الآليس

Part5

لو مال قلبي عن هواكِ نَزعتُهُ
وَ شَرَيتُ قَلباً فِي هَواكَ يَذوبُ
آياتُ حُبِّكَ في فؤادي أُحكِمَتْ
مَنْ قالَ أنّي عَن هواكَ اتوبُ؟
"بلال الحسن"

"الآليس"
بقلمي أنا💕الرَميم💕
🎀لتنسون التعليق بين الفقرات والتصويت🎀
~~~~~~~~~~~~~~~~~~~~~~~~~~~~~~
في الساعة 10 صباحاً...
-مريم:علييي الدرررر ماما يله أگعد راح يصير الظهر
-علي الدر جاوب وهو ينزل الدرج:گاعد أني يمه
-مريم:يااا متنزل لعد نزول عليك
-أبتسم علي الدربس چان وجهه شاحب وعيونه حمر:صباح الخير
-مريم أنخمش گلبها من شافت علي الدر هيج:يمه أسم الله شبيك ليش هيج وجهك أصفر وعيونك حمر ما نايم البارحه
-علي الدر لزم أيد أمه الي چانت على خده وباس باطنها:مابيه شي بس شويه تعبان البارحه ما نمت
-مريم رفعت حاجبها وأبتسمت:هلا هلا السيد صاير يسهر وهاي وين چنت سهران عيني
-علي الدر:چان عندي شغل بعدين رحت للگهوه ويه علي رضا رجعنا متأخرين رحت بوجهي للجامع لگيت حجي قاسم هو وعكازته دينظف أخذت من أيده وكملت تنظيف وأبو زهراء ما گدر يجي صعدت مكانه أذنت وصليت ما أجاني نوم ظليت گاعد بالجامع طلعت الشمس ركبت سيارتي ورحت لعباسي ما صار هوايه من راجع
-أم علي الدر:أوووي سوده عليه وليدي ظال تفرفر ما نايم الله يرحمه لعباس خوش وليد چان
-علي الدر:أي يمه بس هسه عوفيني والله مابيه حيل أظل واگف روحي دتطلع ميت تعب
-أم علي الدر:تؤ تؤ تؤ ما أعوفك روح گعد أختك وگللها تروح تگعد علي هذاك لو يوكع هاون يمه ميحس وبالنسبه لصاحبك الله يرحمه لو يشوفك هيج مع أحترامي الك وليدي يتفل عليك
-علي الدر:رحم الله والديچ صدك أبويه موجود لولا
-أم علي الدر:لا طلع گال عندي شغله
-علي الدر وهو يشغل جگارته:هممم
-أم علي الدر:يمممممه من الصببببح تش*
-علي الدر ما خلاها تكمل:أي من الصبح أشرب سم 
"توجه لغرفة إيلا وهو يردد بيت شعر"
أعز من روحي أحـِسـكْ وانته أعز منـٌي
ياحسبة عمر .. خاويتها إمن إصبــاي
بـِطلـَتْ صـَفنتي .. وما بَطـلـتْ مني
أحــِس گــَلبي الفـِضـِي .. متعوب حد الويل
وأدعيـله الصَبُر .. عن لا يفشلني
جَسيت الليالي أبمرود الحلوات
وسنين العمر بالشيب جسنــي
أضحك للبچوا .. حد شرهة المنكـَود
وأبچي أبكل مزنتي .. الطور المغني
لاغرني المدح .. بشفاف المحبين
ولاهـمني الشماته أشما حجوا عني
يلتمن علــيه .. أمشتتات البال
وأنفضهن نفض وأنهض ولا چنــي
-علي الدر چر حسره ودگ باب غرفة إيلا:لولييي
-إيلا بنعاس:هممم
-علي الدر:راح أطب
-إيلا:أممم
-دخل علي الدر للغرفة وراح گعد بلگاع ساند ظهره على الحايط ويزم أيد إيلا يبوسها:يله حبيبتي يله گومي ماما تگول خلي إيلا تگعد علي
-إيلا بس سمعت هيج گمزت من الفراش:صدددك والله نايم علي بعده
-علي الدر نز من گمزت إيلا ضحك وگلها:أسم الله أيي والله نايم بس على كيفچ خرعتيني
-إيلا باست علي الدر وراحت تركض تغسل:هلا بيها هلا اليوم أجمل يوم بحياتي
-نزلت إيلا تركض للمطبخ:صبااااح الخييير
-أم علي الدر:هلا بسورها ونورها هلا بوردة البيت گعدتي علي
-إيلا:Noo هسه أروح أگعده بطريقة مميزة جداً
"راحت طلعت دولكه وترستها مي وثلج وخاطتها إلى أن ذاب الثلج والي صار مجرش أخذت الدولكه وصعدت بهدوء فتحت الباب وشافت علي نايم على ظهره وفاتح أيده ورجله أجت وبكل قوتها ذبت المي عليه فز فزه لم يفزها الفازون من قبل"
