الآليس

Part4

سهل من تبتعد بس صعب تلكة إنسآن ،
شآيل طيبتي ويهوآك ع الفطرة !!
بآجر من ترد مآ تلكة شي موجود ..
تلكة الورد ذآبل والأرض صحره !
تلكآني مدينه مسددة البيبآن..
بيهآ الگُمر ميت والشَمس حمرة !
"جابر العابدي"

"الآليس"
بقلمي أنا💕الرَميم💕
🎀لتنسون التعليق بين الفقرات والتصويت🎀
~~~~~~~~~~~~~~~~~~~~~~~~~~~~~
في بيت أبو شاهين...
-محمد:والله يا يمه ناويلي على نييييه بس أدعيلي
-نور:الله يسهل عليكم ثنينكم يمه وأفرح بيكم
-نزلت نرجس من فوگ وسمعت حچي محمد گامت تصيح:أييييي عييييني أبو النيييه إن شاء الله ناوي تزوج علييه
-محمد:أهوووو أنتي مو صعدتي تنطمرين شنزلج
-نرجس:نزلت أسمع وأنتي عيني نور خااااتون عود مسويه نفسج العمة الحبابة وأنتي من جوه لجوه حيييييه
-نور:يااا يمه عيب عليج بگد أمج أني
-نرجس:تخسيييين أنتي وين وأمي ويييين
"محمد گام يفور بعد ما تحمل گام ضرب نرجس راشدي فر وجها فر نرجس أنصدمت لأن هاي أول مره يمد أيده عليها عافتهم و راحت لغرفتها لمت ملابسها وظمت الجنطة بالكنتور"
"ثاني يوم الظهر كاعدين يتغدون ونزلت نرجس هستوهي گاعده من النوم گالبه وجهه وجنطتها بيدها"
-نرجس:محمد وديني لبيت أهلي بعد ما أظل يمك دقيقة وحدة
-محمد:ترديني أعوف الغده والدولمه وأوديييج هه والله بطرانه
-نرجس:ما أظل بعد توديني و ورقة طلاگي لبيت أهلي تجي
-محمد:منو گلج راح تظلين بس أني وياج ندري من أوديج شيصير"كالها وغمز لنرجس يستفزها"
-أم شاهين:يمه صلِ على محمد وكعدي تفاهمي ويه رجلج أني بالنسبه إلي مسامحتج يمه
-أبو شاهين:أي عمو صدك تگول عمتج بعدين تردين تروحين لأهلج زعلانه شگول لأبوج
-نرجس:گله أبني طول عمره ملطلط ومن قرر يصير رجال ضرب مرته
"هنا محمد شمر الخاشوگه من أيده وكمز سحلها من شعرها وصعدها"
-محمد:ملطلط مووو بت الكللللللب أني أعلمممممج إذا ما أربيييج من جديد وهذا اللسان الزفر أكصصصه
-أم شاهين:ولك يمهههههه مووو هيييييج فدوه أروحلك يمههه لا تضربها محممممد
-شاهين:عفييييييه أبني السبببببع بعد أيدي أيدك
-أبو شاهين:گوم لك گوووم أصعد فوگ فاككهم
-شاهين:وأني شكو عم بنيه خال وليَد هو ومرته عادي بأرقى العوائل تصير هاي المشاكل
-أبو شاهين:تگوووووم لو أغضب علييييك ولله متستحي عاشگلي طفله بگد بته المفروض
-شاهين:هااا حجي هااا هاي شعليها هسه دخلتها بالنص أمري لالله صاعد أشوفه گتلها لو أساعده
"صعد شاهين يتمضحك"
-محمد:شوفي ولج قسم بالله أذببببحج أفتهمتي لو لااااا
-شاهين:هاي ليهسه بعدك تهدد أذبحج شنو ما عدك سچييينه
-محمد:شاهين رووح لتوكفلي بالباب
-شاهين:أدلل بس أني حاضر إذا تريد مساعده حرگ حفر گبور بالخدمه أني
-نرجس:الله ياخذك أنت و...
