الآليس

Part2

لِلَّهِ دَرُّ الحُبِّ ماذا يَصنَعُ
يَعنو لَهُ مَلِكُ الزَمانِ وَيَخضَعُ
لِلحُبِّ سُلطانٌ عَظيمٌ شانُهُ
مَهما يَقُل قَولاً فَقَلبي يَسمَعُ
إِن يغرِ بِالهِجرانِ مالِكُ مُهجَتي
أُقبِل إِلَيهِ بِحالَتي أَتَضَرَّعُ
ماذا اِنتَفَعتُ بِحالَتي عِندَ الهَوى
حالُ الهَوى أَبَداً أَجَلُّ وَأَرفَعُ
"المعتمد بن عباد"

"الآليس"
بقلمي أنا💕الرَميم💕
🎀لتنسون التعليق بين الفقرات والتصويت🎀
~~~~~~~~~~~~~~~~~~~~~~~~~~~~~~
-إيلا و علي بصوت عالي:سبراااااااااااااااااييييييييزززززز
"علي الدر أخترع و وكع مبايله من أيده"
-علي الدر:خرب يومكم أدبسزيه چان وگف گلبي
"ضحك علي ضحكته المعتاده الفضيحة بعلو صوته وگله"
-علي:تعيش وتاكل غيييرها مولاي
-علي الدر:مولاك الحسين بعد گلبي تعالوا مشتاقلكم
"راحوا يركضون حضنوا بكل قوتهم"
"طلع حيدر ومريم من الغرفة على صوتهم ولتموا كلهم"
-علي:يله يمه أجه عزيز گلبج وشفتي أريد أتريگ جوعان
-مريم:خسه الجوع يمه يله أركض روح جيب كاهي وكيمر وتعال
-علي:لا أصلاً شبعت ما أتريگ مسوي رجيم
-إيلا:أني أريد كاهي باللحم ما أحب الگيمر
-علي الدر:مو تدلل حبيبة أخوها علي تعال هاك هاي فلوس روح جيب كاهي وگيمر و وحده باللحم لأختك وإذا تريد كاهي جيب بعد وحده باللحم الك وإذا متريد جيب غير شي لروحك
-حيدر:لا بابا أني أنطي فلوس ضم فلوسك أنت علمود نزوجك
-علي الدر:لا يابه ماكو فرق أني وياك واحد بعدين مو متفقين أني ما أزوج لا هسه ولا بعدين
-حيدر:عوود خووش أنت موجود وأني موجود إن شاء الله ونشوف تزوج لو لا
-علي:الله وكيلك بس يلگه حب حياته بدون ميگلكم يزوجها ويجي يگول هاي مرتي
-علي الدر:درووح ولي فتتتنه
"طلع علي وهو يضحك راح يشتري ورجع جايب قوطية نوتيلا لروحه"
-علي الدر:ها ولك لگيت كاهي
علي:أييي لكيت وجيت جبن لروحي
-علي الدر:قريت الدسومه مالته
-علي:أييي قريته جبته خالي من الدهون والدسم
-علي الدر:وين لكيت هاي الكلاوات
-علي:شبيك مصدگني قابل مجذب عليك قبل
-علي الدر:أي مجذب عليه هوااااي
-علي:افااا عليك يله ما أجذب بعد علمود متنعدم ثقتك بيه جبت نوتيلا بس هاااا والله ما أكله كلها هسه أضم منها لباجر
-علي الدر:لااااا خااااف زحمه يضم منها جيبها وينها
"علي يباوع على علي الدر بنظرات بريئه علمود يستخطي ويخلي ياكلها"
-علي الدر:لتباوعلي هيج جيبه وأني أسويلك لفه
-علي:والله متخليلي هوايه أنت تحط لطعه حتى ما أحس بطعمها
-علي الدر:جيبها وأحطلك هوايه يله
-علي:زين خلي أكلها كلها وأضربني أبره
-علي الدر:وليدي بس دير بالك على روحك هل سنه أنت سادس أطلع منه من أول سنه داري صحتك علمود متتعب
-علي:صدددددددددددوووووك ما كوتلك أخووويه
-علي الدر:عدل حلگك وأحجي