-شهك علي يحاول يجر النفس:لا يا جلبة يا حيوانه لج مطييييي أنتي مشوفيني نااايم مطمووور لو ميييت
-إيلا:نننننن يله گوم ماما تريدك
-علي بغضب:إيلا شردي
-إيلا بخوف:هاا
-علي گمز عليها يريد يلزمها وهي فلتت باللحظة الأخيرة ونزلت تركض وتصيح:الحگونيييييييييي
-علي الدر لزم إيلا الي جانت ترجف وتلهث:شبيج أبويه أنتي گعدي أشوفج گلبج راح يطلع من مكانه 
-علي:وينهاااا هاي الحيوااااانه علي الدر عوووفها بس خلي أب** بحلگها
-إيلا:أييييييع
-علي:وجعيييع ضايگتها أنتي وتگولين أييع حيوااانه
-علي الدر صاح بعلي:علللليييي أحچي عدلل ولصييح
-علي أستغرب من رد فعل علي الدر ما متعود عليه هيج يصيح:شوف شسوت بيه نايم وذبت عليه مي
-علي الدر:أي مي مو تيزاب روح بدل وتعال
-علي:لااا والله عود حلها هو الچبير والله يا الله لو ميت لو صايره بيه سكتة قلبية
-علي الدر أخذ نفس عميق بنفاذ صبر:تعال أفحص سكرك
-علي:ما أريد
-إيلا طلعت من ظهر علي الدر:لا تعال أسفه بعد ما أعيدها والله لتزعل
-علي الدر عافهم وراح يم الشباك يدخن:يله أصالحوا وروحي جيبي جهاز السكر مالته خلي أقيسه
"راحت إيلا باست علي وشبگته وهو هم باسها وعضها من خدها"
-صاحت إيلا:آييييي خدودي راحن طاح حظك
-علي:علمود متعيديها بعد والجهاز مالت السكر فوگ بالمجر الي يم راسي وجيبي موبايلي وبدي خلي أبدل
-إيلا:Ok
-علي:My millennium animal
-إيلا:My beautiful donkey
-علي راح يم علي الدر ولزمه من چتفه:رحت للوادي
-علي الدر:شمدريك
-علي:مبين من وجهك
-علي الدر:أي رحت
-علي:تره الولد مات خلص منك أنت ليش هيج مسوي بروحك
-علي الدر:{وَلَا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ}
-علي:يابه آمنا بالله بس مو تموت روحك وراه
-علي الدر:ليش شفتني راح أنتحر
-علي:لو بيدك متقصر
-علي الدر:على المنظر الشفته والشعور الحاس بي وحگ داحي الباب اله أكتل روحي وراه
-علي جر حسرة بقهر:الله يساعدك بس شتسوي هذا قدره(قدر لو طاوه هاهاها)
-علي:شگد سخيف
-إيلا:أجيييت يله خلي أنچكه
-علي:أييي خو أنتي فرحااانه على عمى أهلج جيبي خلي أبدل
-إيلا:لاا والله گلبي يگوم يوجعني من أشوف دمك
-علي:أوووي عوود هي كيووووت
-علي الدر فحص السكر مال علي وطلع 185:وليدي سكرك صاعد أبلع دواك بين ميصير الريوگ وناكل عود
-علي:خوش هسه أبلع دوايه وأروح أسلم على عمي حسين
"حيدر طب للبيت وبالصدفة سمع علي"
-حيدر:السلام عليكم
-الكل:وعليكم السلام
-إيلا راحت تركض لأبوها وشبگته:بابي حبيبي خلي أروح ويه علي بيت عمو حسين أشوف شمس
-أبو علي الدر:لا باباتي هسه العصر يجون عمامج يمنا علمود نحل المشكلة الي صارت بيت أبو شاهين
-علي گمز يم أبو:گوووول والله يعني راح أزوجوني
-أبو علي الدر:تؤ منزوج زعط
-علي:مااا واللللله شنو زعط تره الي بگدي هسه مزوجين وعدهم درزن جهال
-أبو علي الدر:هذوله زلم بابا موأنت
-علي:أفااا عليك چا شبيه أنه
"أبتسم حيدر نقطة ضعفة من جهاله يحجون باللهجة الجنوبية"
-أبو علي الدر:وليدي بس أنطيني مجال والبي خير الله يقدمه لتستعجل على رزقك
-علي:هاهيه حجي حچيك كلام
"ضحكوا كلهم"
-إيلا:علي الدر
-علي الدر:عيونه