"بعدهي ما كملت ضربها محمد بگفه أيده على حلگها"
-محمد:حلللللللگج صميييييييي بت القندره إلا بالأهانه يالله تمشين هم زين عرفت حقيقتج قبل ليصير عدنه طفل ونظلمه ويانه ويطلع عنده هيج أمج مثلج
-نرجس:ليش متگول يطلع عنده هيج أبو مثلك همجي ويضرب مرته عود أني رجال شوفوني هو أنت لو بيك خير جان صار عدنا جهال بس أنت عقيييم ومو رجاااال
-محمد گز على سنونه بغضب:نرجسسسسس لبسي ونزلي ورايه وصلت حدها ويااااااج
"نزل محمد أمه وأبو حچوا وياه أنو ميرجعها وعيب بس هو قفل"
-محمد:بابا أنت جبتها وگلت لازم واحد ياخذها أني شفتها صغيره گلت هاي أدميه وتتربه ويانه وتاخذ أطباعنه وأدري بشاهين يحب وحده ولو تذبحه مياخذها قبلت بيها بس مو معناتها تظلون تتحكمون بحياتي يعني أني ما أظل عايش عمري كله يله أتحمل وأسكت وعيب أبوها صديق أبوك دنعل أبوها لا أبو..
-أبو شاهين:كمل كمل ليش أستحيت
-محمد:لا يابه حشاك بس والله تعبت وملييييت منها والللللله مليت
-نرجس:أني كملت يله وصلني
-محمد باوعلها بطرف عينه ونتر بيها:أمشيي يله
"طلع محمد يشغل السيارة ونرجس وگفت يم شاهين وباوعتله بنظرة حقد وشاهين مبتسم"
-نرجس:عبالك راح أفوتلكياها هه تخسى إذا ما أخليك تبجي دم
-شاهين فر بيده وضحك يا جبل متهزك ريح:أعلى ما بخيلج رگبي
-نرجس:تذكر كلامي زييين مراح أخليك ترتاح
-شاهين:محمممممممممد تعااااال أخذ مرتك لا أسحلها هسه وحگ حامل الرايه
"نرجس طلعت وهيه مبتسمه لان عرفت شلون تهز الجبل شاهين"
-أحمد:بابا شاهين شبيك وليدي ليش ترجف
-نور:يمه وليدي شبيك خشمك طگ دم
-شاهين:مابيه شيي يمكن ضغطي صعد شويه
-أحمد:لا بويه يا مابيك شي گوم ويايه أوديك للمستشفى گوم
-شاهين:ميحتاج يابه مابيه شي
"مسح الدم مال خشمه وطلع يدخن بالحديقه وخال ثلج على گصته بس النزف ما وگف وهو ما مهتم"
-أحمد:أم شاهين جيبلي موبايلي أخابر صگاره ميروح هذا إذا ميجي علي الدر يسحله
-نور:اي والله راسه يابس
"راحت أم شاهين جابت الموبايل وأنطته لأبو شاهين وأتصل على علي الدر"
-أحمد:سلام عليكم شلونك عمي
-علي الدر:وعليكم السلام يا هلا بعمي بخير الحمد لله أنتو شلونكم
-أحمد:والله يا أبني مو زينين أحنه
-علي الدر گام وگف وأبتعد عن الأنظار لأن جان گاعد بالصاله:خيرك عمي گول خادم أني محتاج شي
-أحمد:أصيل وليدي أي والله محتاجك تجيني للبيت
-علي الدر:أبشر عمي دقايق ويمك
-أحمد:متقصر وليدي بس هذا شاهين صارت مشكله بالبيت وهذا ضغطه صعد وميقبل يروح للمستشفى وأدري بس أنت دواه
-علي الدر:هاهيه أعتبره راح دقايق ويمكم بس أبدل وأجي
-أحمد:رحم الله والديك أبني في أمان الله
-علي الدر:والديك عمي الله وياك
"علي الدر راح بدل على السريع ونزل ديريد يطلع وصاحه علي"