-علي:أووووكي دردوري
-علي الدر:يله گول شنو صاير
-علي:أحم أحم أنطووونه النتااااااائج
-علي الدر:أييييي وشنو طلعت
-علي:نااااااااااجح
-علي الدر:هاي الناجح متوكل خبز معدلك شگد
-علي:لولي فطيسه Help me
-إيلا:علي الدر أني هم أنطوني النتيجة ومعدلي 97 على عناد ذولاك الناس
-علي:لولي فطيسه Don't help me
-علي الدر:عفية بنيتي الشطورة الج مني طلعة مال يوم كامل وللمولات ولمدينة الألعاب فول ونسه
-إيلا ركضت شبگت علي الدر:يووووبي شكراً أخوووويه حزام ظهههههررررييييي
-علي الدر:اي علي شگد معدلك ما گلت
-علي:أخويه باوعني والله المدرسين شادين ويايه بعدين أني هلسنه سادس و وزاري يعني مو مهمه نص السنه وأحنه أخوه معقوله تخلي النتيجه تفرق بيناتنه ها
-علي الدر:علييييي أختصر المعدل شگد" حجه بجديه وصوت عالي هو وخازر علي"
-علي:75بس والل
"بعده ما كمل صاح بي علي الدر وهو يصعد الدرج"
-علي الدر:تعال ورايه
-علي:يمه قاسم يمه يمه يمه
-إيلا:أمداك لو قاري هسه علي الدر راح يثبرنه
-علي:دولي أنتي الثانيه أني عقلي مشغووووول
-علي الدر عاط بصوت رج البيت رج:يلللللللللله وييييينك
"علي صعد يركض سوه الدرج 3 بايات"
-علي الدر:طب وسد الباب
-علي دخل وسد الباب وراه:بس بدون صياح
-علي الدر مسد على گصته يحاول يهدأ روحه:أگعد وفهمني لييش هيج مستواك ناازل
-علي:باوعني والله جنت أعرف أجاوب بس ما الحك أكمل يعني والله آخر سؤال ما ألحك أوصله أصلاً
-علي الدر:لييييش أسم الله مو الوقت ساعتين ونص وأنت كتابتك سريعة
-علي:أني أصفن
-علي الدر:وليييش تصفن بييييمن تفكر السُفن مالتك غرگااانه لو شركاااتك خسرت
-علي:علي الدر لصيح
-علي الدر تنفس بغضب فتح أيده ورجع قبضها:يله جاوب ليش هل أهمال أنت أصلاً بدون شي مأجل سنتين مناك ناوي أتكثرهن ومحمد أطيح حظك
علي:لتخااف أنجح بسس هسسسه أنطيييني مجااال أفتهم وضعي
-علي الدر گام وگف ويحچي بغضب:وشنووووو وضعك شبييك شنووو ناااقصك
-علي وكف بمستوى علي الدر وصاح:أنييييي وللللللهاااان أفتهم ولهااااااان مو أحب ولا أعشق أني مدمن صاااير
-علي الدر رفع حواجبه بتعجب وسأله بأستفهام:ألمن وشوكت
-علي:أجاوبك بشرط توعدني توكف بظهري ومتوكف بوجهي وتمنعني لان ساعتها راح أكتل رووحي وأخليكم بحسرة شوفتي
-علي الدر:وعد أوكف بظهرك مادامك ما غلطان بس گلي منو
-علي:شمس
-علي الدر جاوبه والصدمة مبينه على وجهه:شمس بت عمنه
-علي:أي شممس أني أحبها وأعشقها وهايم بيها ومدددددمن
-علي الدر:علي بس أنطيني مجال أفتهم من شوكت هذا الحجي
-علي:من أني وصغير أحبها وكل ما أكبر أحبها أكثر ووو
-علي الدر:ووو شنو كمل
-علي:وهسه قوة العلاقة أكثر لأن أعترفتلها
-علي الدر:زييين هي ما عدها موبايل شلون تحچي وياها