-إيلا:مو على أساس نروح لكربله ونبات هناك والسبت نرجع شنو هذا عمو شاهين يجذب علينا كلشي ما سوه وباچر دوام
-علي الدر:بويه ما شفتي شصار من معارك طاحنه واليوم يجون يمنا بلكي تفُض هل سالفة هاي
-إيلا:هفففف كله صوچ هذا الأبو بريص فقار الله ياخذه
-أبو علي الدر:عييب بابا هيچ تحچين أبن عمج هذا
-إيلا تجمعت الدموع بعينها وبرطمت:ما أحبه يأذيني هوايه
-علي الدر گمز يمها لزم وجها بين أيده ومسح دموعها بأبهامه:شششش لتبچين يروحي لتبچين أني أطيحلچ حظه بس شنو سوالچ سولفيلي
-إيلا جاوبته وهي تشنهگ وحلگها يرجف:يگرصنيييي قويييي ويصير مكانها أزرررگ
"گامت تبچي بصوت عالي"
-علي:لا يا ساقط أني أعلمه
-علي الدر بين عليه ملامح الغضب وأيده بلشت ترجف:و ويين وين گرصچ راويني
-إيلا أشرت على خصرها:هنا و بأيدي هم
"رفعت ردن البدي مالتها وراوته أثر الگرصه الي صاير أزرررك و مكان أظافيره مجلوخ اللحم"
"علي الدر شاف أيدها عيونه صارت بگصته أبتعد من يمها وگعد على القنفه أيده على راسه ويهز برجله يحاول يهدأ نفسه"
-علي صفك أيد بأيد بغضب:لا يا نذل يابه وحق الحق إذا ما أشرررررب من دمه هل حيوااااان هذاااا والله إذا ما أتووووبه وأخلي من يشوفج يرجف ما أتسمه علي
-علي الدر:علييي صووتك
-علي ثنه ركبته وگعد مقابيل علي الدر ولزم أيده الي چان خالها على راسه:رااااح تسكت يعني مراح توكفه عد حده
-علي الدر:ليش شگالولك عليه مگرن وأسكتله
-حيدر:بويه صلوا على محمد مايصير هيج ماتنحل الأمور بالعصبية والصياح
-علي الدر:بويه شنو تايهتله وهيج يسوي ماكو وراها زلم وحگ داحي الباب أكسر ظهر وظهر الي يطلع وراه
-حيدر:علي الدر بويه هاي عود أنت الچبير بعدين شني قابل بس أنتو زلم بظهرها چا أنه مو بعينكم ولكم
-علي الدر:بويه أنت على عيني وراسي بس بهاي لتدخل رحمه لأهلك
-حيدر:بويه لتنسى يظل أبن عمك ومن لحمك ودمك
-علي الدر:بويه أبن عمي على راسي بس مال يمد أيده على أختي لا هنا أشگ حلگه وهوووو يعرف كلش زين شنو هي بالنسبه النا
-إيلا:لاا حبابين لتتعاركون علمودي
-علي:هااا يعني نشدهن ونگعد نشوف أستاذ ذو الفقار يأذيج موو هل مره گرصج شافچ ما حچيتي  ساكته مثل المطي يگوم يتماده وياج وبعدين تعال يا عمي شيلني موووو هيج تردين عاااجبج الوضع
-علي الدر:لك عللللللي أسكككت كااافي تصيح راح أطيح حظك إيلا بنيتي روحي لغرفتج يله بدون بچي
-مريم كلعادة من تصير مشكلة متدخل بس تحاول تهدأ الوضع شويه:إيلا ماما تعالي ويايه
"أخذت إيلا وياها للغرفة غسلت وجها وطلعتلها كتبها هدأتها وخلتها تكمل دراستها وطلعت"
-مريم:ماما علي الدر لخاطري لتكبر المشكلة عيب من عمامك يمه والله الناس تاكل وجهنه أبوك أخوهم الچبير عيب يصير زعل بيناتهم
-علي الدر:يمه أنتي ظلي عيب وعيب خلي هل زعطوط هذا ملعبنا على أصابيعه بعدين منو گلج راح اصير مشكلة وزعل
-أم علي الدر: يااا شلون لعد ميزعل مبين من وجوهكم أنت وهذاك المشراني ما ناوين على خير
-علي:ومحمد بس المحه اله أخلي دمه بطوله
-علي الدر:لتحلف
-علي:لييييش يا أخي راح يموتنييييييي بروووودك
-علي الدر باوع لعلي بطرف عينه خازره:حلگك إذا متسده راح أكوم أدوس بمصارينك وأراويك برودي شيسوي
