ضلمات الِ سواد

البارت الثالث عشر .

أحببته في المكان المقدس

بقلمي الكاتبة لينا 📝

(لو جئتني لوجدتني يعقوباً أعماه الشوق وليس غيرك يوسفي )

- سألتها على حالة خالي شلون صارت جاوبتني وهي تبجي ومهارة

- ولج خالج حالة مدهورة ومدمرة دماااار ولج اخوية راح من ايدية بعد ما تصير آلة جارة راح ياخذو لتركيا يسولة عملية فوق الكبرى بس نسبة نجاح العملية ٥٠٪ يعني مو اكيد يعيش يجوز ماتنجح

- هنا شبعت بجي
- زين اه اهم يمة طلعو السجين من راسة لو بعدها شفتي انتي كعد حجة وياكم اه

- لا بعدة ميخلون احد يشوفة واصلا هو بعدة ما كاعد ولج الجمجمة متهشمة مال راسة اكو عندة تمزق بعض الخلاية العصبية مدري شلون حالته هسه ميخلونة نشوفة ولج راح نموت من القهر منعرف شراح يصير بي

- لا تفقديون الامل والله ما بي شي ادعولة واني هم راح اكوم اصلي ركعتين لوجه الله حتى يتشافة هسه خوالي شصار بيهم

- خوالج مدمرين فد مرة وتعبانين بس خوالج سامر ومهيمن ماكو مختفين من البارحة ماكو

- شنو ماكو وينهم يمة وين راحو غير يجون يم اخوهم شلون يرحون

- مدري والله ماكو وخالج أسر جاي يدور بيهم بس لا يسولنا مصيبة يلا هسه روحي خلي اشوف خالج

- سديتة من يم امي ورحت وكعدت بغرفتي ابجي لان خالي ايهاب جان مثل صديق أو أخ الي مو مجرد خال ورحت صليت ركعتين وضليت ادعي الا

- (اللهم يا رب السماوات السبع والأراضين السبع وما بيهن وما فيهن وأنتة رب العرش العظيم ) شافي لي ايهاب يا ربي

- خابرتني جوان وجانت هم ضايجة على خالي ايهاب وزعلانة ومقهورة

جوان :- اتصلت على لينا ....
- ها شلونج لينا

- هلا كلبي جوان

- اكولج ولج ما خابرتي عمي ايهاب شلونة

- والله خابرت امي وكالتلي مو زين عندة تمزق بالخلاية العصبية والجمجمة متهشمة راح يسفرو لتركيا هناك يسوي العملية لان ماكو هيج عمليات بالعراق فوق الكبرى..

- اؤؤف استغفر الله شنسوي ندعيلة هذولي الي ضاربينة ويتهم ما لزموهم

- يكولون منهزمين من البارحة ماكو يدورون بيهم وماكو حتى اهاليتهم شايلين

- ولج شنو السالفة يعني بس مشاجرة وهيج صار اكو شي بس محد يعرف بي غير عمي ايهاب

- الله اعلم اني كالتلي من يصحة تخابرني وطمني ....

لينا :- صار الليل وطفت عدنا الكهرباء طلعت حتى اشوف محولة الكهرباء حتى احولها على كهرباء للجهة الثانية وجان اشوف خيال وراي من درت وجهي مالكيت احد ضليت شايلة الضوة ومال جهاز واحول بالوايرات فجأة سمعت صوت أحد يمشي بتجاهي من درت وجهي جانت ضلمة شفت شخص طويل وضخم وسمين ومن يمشي يروح يمين ويسار وجهي الضوة بتجاهة واني خايفة ورجعت ليورة جان يطلع سرمد صحت واني خايفة