم وجلسو ينتظرون
البقيه

———————-