"گعد علي وهو متنرفز ويهز برجله راحت مريم جابت مي أنطته لعلي وغسلتله وجهه بالگوه علمود يهدأ"
-علي الدر أخذ موبايله خابر وهو فاتح المايك:الوو
-علي رضا:يمه بعد روحي هاي ال الو جعل محد غيرك يگولها
-علي الدر أبتسم وكمل كلامه:أسمعني زين ملطلط
-علي رضا:بخدمتك الملطلط شعندك گول
-علي الدر:أبن عمي ذو الفقار أريده
-علي رضا:شنو مركز المفقودين يا خويه وين مضيعه بالحضرة
-علي الدر ضحك وگله:خرب شرفك أبن الكلب أفتح عقلك راح أدزلك رقمه هسه وطلع الموقع ماالته وروح سحله وخلي يمك وخابرني گول جبته وهاهيه أفتهممممت يعني أعلللمك بشغلللك وين صايره هااي
-مريم گامت تلطم:يمه صخام الصخمني أبني راح يرووح من أيدي أبني راح يصير مجرم ويگتل أبن عمه
-علي الدر:يمه بسم الله بعدني ما لازمه وگمتي أدگين وتلطمين شنو السالفه
-علي رضا:هاي مريومه يمك
-علي الدر:أنت ليش متاكل خرا شنو هازه كاروكك أبن الزمال
-علي رضا:الله عليك بوسلياها وگللها رضا يگول فدوه أروح لخلفتج الچبير
-علي الدر:الله يطيح حظك
-مريم:يمه فدوه خالاتي سلملي على أمك
-رضا:يماااااا بعد روووووووحي
-علي الدر:ديله ولي كافي أنطيتك مجال
-علي رضا:تغااااار موو على عناادك أحب أمك أكثر منك لأن بت ولايتي
-علي الدر:أستغفر الله يا اللله
-علي:سلملي على هذا العار صاحبك
-علي الدر:هو نفس التلطلط أنت وياه وأنت الثاني يله ولي سوي مثل ما گتلك وهااا عود ما أوصيك گول لأبوك علمود أطيح حظك
علي رضا:لااا
"علي الدر سد الأتصال بوجه قبل ليكمل حچيه"
-علي الدر:هاهيه يابه أعتبروا فقار صار عِبره
-علي:عندي ثقه بيك راح أخليك تحلها أنت
-علي الدر:حبيبي تريد أدزلكياها بصمة لو كتابة
-علي :لا أحب أسمعها face to face
"أثناء ما ديتلاسنون علي وعلي الدر رن مبايل علي"
-علي:لكككك هلاااا الجنة وعطرها
-علي الدر:منووو
-علي:تاج راسك
-علي الدر عقد حواجبه بأستغراب وتسائل:ما أفتهمت
-علي فتح الخط بحماس:سلااااااااااااام بيبي شلووووووونج
-الجده:هلا يبعد روحي هلا يلغالي شلونك حبيبي
-علي:يمه گلبببي هسه صرت زييين شوكت ترجعين بيبي ما شبعتي زيارة
-الجده:ياا بيبي هو أبو محمد ينشبع مننه
-الجد:هااا ولك بريعصي
-علي:ها جدووو عوود أندعيييلي أزووج ولو الله ميستجاب دعائك
-الجد:ليش ولك عاار أنه أعلمك بس خنرجع إلا العب العوجيه على ظهرك ولي أنت أنطيني أخوك
-علي الدر جر الموبايل من أيد علي:هااا جدووو شلوووونك
-الجد:هلا بالعافيه وأهلها هلا بالزلمه أبن الزلمه أنه بخير أنت شلونك شخبارك أبوك شلونه عمامك ولدهم كلكم بخير
-علي الدر:بخير جدي بخير ليظل بالك وهذا أبنك هم يمي باوع شلون وجهه متَفح عبالك مرتااااح على غيابك صاير هو الشيخ
-حيدر:هاا هاي عود أنت الچبير التفتهم والله يا الله جيب الموبايل جيب خلي أشوف أهلي وأنتو ولوا يله كملوا شغلكم
-علي راح يم علي الدر ولزم أيده ويباوع بعيونه:دردوري
-علي الدر:راح أزوع عليك
-علي شمر أيد علي الدر:عيييع لعبت روحي بس باوعني خليك زلمه وأخو خيته
-علي الدر:صار هوايه ما جارك بزيج شنو رأيك بواحد ثلاثي الأبعاد
-علي يحجي وهو خربان ضحك:الله عليك بس على السريع أروح أشوف شمس وأرجع حباب
-علي الدر:وين تلگاها هسه
-علي:معليك بس خلي أروح خوش أنت غطي عليه