-علي:أوووكف أجيييي وياااك
-علي الدر بدون ميلتفت على علي:ما عندي وقت مستعجل
-علي:تره مبددددل وراااااك
-علي الدر دار وجهه عليه وگله:شبسرعه بدلت وشمدريك وين رايح اني وتريد تجي وياي
-علي:تؤ تؤ تؤ ميصير أعوف أبن عممممي شاهييينو وحده لازم أجييي وياااك
-علي الدر طلع من البيت يدردم وشعدك جاااي لخاطر الله
-علي:هسه شبيييك قابل راح تشيلني على راسك أريد أشوف أبن عمي
"أستسلم علي الدر للأمر الواقع وأخذ علي وأنطلقوا لبيت أبو شاهين"
-علي:دردوري أعلك النشيد الوطني مالتي ‏Please my Brother
-علي الدر:دحجي عدل بالبدايه عابت هل حلگ
-علي: مشه أيده على أيد علي الدر من فوك ليجوه وهو يجر بالحچي:أوووي أخوووويه اللطيف شبييييك حبيبي
-علي الدر:توخر أيدك لا أدفرررك لك بسسسس مره وحده أحچي بجديه شبيييييك براغيك فالته
-علي:لصيييييييييح عليه تره والله أزعل وأخليك تتوسل بيه علمود أصالحك
-علي الدر نفخ بضجر:أستغفر الله بس لتتماوع هييج نفسي تلعب منك
‏-علي:ok بس أعلگ النشيد الوطني مالتي والله يرزقني بأخو أكبر مني حباب يقبل هيج أتماوعله
-علي الدر:لا حول ولا قوة إلا بالله الله يثبت علينه العقل والدين
-علي:أني ثابت الله يثبتك الك
"علگ علي الدر النشيد الوطني مال علي وبدأ علي يردد وياه بعلوا صوته"
علي آية وعلي غاية وعلي راية وعلي ثاية
وعلي حماي الحماية وعلي نور وعلي سور
وعلي همة وعلي ذمة وعلي قمة
علي عالي وعلي غالي وعلي أول علي تالي
علي الليث المجرب علي جتال مرحب
علي بيده المذهب أخو الهادي ووصيه
مثال العبقرية يحماي الحميه
-لكككك ترررروح فدوه لتراااب علييي
"علي الدر دمغه وهو يضحك وعلي مستمر يقره ويهوس"
"وصلوا لبيت شاهين وقبل ليصف علي الدر السياره گمز علي ونزل يركض يدك الباب بكل قوته"
-شاهين:منووووو شنو هداده لك جاااااي
-علي:ولكككك الحگ ولللك علي الدر راااح من أيدي
-شاهين سمع هيج رجله بعد متشيله گام يسحل بروحه سحل وصل للباب:لك شبييييي علي الدر أحجييي
-علي من شاف شكل شاهين فحط من الضحك:لك هاي هيج تحب دردوري أووووي شگد كيوووت
-شاهين ما تحمل دفر علي ونام فوكاه خانگه:لك سااااقط أكوووو واحد هيييج يشاااقه أدفنك هنااا هسه چلب
"علي مستمر يضحك وهو يرفس بيد شاهين نزل علي الدر يركض شلع شاهين بالگوه من علي وعلي ظل يگح ويضحك"
-علي:ااااااااخ يمه راااح أموووووووووت من الضحححححك خرب يووووومك
-شاهين رجع خشمه طك دم طب للبيت وهو يدردم:والله لو ما عزيزة گلبي جان شگيتك شگتين گ***
-علي الدر:شاااهين أمشي وياي للمستشفى
-شاهين:معليك بيييه أخذ أخوك من وجهيي لا أرجع أخرب معالم وجهه
-أجه علي كعد بحضن شاهين ولف أيده على رگبته وباسه بخده وگله:لخاطر عزيزة قلبك وقلبنا هيا بنا نذهب إلى المشفى