-علي:منو گلللك أحچي ويااااها أصلا أخاف عليها من روحي قبل لا أخاف عليها من الناس ما أريد حبنه يصير بالحرام
-علي الدر:زين لعد وين تشوفها وتحچي وياها
-علي:أنتظرها من تطلع من المدرسة نرجع سوه هي ويه السايق مالتها وأني بالباسكل مالتي
-علي الدر:باوعني وداعتك عندي بس تخلص السادس نخطبلكياها بس لسود وجهنا بروح أهلك
-علي:گوووول والله
-علي الدر:والله
-علي:يعني تصير مرتي اللللللللللللله
"گمز علي على علي الدر وحضنه يبوس بي بكل قوه"
-علي الدر:وخر ولك راح أموت
-علي:لالا أسم الله عليك حبيبي أنت
-علي الدر:وأني أگووول هذا الولد شبي من ننجمع يصير مطي يگوم لا يسمع ولا يرى ولا يتكلم ولا يباوع بعيوني من أحاچي
-علي:لعد شعبالك قابل غشيم وأباوع بعيونك علمود رأساً تكشفني وناكل خ**
-علي الدر:يله ولي هسه من وجهي خلي أرتاح وبعدين نسولف ما خلص حسابك أريد السالفه كلها تسولفلي سممممعت أحسك بالع من السالفه
-علي أبتسم:يله نام حبيبي لتفكر بالموضوع أني أسولفلك بعدين
~~~~~~~~~~~~~~~~~~~~~~~~~~~~~~
في بيت أبو شاهين...
-شاهين:الللله بالللخير يا جماااعة
-نور:هلا يمه هلا تعال تريك ويانه
-أحمد:شلونك بويه
-شاهين:الحمد لله بخير بس مشتاق لفد نااس
-الأب:بابا أكل لا أسطرك
-شاهين بصوت ناصي شاور أبوه:أعزمهم يمنا اليوم بروح موتاك
-أحمد:أدلل وليدي لخاطر عزيزة گلبك
-شاهين:بعد روحييي أبووويه الغااالي تاج راسي
"خلصوا الريوك وكعدوا يشربون جاي وحچه أبو محمد"
-أحمد:عيني أم شاهين اليوم أعزم أخوتي يمنا على العشه شتگولين
-نور:هلا بيهم عين غطه وعين فراش
-أحمد:عاشت أيدج عيني متقصرين
-نور:يله لعد نرجس گومي عيني يادوب نلحك نكمل محمد يمه روح جيب مسواك فواكه وخضورات
-محمد:ليش شاهين شبي ميروح لو لأن أني الصغير أدزين بيه منا ومنا
-نور:مو راح أدزه لغير مكان
-محمد:هممم
-نور:يمه شاهين أنت عليك الغراض الي من الأسواق هسه نرجس تكتبهن بورقه وجيبهن واللحم هم عليك
"بلشوا التحضيرات مال العشه لحد مصار الليل وكلشي كمل من تجهيز وتنظيف وأكل"
"صارت ساعة 8 أندكت الباب وأجوي أول عائلة بيت أبو علي الدر"
-أحمد:يا أهلاً وسهلاً بيكم شرفتونا ونورتونا
-حيدر:وبيك أكثر عيني أنتو الشرف خويه
-أحمد:تفضلوا تفضلوا شلونج خويه أم علي
-مريم:أهلاً خويه والله الحمد لله بخيراليوم راح نزحمكم
"وراها بشويه أجوي عائلة أبو شمس وختموها عائلة أبو ذو الفقار"
"الزلم كاعدين بالاستقبال والنسوان بالمطبخ يسولفن ويصبن الأكل والشباب يفرشون السفره وينقلون الأكل ويه البنات"
-شاهين:إيلا جيبي من أيدج ثگيل عليج هذا بويه"أخذ من أيدها بلم التمن وراح"
-إيلا بينها وبين نفسها:أي والله صدك ثگيل
-ذو الفقار:إيلا تكعدين بصفي تاكلين سمعتي