-علي الدر:أنت منو أصلاً ما شايفك أني ولا أعرفك
-علي:أهووو مو صوجك أروح لأمي أحسن يماااااااااااااا
-مريم:وعله شبيك
-علي:بله أكو أم حنونه تگول هيج لأبنها
-مريم:فضها شتريد عندي شغل ما فارغتلك
-علي:شنو عندج نقص بالبيت
-مريم دارت وجها تباوع لعلي بشك:شعجب
-علي لزم خدود أمه جرهن وباس أيده:ليش چم مريومه عندي
-مريم:دولي ولي هسه دا أسوي قائمة علمود تروح تجيبها
-علي:لااا يمه مو هيج باعي أني قصدي ما معوزه ملح شكر چاااي هذني خفايف مال واحد يطلبهن
-مريم:يااا وأني شوكت طالبه من الجوارين يمه عيب
-علي:يمه راح أروح أجيبلج شويه شكر من رنوش وأجي خوووش
"گالها وطلع يركض علمود متسأله أكثر"
-وگف بنص الشارع وطلع موبايله خابر على قمر:بت خامي
-قمر:خامي شنو شبيك علي متعاطي شي بعدين شعدك تخابرني متستحي أهلك ما ربوك أدبسز
-علي:شبيج يولي لسانج گام يرمي بعدين هاي"خامي"معناها خالتي وعمي ذبيتهن بالخلاط طلعت هاي الكلمة
-قمر:عيييع شگد مستفز مدري أختي شحبت بيك
-علي:تاج راسج لج ومحمد أگول لعلي الدر أخلي يرزلج رزاله مال مثقفين
-قمر:لا أنجب لتگله يزعل مني وأنت أحچي شتريد
-علي:هممم تخاف يزعل دردوري المهم باعي راح أجيكم خلي شمسي تفتح الباب
-قمر:لاااا والله بعدددد شترررريد عيييني شنو شايفني مگرنه وتحچي هيج ويااااااي حيوان
-علي:خرب ولج بت الحلوة أذاني باعي تخليها تفتح الباب لا وعلي أجي أفتح راسج بتوثيه وها باعي أنطيج 25 يله
-قمر:سويهن 50 وأخليها تبوسك
-علي:صدك واااالله
-قمر:الله يطيح حظك باوع قسم بالله بس أشوفك لازمها أفضحك فضيحه لا صايره ولا دايره
-علي:هاهيه متفقين يله وصلت خلي تفتح الباب بسرعه أنشويت
-شمس بعد ما چانت بس تستمع دخلت على الخط بسرعه جاوبته:أجييييت
-علي:يا بعد حيلي صوتج يرحولج فدوه ذولاك الناس
"گالها وسد الخط بوجهه قمر قبل لتحجي عدل نفسه ودگ الجرس مال البيت وبأيده الثانيه يدگ الباب"
-شمس نزلت تركض:أني أفتتتح
-رنا:على كيفج يمه لتوگعين
-شمس ركضت هي وعبايتها چنها خفاش وفتحت الباب و وگفت وراها:تعال طب
-علي:يمه شموستي شلووونك يحلو
-شمس صارت طماطه ومنزله عيونها وتحچي بخجل:زينه
-علي:يمه بعد هَلي هاي الزينه
-رنا تصيح من المطبخ:شممممس منووو طلع
"علي دز بوسه بالهوه لشمس وطب للمطبخ بهدوء وباس رنا بوسه خاطفة خرعها"
-رنا:يمه بسم الله خرعتني خرب يومك شجابك ولك تعال أنطيني بعد بوسه
-علي مد خده علمود تبوسه:رجلي جابتي والله هاج بووسي يله
-رنا:شلوونك ولك
-علي:الحمد لله أنتي شلونج خو ما مضوجج حسوني
-رنا ضحكت:لا ويين أكو منه بس أنت أطلع منها لتحط عينك
-علي:هاا مو صوچچ والله صوچي أني دا أدافعلج
"علي واكف يم خالته منتچي على الكاونتر وعينه على شمس"
-علي:أحم أگول خاله أمي دزتني تريد شكر أنطوني شمس
-رنا ضربته على ظهره وضحكت:متجوز من سوالفك أدبسز ولي ما عدنا شكر روح جيب من الأسواق
"بين ما دتحچي رنا ودخل حسين"
-حسين:السلام عليييكم هايي شنوو علاوي يمنا اليوووم خيرك
-علي:وعليكم السلام والله عمي أجيت أخذ شكر ومرتك تطردني تقبلها بله
-حسين:وولك مرتي أصيله متطلع منها العايبه وإذا طاردتك معناها مسويلك مكسوره
-رنا:أيي والله لو تدري شنو گال
-علي:يبوو عليكم شگد نحسين أيييع أرجع للبيت أحسلي
-رنا:متريد شكر