-شاهين صفن على علي وحركاته الي ميبطلها:گوم يله أروح وياكم
-علي:yeees عندما يَتدخل علاوي تُحَل البلاوي
-علي الدر:شاهين أخويه لازم أحجره علمود ميتكاثر
-شاهين:بالضببببط هذا اللازم يصير
"گالها وراح بأتجاه علي الي يمشي گدامهم ونافخ روحه شاله وگلبه على ظهره علي گام يضحك بعلوا صوته ضحكته المشتبه بيها"
-علي وهو يقلد صوت بنيه ويتماوع:شاهييينو لتأذيني Pleace I can't أني كيوووت
-شاهين:أسكت ولك فضحتنا طاح حظك أييي واللله لك هسه أحير شگلك گ*** لو گ***
-علي ضحك الضحكة المصريه:لا Baby أني ب****تك
-شاهين وصل للسيارة فتح الجنطه وشمر علي بيها:يله ب****تي ظلي هنا خاف يشوفوج الالناس أني أغار علييييج خخخخخخخ تتتف عليك أي والله
"شاهين حبس علي بالجنطه وراحوا للمستشفى علي الدر كل شويه يسأل علي أنت زين وعلي ميت من الضحك وشاهين ما قبل علي الدر يسوق هو ظل يسوق وكل ميشوف طسه يسرع ويطب بيها وعلي ينضرب راسه حيل ويظل يسب بي ظلوا هيج لحد ما وصلوا للمستشفى بسلامه"
"أول ما وصلوا نزل علي الدر يركض فتح الجنطه وطِلع علي مبتسم"
-علي الدر مسح وجه علي چان عرگان وعدل شعره ونزل بمستوى:أنت زيين عيونك تغوش تباوعني زيين
-شاهين:دعوفه خيولي هذا عار كلشي ميصير بي
-علي:ما راح أنزل لمستواك وأجاوبك عيييع همچي الله يساعد الي راح تاخذها
-شاهين:شلون أجي أسحله هسه وهو چنه طلي صغير
-علي:أصلاً داخل چم دا أربي عضلات
-شاهين:ربي روحك بالأول
-علي:أني متربي بس أنتظرني وره العضلات أربيك
-علي الدر:كاااااافي زعط أنتو شنو سالفتكم أنچبوا أثنينكم ويله ورايه
"علي الدر مشى ليكدام وثنينهم وراه"
"دخلوا للمستشفى فحصوا الضغط مال شاهين لگوا صاعد شكلوله مغذي للسرعة"
-علي بصوت نعي:يااااايمه ياااااايمه الوللللد رااااح ياااااايمه بعده بعده بشبااابه اهء اهء اااااا
-علي الدر ميت ضحك:گوم الطم خويه گوم هذا أبن عمك
-علي:لا خاف عيب منا العالم
-شاهين:مو صوچكم صوچ أبويه الي خابركم ثنين مسربتين
-علي الدر:هاااا اني مسربت ولك
-شاهين:لا أنت ثگيل بس هذا من يظل وياك تصير مسربت مثله
-علي:أفااا أني مسربت ما كان هذا عجبني فيك يا أبن عمي ماكان هذا عجبني فييييك
-شاهين ضحك وكله:تؤبرني أبن عمي
-علي:بأبر عدوينك إن شاء الله تشكل أسي
-علي الدر:ها شاهينو شو أنت هم تسربتت مثله
-شاهين:خويه يمكن هذا أخوك بيه عدوه ياهو الي يگعد يمه يصير مسربت وملطلط
"ضحكوا كلهم خلص المغذي مال شاهين وطلعوا من المستشفى قبل ليوصلون نزل علي الدر يم الأسواق وأشترى لإيلا نمنميات ووصلوا شاهين لبيته وراحوا لبيتهم"
~~~~~~~~~~~~~~~~~~~~~~~~~~~~~
وصلوا علي وعلي الدر للبيت...