-إيلا بخوف:لا ما اريد أريد أكعد يم علي الدر
-ذو الفقار:علمود أطيح حظج
-شاهين سمع ذو الفقار راح سحله من ملابسه وره البيت وحجه وياه والنار نطلع من عيونه:زمااال حظمن تطيح هاااا
-ذو الفقار:شعليك أنت أني وبت عمي أنت شكو لو ما سامع المثل الي يكول((أني وجاري شدخل حماااري))
-شاهين شدد قبضة على وجه ذو الفقار وحجه من بين سنونه:قسم بذات الله أذبحك وأذبك للجلاب وأخلي أمك تنوح عليك
-ذو الفقار:شبيك شاهين هسه شگتلها بعدين أول وتالي هي الي ومرتي
"شاهين عيونه صارت بكصته ولزم ذو الفقار وركعة كله مطله بلكاع وعافه وراح"
-شاهين:علي الدر
-علي الدر:هاا
-شاهين:روح شوف أبن عمك أمدد وره البيت غسل وجهه وجيبه ليموت ويحسبوا زلمه عليه
-علي الدر:خرب يومك ليش ضربته شگلك
-شاهين:أطاول على تاج راسه وراسك
-علي الدر:لا يا مطي تاج راسي موو
-شاهين:أي تاج راسك وراسي هم يله روحله ليموت هذا مايع
"راح علي الدر لذو الفقار يشوفه"
-إيلا:عموو خاله أمك يعني تگول روحي ويه شاهين جيبي المي من غرفته خلته نرجس بالثلاجه مالته
-شاهين بصوت ناصي:أشتعل شيب عمج
-إيلا:شنو گلت
-شاهين:گلت هسه أروح أني أجيبهن يا بعد عمج روحي لعبي أنتي
-إيلا:بس أني مو صغيره علمود العب بس هاي السنه وأروح للأعدادية تدري لو لا
-شاهين:شلون ما أدري أبويه غير أحسبلج يوم يوم وساعه ساعه أني
-إيلا:لييييش
-شاهين:عمو روحي ديصيحوج
-إيلا:بس ما سمعتهم صاحوني زين عموو أنتي صدك عندك ثلاجه بغرفتك
-شاهين بأبتسامه ميل راسه وجاوبه:أيي عندي
-إيلا:اللله وبليل من أهلك ينامون تسهر على التلفزيون وتاكل
-شاهين ضحك:لا أني أجي تعبان أنام قبل أهلي مثل أخوج
-إيلا:يبووو على الدر مثل الدجاجه ينام من وقت
-شاهين ضحك بصوت عالي:خرب يومج علي الدر سلام الله عليه سويتي دجاجه وين جدج إذا يسمع ينتحر
-إيلا ضحكت وهي خاله أيدها على حلكها كلعادة:بس مو تگوله أني هيج گلت
-شاهين سرح بعيونها وحركاتها وحچه بنفس طريقة كلامها:لا ما أكوله
" صعد شاهين لغرفته الي مترووووسه صور عزيزة گلبه من هيه وصغيره لحد هذا الوقت وهو يصورها صور عفويه ويعلكهن بالحايط راح توجه للدفتر مالته الي عنوانه"هوسي الجميلة"وفتح صفحة جديدة وكعد يدون شنو صار
"علي الدر رجع ويه ذو الفقار وكعده على القنفه وراح يم علي الي يفتر وره شمس ويسولف"
-علي:شموستي
-شمس بأرتباك:همم
-علي:تحبيني
-شمس:ءءء ما ادري
-علي:شمس شنو ما أدري لو أي لو لا
-شمس:أنت مو تكول ما أريد حبنه يصير بالحرام
-علي بملل:أيييي
-شمس:لعد صير حباب ولتظل تفتر ورايه والله أستحي بعدين هسه تجي قمر ترزلني
-علي:هووو كله صوجها لهاي صخامه توز بعقلج أني أعلمها
-قمر جانت تسمع علي أجته من وره وكالت:أحم أحم ألمن تعلم ولك
-علي گام وباوعلها بحقد:مو وياج