-علي:أصلي لو تقليد
-رنا:ولي لك أدسز
"طلع علي وهو يضحك بالحديقة چانت شمس دترش الزرعات ولازمه العبايه من جوه حنچها بحيث طالعات خدوده و ويه الحر صايرات حمر والشمس تضرب على عيونها"
-علي وگف يم شمس وگلها:شمسي ليش هلگد حلوه
-شمس أرتبكت جاوبته والرجفه مبينه بصوتها:اااما أدري
-علي:زين ليش أحبچ
-شمس:هاا
-علي ضحك على فهاوتها:أشتعل شيب الخلفج بويه كون أكضهن
-شمس:شننه
-علي:بعدين تعرفين شمسيي I Love you
-شمس تحمست وجاوبته بتسرع:I Love you too
-علي صاح بعو صوته:بوووووويه أندهررررنا
-شمس:اش اش والله بالخطأ
-حسين طلع على الصوت:لك مصخم بعدك هنااا جيبولي الحزام الظاهر حويدر مدللك زايد ومطلع عيونك
-علي دز بوسات لشمس بالهوه وراح يركض لبيتهم طاير من الفرح يمشي ويردد:شموسه بس گولي بلي بيج خير وادللي شموسه بس گولي نعم بيج خير وأكلي لحم
"قريب يوصل علي للبيت شاف شخص غريب على المنطقة وديتقدم عليه ملامحه غريبة كأنما يعرفه بس ميعرفه"
-علي:يا ستار چن هذا الوحش جاي عليه
-الغريب:سلام عليكم
-علي:وعليكم السلام تفضل
-الغريب:وين المختار مال منطقه
-علي خله أيده على چتف الولد والأيد الثانيه يأشر بيها:هااا المختار شووووف حبيبي هذااك الباب الأسود وأبيض
-الغريب تنرفز من حركت علي وصوته:أييي أسمعك ليش تصيح
-علي:الييييي بصفه باااااب بيجي
-جاوب الغريب بغضب:أييييييي
-علي:أييييي أنت علمن أدور
-الغريب لزم علي خنگه ويحچي من بين أسنانه:تضحك عليييه أنت حيوان
-علي دفع الولد:شبيك يول أتمازح وياك
-الغريب:منووووو گلك تتمااااازح
-على صوت الصياح طلع علي الدر:خير يا ستار شنو صاير
-الغريب:أنت لتدخل أني وهذا المطي دنسولف
-هجم علي عليه وأنطاه بوكس فر وجهه بي:زمااااال أنت المطططي أنعل أبوك لأبو الخلفك
-أجه علي الدر فاككهم لان صار مضارب:علي كااافي بويه أمشي طب جوه خلي يقيسون سكرك بين ما أشوف الولد شيريد
"علي چان واكف وخازر الولد من علي الدر گله طب للبيت راح وقبل ليطب علي رجع الولد حچه"
-الغريب:هيييو عيونكك أفگسهن إذا تباع بيهن هيج
-علي باوعله بأبتسامه يستفزه بيها:مراح أجاوبك راح أخذك على گد عقلك
-علي الدر:عليي طب جوه كافي
-علي:لخاطرك راح أعوفه باي
-الغريب:دمشي للك زعطوط
-علي الدر:خويه شنو سالفتك جاي هداده تدري لو صاير بي شي چان دفنتك هنا
-الغريب:لا هداده ولا شي بعدين هذا الأغم شيصير منك
-علي الدر زفر بغضب:اللهم طولج يا روح أخويه هذا ولعلمك معروف عدنا هنا بالمنطقة الي يندك بعلي يطيح حظه بس راح أمشيلكياها لان متعرفنا بعدك
-الغريب:لا إله إلا الله يابه بس دليني القندره المختار ويين هذا البيت عارضي للأيجار وماكتبين كلشي عليه لا رقم لا صخام بوجهم
-علي الدر:النا هذا البيت
-الغريب:يعني شنوو
-علي الدر:يعني البيت مالتي وأني عارضه للأيجار
-الغريب:ها وبأسم منو خو مو لهذا العار
-علي الدر تنفس بغضب:لا بأسمي بابا دا أگلك مالتي
-الغريب:أي زين أنت أعقل من هذاك
-علي الدر:خاف ما عاجبك
-الغريب:لا مابيك شي بس بيش تأجره
-علي الدر:بالشهر مليون
-الغريب:لييييش شنووو مأجر بالمنصور لو على جزر المالديف
-علي الدر أبتسم بأستفزاز:چا شتريد
-الغريب:اي شنو مليون كول 300 600 هم بيها مجال بس الظاهر متريد تأجر خلي على گلبك أحجر بي أخوك
