يامساء الخير
"2"
استمتعوا
—————
همام كان دافن وجهه بمخدته وطق باب غرفته تافف وتكلم بصوت عالي:ادخل
دخل ابو همام لداخل الغرفه متكتف:وبعدين معك يا همام يعني بتاخذ وضع المطلقه هنا؟
همام ضحك وهو لازال دافن وجهه بالمخده:يا ابو همام الله يحفظك بحاول ارقد بكره عندي دوام مو زيك
جلس سلطان ع سرير ولده وغلغل يده بشعر همام:اكتب لك سكليف بس قوم لا تضيق خلقي وانا اشوف حشاشه جوفي زعلان كذا
همام اعتدل وطالع ابوه:يبه قلت لك مافيني إلا العافيه بس بنام
ابتسم سلطان وطالع ولده:وقلبك بخير؟
همام فزع من هالكلمه وبمحاوله توازن قال:ا..ايه بخير
قام سلطان وباس راس ولده وطلع:اجل تصبح ع خير يالموظف المثالي
سلطان طلع وسكر الباب وراه وهمام لازال مفزوع وتكلم بينه وبين نفسه:معقوله ابوي عارف؟
رفع همام جواله وشاف اتصالات ورسايل من وائل
تكلم وائل بصوت عالي:وينك ما ترد علي! أنزل أنا عند بيتكم من ساعه ونص
همام استقام باستغراب وطالع ناحيه الشباك وشاف سياره وائل: وش جايبك؟
وائل طالع جهه شباك غرفه همام:انزل الله يخليك لي انزل
همام تنحنح :طيب ببدل ملابسي وانزل
بعد دقايق ركب همام جنب وائل الي واضح تعبان لف همام ع وائل وحط يده ع خد وائل:حبيبي فيك شي؟
وائل غمض عيونه وحط يده فوق يد همام:ابي حضنك تكفى لا تردني
همام انصدم من هالطلب هو يعرف ان وائل ما يستأذن وليه عيونه حمرا ومرهق وليه اصلا هو يبكي؟ مافكر كثير إلا انه يحضنه
اول ما همام حضن وائل بدات شهقات وائل تطلع :امي عطتك عمرها
همام انصدم ورجفت دواخله هو يعرف ان وائل ماله بهالدنيا إلا امه ، ابوه واخوه ماتوا شهداء ومافيه اي احد يقرب له حاليا غير عيال اخوه الي امهم تركتهم وهم اطفال وراحت تعيش حياتها زفر همام بضيق:طيب وائل وعبداللطيف وعائشه ومريم وينهم؟ -عيال اخو وائل-
وائل كان ساكت الا من شهقاته الي تطلع بين فتره والثانيه وتكلم بهدوء:ما ادري ما ادري مافكرت كثير فيهم اول ما دفنت امي ع صلاه الفجر قبل نص ساعه رجلي جابتني لك
همام تنهد ومسح ع شعر وائل:الضعف ما ينفع بهالمواقف ، امك الله يسكنها فسيح جناته وراحت لمكان افضل لها وباخر فتره امك كانت تعاني من قلبها بشكل يحزن والموت رحمه لها من المرض وهذا الشي لازم تكون فاهمه يا قلبي انت والحين عيال اخوك بذمتك خلك قوي فيهم وخلهم قويين فيك ترا مالهم غيرك
أنت تقرأ
مذكرات غريق
Akcjaاذا كان مراهق مدلل مُعطى جميع الصلاحيات وبدون رقابه وقتها بتحدث اشياء لا تحمد عقباها، قتل؟،عصابات؟،تشهير؟ او حتى بياع ممنوعات كلها اشياء قدر يوصل لها بطلنا بعمر صغير ما يفرق بين الصح والغلط محاوله منه ينسى حبه او زي ما يسميها "غلطه عمره" بس هل ممكن...