"أول ما طبوا تلگتهم إيلا أجت تركض على علي الدر فاتحه أيدها علمود يشيلها"
-إيلا:أخوووووووويه
-علي الدر شالها وشبگها قوي:يا بعد أخووووج
-إيلا:هععه راااح أمووت
-علي الدر گام يضحك:شنو هاي چنج قوطية حلبيب أبو الربع
-إيلا:أخويه المتنمر
-علي:أحممم أحممم تره أني هم أخوكم مو چلب هنا واگفه
-إيلا گامت تضحك وإيدها على حلگها:أوووي راح يزعل علاوي لتضوج تعال أبوسك
-علي مد خده:يله بوسيني 100 بوسه ومن تخربطين تعيدين
-علي الدر:شكو100 بوسه شنو إمام جديد
-علي:معليك أنت تغار من عدنا
-إيلا:صدك جبتولي أكل
-علي الدر:طبعاً شلون لعد
-إيلا:عبالي نسيت لأن ما گتلك من طلعت
-علي:لااااا شلون ينسى مو إيلا تريد لو علي جان نسى عنده أخو أصلاً مو بس ينسى الأكل
-علي الدر:حبيبي مع كامل أحترامي الك بس أنجب
-حيدر:هااا ولكم وين چنتوا طلعتوا هيج ركض خو ماكو شي
-علي الدر:ها بويه لا ماكو شي بس صايره مشكلة بيت عمي أحمد بين محمد ومرته والظاهر مرت محمد مسمعه شاهين حچي وهذا الضغط مالته معلك رحنه ودينا للمستشفى شكلوله مغذي صار أحسن شويه ورجعنا للبيت
-أبو شاهين:خو الحمد لله عاشت أيدك وليدي الله يحفظك
-علي:ترا أني هم رحت ليش محسسيني بس علي الدر أبنكم وأني لاگيني بالجامع
-إيلا:تؤ تؤ تؤ أني هم بتهم بس أنت مو أبنهم عيييع
-علي:مو أگوملج لولي الفطيسه خليني ساكت إلا أكلج أبوج يريد يزوجج يكول صايره هوايه تاكل
-إيلا غرغرن عيونه بالدموع:صدك بابا راح تزوجني
-علي:أييي ويزوجج واحد چبير عمره 50 سنه وكله بالحزام يتعامل وياج دك گتل 3 مرات باليوم وره كل وجبة أكل علمود تنهضم بسرعه
-إيلا نزلن دموعها ظلت تمسح بعيونها وتشنهگ:مااااااا مااا ما أزووووج والللللله أنتحر أگتل رووووحي وما أزووج
-علي:عااااااااا أبجي مثل الجهال أبچي
-حيدر:لك مصخم لييييش تبچيها طاح حظك أيي والله تعاي بابا تعاي حبيبتي معليج بي هذا يغار منج
-إيلا:يعني متزوجني
-حيدر:لا حبيبتي ما أزوجج أنتي بنيتي وحبيبة گلبي وينج وين الزواج
-علي:أيييي خليها طرشي على گلبنه
-إيلا:رووووح ولي ما أحبك أنت Snake
-علي:نننننننن خلي أروح أقره أحسن
-حيدر:تعال صخام علي الدر وين
-علي:شمدريني مو على أساس مو أبنكم أني خلي تفيدكم هاي الفطيسه أني طالب سادس مشغول
-أبو علي الدر:لا بارك الله بيك گومي بابا شوفي أخوج وين إذا كاعد كليله خلي يجي عندي موضوع وياه
-راحت إيلا لعلي الدر:أخويه راح تنام
-علي الدر: أي والله تعبت گعديني بـ11 لان عندي شغل لازم أطلع
-إيلا:تمام هسه أكول لماما خاف أنسى أني
-علي الدر:تعاي أنطيني بوسه قبل لا أنام
-إيلا مدت خده:بوس
-علي الدر باسها وگال:احححححححح
-إيلا:يله نام ليجي علي يزعجك
-علي الدر:ليسمعج بعد شيخلصج من لسانه
-إيلا:عيييع Snake هذا خيولي يله نااام أنت راح تروح النوم Sweet Dreams
-علي الدر:رحم الله والديج بعد بيتي
"توه علي الدر دينام وخابره صديقه الروح بالروح"
-علي الدر:هاا ولك شلنفص شلونك
-علي رضا:يمه بعد روووحي أحس نقص عندي الـ O2
-علي الدر:شهل تمضيگ خوب گول أوكسجين وفضها
-علي رضا:بأمرك أني مولاي تاج راسي
-علي الدر:مولاك الحسين بعد روحي بس أختصر شتريد
-علي رضا:سلامتك حبيبي الغالي بس حبيت أذكرك ب11أني يمك تحظر
-علي الدر:هوووب منو..
-علي رضا:يله باي
"سد علي رضا الخط بوجه علي الدر وخله علي الدر ينام محتار بي وشلون يخلص منها"
~~~~~~~~~~~~~~~~~~~~~~~~~~~~~
في المصح العقلي...