-علي الدر:هذا العندي ما عجبك روح شوفلك غير منطقة
-طلع علي طبگ وياهم على الخط:أيييي روح شوفلك غير منطقة منلفي هيييج شكول هممممج
-الغريب:هم طلللع شلون هسه أجي أخربله معالم خلقته هو أني نص عقل لتخليني أفصل عليك ومحمد أدميك
-علي الدر:أنت تگعد وحدك بالبيت لو عائلة وياك
-الغريب:وحدي
-علي:هلووو علمود يسوي البيت دع*** بله ليش تگعد وحدك ما عندك أهل لو طارديك حقهم والله منو يتحمل يشوف هيج شكول يوميه
-الغريب:أهووو روح طب جووه رووح راحت روحك
-علي:كش بره وبعيد بعيد الشر عني يئطع عومرك ما أغلصك أخويه أني أروح أشتري ice cream أبرد گلبي
-علي الدر:قست سكرك
-علي:أيي جان 200 وبلعت حبايه
-علي الدر:أمشي تعال طب لتشتري
-علي جاوبه وهو يركض للأسواق:مااااا
-الغريب:مو أگلك حجره ليتكاثر
-علي الدر:خويه هسه هاهيه تجي تشوفه
-الغريب:لا ميحتاج هو المهم مكان أنطمر بي
-علي الدر:هاهيه لعد الأجار 300 لأن وحدك متخرب البيت
-الغريب:لا يابه شعندي بس ما أريد أثاث
-علي الدر:ما أفتهمت
-الغريب:يعني الأماعين التحفيات المرايات كلهم أعتبرهن متكسرات
-علي الدر:شنو خويه خبل أنت
-الغريب:أييي
-علي الدر:باوع أني راح أنطيك المفتاح راح يصير البيت الك من تريد تطلع ترجعه نفس ما جان وشكو شي خربته تصلحه والتكسره تعوضه هاهيه
-الغريب:أي هاهيه زيين
-علي الدر:أنتظرني ثواني أجيب المفتاح وأجيك
-الغريب:واكف هنا بس أستعجل أريد أنطمر لتجيني الحاله 
"جاب علي الدر المفتاح وأتفقوا على الأجار وسلم الولد الفلوس وأستلم المفتاح"
-الغريب:عاشت أيدك أني راح أستقر اليوم هنا تمام اذا عندك غراض مهمة تريدهن أخذهن هسه
-علي الدر:ما عندي شي مهم
-الغريب:صدك ما عرفت أسمك 
-علي الدر بأبتسامه مد أيده يصافحه:علي الدر
-الغريب:همم وأخوك شسمه
-علي الدر:علي
-خوش يله روح منا أنت وأخوك لتدگون بابي بعد
"علي در سكت ما جاوبه ورجع للبيت فرحان خلص من البيت مالته"
-علي الدر:يمممه
-أم علي الدر:ها وليدي شنو صاير أخوك يطب ويطلع يدردم
-علي الدر:أجونا جيران جدد
-أم علي الدر:صدك والله هلا بيهم باجر أسويلهم نزله من هاي المرتبه و ودوها الهم أفتهمت چم نفر منين جاين وين گعدوا
-علي الدر:يمه على كيفج شبيج متحمسه هو ولد واحد ما أعرف قصته بس مبين عصبي بس معدنه طيب
-علي:شنو ضگته وعرفته طيب
-علي الدر:أنت تحب واحد أيهينك أوديك يمه يعيد تربيتك
-علي:ديله يله كمل خلي نفتهم
-علي الدر:أي هو وحده راح يعيش منين جاي ما أدري ما سألته ولا عرفت أسمه ويين كعدت بالبيت مالتي
-مريم:وييين
-علي الدر:أبيتي أجرته بـ300 وأعتبريها الج هاي كل شهر علمود متگولين شوكت تزوج بعد
-علي:ديله عيني يله هو منو منطيك بعدين أنت وين شايف بنات سوده عليه أقوى شي عندك علي رضا من يتماوعلك وتموع عليه
-علي الدر:شو جيبلي هذا النعال
-علي:شتسوي بي
-علي الدر:أتشاقه بي وياك
-علي:هاهاها متضحك
-مريم:ولك عللللي شگد تلغي أنت أسكت خلي أفتهم علي الدر يمه ليش أجرت البيت لوعايفه على الأقل يظل مرتب على حطت أيدك
-علي الدر:ما أدري گلبي ما أنطاني أعوفه حاير جان يدور مكان أينام بي
-مريم:يا سوده عليه لعد يمه خلي أسويلك ريوك وديله خطيه