-قمر:عبااالي يله أدعبل منا أبو الحب صاير روميو والله يا الله
-علي:الله يساعد الي ياخذج أمه داعيه عليه بصلاة الليل
-قمر:معليك أنت محد ضاربه على أيده وگايله تعال أخذني
"غمها علي و راح وقمر أستلمت شمس رزاله غسل ولبس"
"التموا كلهم على السفرة وبلشوا ياكلون و جان مكان إيلا يم علي الدر وأجه ذو الفقار لزك بيها من الجهه الثانية"
-أبو علي الدر:رحم الله والديج خوية أم شاهين تعبناكم اليوم
-أم شاهين:لا خويه تعبكم راحة
-أبو قمر:عاشت أيدج الأكل كلش طيب
-أبو ذو الفقار:الله يرزقكم ويفتحها عليكم
-أم علي الدر وشمس وذو الفقار:عاشت أيدج خيه زحمناج اليوم
-أم شاهين:اللف عافيه عيني هذا الأكل صار طيب لان أجت إيلا خلت أنفاسها بالطبخ حبيبتي
-نرجس ضاجت وجاوبت بصوت ناصي:شلون أنفاس عليها لوگيه
-محمد:صوتج ليسمعووون وطيح حظج
-نرجس:شمعنى كلكم تحبوها
-محمد:لان عمي أبو علي الدر جان يتمنى تصير عنده بنيه ومن أجت إيلا صارت مدللة أخوانها ومحد يرفضلها طلب أنتي شعليج بيها
-نرجس:ما أرتاحلها
-أم علي الدر:خاله شاهين ما كبرت عزيزة گلبك مو طك گلبنه على عرس
-شاهين:لا خاله بعدهي صغيرة
-ذو الفقار:أدري هاي الي تحبها وين شفتها بالخدج
-شاهين:لا بالحظ يا نصيب طلعتلي
-علي الدر:زين ما ناوي تگول أسمها
-شاهين:تؤ ما ناوي أفصح عن أي معلومه عنها
-إيلا بصوت ناصي تحجي ويه علي الدر:هسه شلون أنام بليل وأني ما عرفت منيه عزيزة گلبه
-علي الدر:شاااهين أختي صار عدها فضول وتگول شلون راح أنام بليل
-شاهين:يله لخاطر إيلا سألي سؤال عنها وأني أجاوبج بس ها مو تگولين شنو أسمها
-نرجس:بت منو
-شاهين باوعلها بطرف عينه وگلها:إيلا تسأل مو أنتي
-إيلا:ياصف
-نرجس گلبت عيونها وكالت:هو هذا هم سؤال
-شاهين خزر نرجس وجاوب:بالمتوسطه بعدهي
-إيلا:يعني بگدييي الله نلعب أني وياها تقبل موو
"ضحكوا كلهم على تفكير إيلا الي ما ناويه تكبر وتصرف دائماً بعفويه مفرطه"
-شاهين:صدك يا جماعه شنو رأيكم باجر نروح لكربله نزور ونبات السبت العصر نرجع علمود الأحد دوام
-علي:أييييي نروح أحنه مو بابا
-ضحك وكله:أي نرووح علمود ترفه عن نفسك قبل لا تبدي مراجعة ويكعدلك علي الدر ركبه ونص
-أبو شمس:أني ما عندي مشكله ما دام البنات ما عارضن
-أبو ذو الفقار:هاهيه لعد أني هم وياكم
-شاهين:خوش لعد هسه أخابر صديقي على سيارة علمود كلنه بسيارة وحده أحسن
-علي:أي علمود أذا أنگلبت كلنه نموت أحسن
-الكل صاح:فال الله ولا فالك
-ذو الفقار كرص إيلا من خصرها حيل وكلها:من هسه أكلج تگعدين بصفي مو تخليني أركض وراج
-إيلا غرغرت عيونها وأمتلت بالدموع جاوبته:ما أگعد يمك ولتركض ورايه
-شاهين أنتبه لعيون إيلا أخذ مبايله ودز رساله لذو الفقار وكله بيها...