-آليس:فتحت باب البيت وجان أشوف منظر بعمري ما أنساه من شدة الرعب والأجرام الي بي مريم خطيبتي الي عمري كله أنتظرها وحاربت علمودها وهي حاربت حتى أهلها لان جان أبوها رافض أنو بته تزوج واحد مينعرف أصله من فصله وأحد أبن حرام أمه عدها أهم شي بالدنيا تعاست أبنها وتفرح على حزنه مريم أول شخص أشوفه بحياتي ويبتسملي جانت تضحك للهوه جنت من أكلها ما عندي أهل تگلي أني أصير أهلك ونكون عائله على گدنا چان حلمها نزوج ونجيب 2 جهال ونعيش حياتنه سعيدين حتى هاي أستكثروها علينا لج مررييم عمررررها ما أذت نمله شلوووون هيج يسووووون بيها شلووووووووووون وأمييييييي أمي كاعده تباااااوع عليهم يعني جاااانت موجوده ومن أگلها منوووو سوه هيج تگلي ما أدري ما شفتتتت أخخخخخخ يا اللله شمسويه بحياتها وهيج عاقبتها والله متستاهل لج جنت بقمة القذارة والأنحطاط مگضيها بالملاهي وشرب ومخدرات أيدي ترستها وشوم علمود أخفي أثر الأبر أجت دخلت حياتي مثل النقطه البيضة ونظفت حياتي كلها خلتني أتعالج من المخدرات گلتلي أني حبيتك بس لازم أنت هم تحب نفسك وعفت الشرب لان خُفت مره وأني سكران أأَذيها
"هنا آليس أنهار بعد وظل يبجي وكأن رجع لنقطة الصفر"
-ناز مسحت دموعها وگلتله:آليس أسكت كافي ما أريد أعرف شنو شفت كافي حباب لتبجي بعد
-آليس تمدد ولم روحه بوضعية الجنين:ناز طللعي وعوفيني
-ناز:بس لتبجي حباب
-آليس:معلللللليج ما أبجييييي أني
-ناز ضاجت وضربته على حلگه:لصيح عليه زمال مو صوچك صوچي أني أحچي ويه خبل
-آليس ظل مصدوم من الكفخه:هاي شسويتي بت الزمال
-ناز:علمود مصيح عليه بعد يله باي و تف عليك
-آليس:والله حقه أبوج خلاج بالمصح
-ناز:نننننن سخيف
-آليس:ولييييي
"طلعت ناز ورجع آليس لوضعية الجنين وطلع الحلقة مال مريم الي مسويها گلاده ولابسها ظل يبوسها ويحچي وياها ويبچي"
-آليس:مرررريم روووحي راحت بدونج كسرتي ظهري من عفتيني ليييش رحتي مو متفقين نزوج و نعيش سوه ليش رحتي ليييييييش أنتي مو تگولين أني أحبك و أني أصير أهلك رجعتي يتمتيني مرة ثاااانيه
"كام وگف وظل يفتر بالغرفه ويضرب على گلبه ويناجي رب العالمين بالدعاء الي حفظه من مريم
"أَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ "وظل يردد بهذا الدعاء إلى أن هدأ شويه وگعد يخطط أنو لازم يطلع منا بعد
-آليس:ناااااز صخماااان تعااي
-ناز:وجع شبيك مگروص
-آليس:أنتِ أبوج أنطاج بس خبز ما أنطاج تربيه
-ناز:لا هاي تربية أبويه حشاك
-آليس:الله يطح حظه يله تعاي عندي خطه
-ناز:حيييل شكد قديم ليهسه ما مسوي خطه
-آليس: ليش أنتي عندج
-ناز:yes of cours
-آليس:يله نورينا بأفكارج الجهنميه عيني ست ناز
-ناز:No ما أگلك شنو الخطة مالتي
-آليس:چا أنچبي و ولي
-ناز:هذا من سوء أخلاقك أما بالنسبة للخطة أني عگب باجر أنفذ خطي أنت الگه لروحك خطة ونفذها ويا ريت نفس الوقت لان وره ما أشرد أكيد راح يشددون الحراسه علينا فلذلك لو تلگه خطة خلال ليلة وضحاها لو تستسلم وتنفذ خطتي لو تنچب وتبقى هنا
-آليس:خرب يوم ذيج الساعة الصرتي بيها أمشي ولي من گدامي
~~~~~~~~~~~~~~~~~~~~~~~~~~~~~
في مكان ما...
"ساعة 12:00 بعد منتصف الليل"
-السفاح:ذيييب ليش تعاندني مية مره گتلك لتجي ويايه وتورط روحك
-ذيب:ما جاي وياك أني هنا أوكف خاف يلزموك على الاقل أساعدك لان إذا أنلزمت تروح بيها
-السفاح:فدوه لتراب عباس
-ذيب:لك لييييييش تخليين أصييييييح أني شنووووو مو صديقك أني مو گاييللللك أنت رووووووحي من الدنيا خرا بيك
-السفاح:شششششش صوتك راح أطيح حظك
-ذيب:سفاحي حبيبي تعال أبوسك
-السفاح:بس تدنه أرفسك
-ذيب:طبعاً ترفسني غير عباس ماخذ عقلك وگلبك
-السفاح:خرب شرفك مو صوچك والله صوچي جبت واحد مثلك وياي أسكت خلي أفتهم شدا أسوي لا أخيلك تروح لعباس والله
-ذيب:سكتت يابه شوف شلون نط عنده عرگ الساده عابت شكد أحبك
-السفاح:أستغفر الله باوع أنت أنتظرني يم ... أكمل و أجيك
-ذيب:رجلي على رجلك
-السفاح خلص صبره لزم ذيب من ياخته سحله:ذيب تروح من وجهي لا قسم بالله بعد لا أعرفك ولا تعرفني وليييي
-ذيب:تمووووون يابه مقبوله منك راح أنتظرك هناك دير بالك على روحك
"ذيب راح للمكان الي گله عليه السفاح"
"السفاح أخذ القناص مالته ودخل بناية عالية وصعد للسطح ثبت السلاح وگعد ينتظرهم يطلعون"
"طبعاً هذوله مجموعة مجرمين بس محد يگدر يلزمهم لان سجلاتهم نظيفة و واسطتهم قويه كل فتره يسون أجتماع ويروح السفاح يصفي واحد منهم وياخذ بثار عباس"
"السفاح بدأ يقره وحده من القصايد الي يحسهن يوصفن شعوره بصوت نعي حزين"
ظلت بس صورهم ** مانعرف خبرهم
راحو من إيدينه ** شـگد بچينه ** ومايرجعون
والعشنه بهواهم ** أذونه بجفهم ** ومايرجعون
بالعيون * بس المدامع والحلم سراب
بالعيون * ندفنهم أتمنينه يـالتراب
بالعيون * يالناعي أنعه وأعلگ شمعة المصاب
بالعيون * ذكرى ومصيبة وزفة للشباب
نگعد يم گبرهم * نتنفس عطرهم
أحباب النودهم * شوفه منهم * تسوه العيون
-اااااااخ يا حزام ظهري
"بقى السفاح ينتظر للـ2 ياله طلعوا من الجحر مالتهم وكفوا ديتوادعون وقبل ليركب سيارته الشخص المطلوب گال السفاح كلمته الشهيرة (سوي بيباي للحياة) وضربه بگصته عدل ولم غراضة ونزل"
-ذيب:ها بشر شنو صار
-السفاح:ودع الحياة
-ذيب:إلى رحمة الله خوش گو.. چان
-السفاح:وداعتك إذا ما أصفيهم كلهم متبرد نار عباس بگلبي
-ذيب:بوووويه السفاح أنت منو گدك لك عييني دنطيني بوسه أم الطگه
-السفاح:دمشي لكك خلي ألحك أرجع
~~~~~~~~~~~~~~~~~~~~~~~~~~~~~
جميلاتي الجميلات💗✨

شنو رأيكم بالبارت😌وشنو توقعاتكم للبارتات الجايه😎

حسابي الأنستا:al_remim

أقتباسة اليوم✨ميعدل الـ Mood إلا الـ Food✨