~~~~~~~~~~~~~~~~~~~~~~~~~~~~~~
في مكان ما أو بشكل أدق في المصح...
-الدكتور:آليييييس بابا خليك ويايه بابا تسمعني آلييس
-آليس:لتكووول بابا أنت مو أبويه أني ما عندي أبو أني أبن حراااااام
-الدكتور:بابا لتكول هيج أكيد أبوك موجود بس گووم ويايه
-آليس:عوفني أموت أريد أروح يمها بس هي تعرف تعالجني
-الدكتور:ناااااااااز تعاااااي بسررررعة ساعديني نااااز
-ناز أجت تركض:ها عمو عزاااا هذا شبي المخبل
-آليس:على أساس أنتي الصاحيه
-ناز:دگوم لتموت ويحسبوك رجال علينه ومعيش عوائل
-الدكتور:بابا صحتج علمود تساعديني نگومه ونداوي مو علمود تتلاسنون متملون أنتو لخاطر الله
-ناز ساعدت الدكتور وگوموه گعدوه على السرير وهي أدردم:عمو مشوووفه شلون يحجي هو هذا شكول مساعدة هذا دگه بالنعال على راسه يصحه
-آليس كام لزمها من ركبتها وخنگها كل قوته وگلها:راس منو أدگين ولج هاااااااااا
-ناز خلت عينها بعين آليس ودفعته بكل قوتها وصاحت بصوت عالي:رااااااااااااااااسك أدگه بالنعاااااااال وأدوسه بقندريتي زماااااااااال أيدك أكسرهاااا أذا تمدها عليه بعد سمعت
"هنا آليس رجع لوعيه بسرعه كمز لناز يتفحصها يتأكد مأذيها لولا"
-آليس:آسف والله آسف أذيتج أييي أذيتج ركبتج زرگه جان متي بيدي أني حيوان أني أذيتج 
-ناز دفعته عنها وگلتله:شبيك أنت مطي كل عقلك أنتتتتتت تأذيني والله يا الله ولك أني البتااااار بعظمته ما أذاني أنت تأذيني دگوم گوم الله ينطيك العقل
-آليس:وينطيج الج هم
-ناز:أني عندي عقل يوزن بلاد مو بلد واحد فريت بي البتار وجماعته على أصابيعي بس لو ما هو هيج سوه وخلاني هنا ويه هيج شكول مثلك چان أني بخير
-آليس:لعلمچ البتار وجماعته برأس قائمة الأنتقام
-ناز:أوصله وشوف شلون أدمرك آليس أنهيييييك والله أذا مو بيدي أكتله وأعذبه مثل ما عذبني ما أرتاح وهااا للعلم والمعرفة أني هنا بمزاجي لان مو صعبه عليه الشرده بس حالياً ظاله علمود نطلع سوه ننتقم
-آليس:ما أشتغل ويه بنات شغلي صعب
-ناز:خاب دتطير أنت وشغلك وأنطيني أيدك ألفها يله سريفتنا بالدم النگس مالتك
"آليس أستسلم بعد لان النزف أخذه وتعب"
-ناز حچت وهي تلف بأيد آليس:آلييس سولفلي عنها أريد أعرف كلشي وخصوصاً عن يوم 10/15 وليش مسوي وشم
-10/15 تأريخ هلاكي...
~~~~~~~~~~~~~~~~~~~~~~~~~~~~~~
جميلاتي الجميلات💗✨

شنو رأيكم بالبارت😌وشنو توقعاتكم للبارتات الجايه😎

حسابي الأنستا:al_remim

أقتباسة اليوم✨في عُمقِ الفهِـم تَبدأ الرُوح بالتعَافي✨