-علي:هو أحنا ما سويتيلنا ريوك تسوين للوادم عود شوفوني أني شاطره بالبيت
-أم علي الدر:أنجب حيوان بعدين مو تگولون وحده عايش روحوا تريگوا وياه
-علي:عييييع أنييي أروح أكل ويه هذا الهمجي أصلا شكله مبين لو مخبل لو مجرم والعياذووو بلاااه
-علي الدر ضحك ودمغ علي:يمه عوفي الريوگ هسه سمعي تدرين الولد گلي شغله دا أفكر بيها يمكن حچيه صحيح
-علي:طبعاً تعوف الريوگ مو ماكلين بس علي عادي يظل جوعان مثل المطي
-مريم:يمه أكو چاي وجبن بالثلاجه وأني علي الدر تعال شنيه الحچايه الي گلك عليها
-علي الدر:يگلي أحجر أخوك شنو رأيج
-مريم جاوبته وهي خربانه ضحك:والله يمه صحيح خوش فكره
-علي:أيييي مو تايهلكم وتحجروني والله بس ترجع ببيتي أروح يمها وما أجيكم بعد
-إيلا:مااامي جعت
-علي:تعاي أكليني
-إيلا:عيع ما أكل قمامة
-علي:لا يا قمامة أصلاً مو صوجكم صوجي أني واكف أحچي وياكم أني أنسان فرحان ليش أخرب فرحتي بالنقاش وياكم
-علي الدر:صدددك ما گلت وين الشكر
-علي:ها ياشكر
-مريم:أيي صدك وين الشكر
-علي:أهوووو راح تصعدون سكري أروح أقره أحسن مستقبلي مهم
-علي الدر:همممم أبو المستقبل يله ولي
"راح علي أخذ فواكه وچاي وجبن وصعد يكمل دراسته و إيلا أكلت فواكه وراحت تكمل واجباتها وعلي الدر طلع يشتري الغراض الي أمه تريدهن للعزيمه صارت بـ3 الظهر بدوا يتحظرون علي الدر وعلي بدلوا وتحضروا علمود يستقبلوهم"
-علي:بله أكو وااحد يعزم أهله وجهاله جوعانين
-حيدر:ليش أنت جوعان
-علي:لا ريوگ ولا غده
-مريم:ماما شنو جوعان مو أخذت ماعون بگد راسك أكل وصعدت
-علي:أحس جوعان
-علي الدر:الزم أحساسك ورگعه بالنعال
-علي:هاهاها
-مريم:زين هسه مو صبيتلك ماعون تمن ومرگه مال بارحة
-علي:أييي صدددك لعد مو جوعان يله
-علي الدر:بس هيج نقه
"ساعة بـ4 أول عائلة وصلوا بيت أبو شاهين"
-أحمد دخل أول واحد:السلام عليكم
-الكل:وعليكم السلام
-حيدر:يا هلا ومية هلا
-مريم:شرفتونا ونورتونا
"تسالموا وكلهم چانوا كلهم جاين ما عدا نرجس"
-شاهين گعد بصف أبوه: أحم أگلك حجي
-أحمد:أنجب
-شاهين:رحم الله والديك
-أحمد:ألوله ويين ما شفناها
-شاهين همس لأبو:لتگول ألوله مية مرة گايلك مو حلو
-حيدر:هسه تجي دتبدل بعدهي
-أحمد همس لشاهين:أرتاحيت هسه راحت الدوده
-علي الدر مركز بكل تحركات شاهين:شاهين حبيبي القنفه چبيره شبيك راح تگعد بحضن أبوك شنو مستحي
-شاهين ضحك وأبتعد عن أبوه:أي والله شويه أخاف من أبنكم الچبير متحرش
-علي الدر:دگوم خلي نطلع بره أتحارش بيك براحتي
-ضحك شاهين وطلعوا:أكللك قفار راح يجي موو
-علي الدر:أسكت ولك متدري طلع شمسوي هذا الحيواان ااخ لو أشرب من دمه هم ميبرد گلبي
-شاهين سأل بأستغراب: ليش شمسوي
-علي الدر تعمد يسولف القصة بالتفاصيل:لك هذا الحيوان طلع يتحارش بإيلا گارصها من خصرها مسوي أزرك وگارصها من أيدها حتى اللحم مجلوخ وگعدت تبچي وتفرفح
-شاهين صار أعصاب والرجفه سيطرت عليه بسرعه گعد على الكرسي يحاول ميبين لعلي الدر:أحم ايي وهسه شراح تسوي
-علي الدر أنتقلت نظراته من عيون شاهين الي صارن حمر لعروگه الي كلهن برزن لأيده الي ترجف وقابضها لفت أنتباه رد فعل شاهين فحاول يستفزه:ما أسوي ب..
-شاهين عاط بي:لكككك شنووو أنت گررررررن تقببببل بهذا هييييج يسووي بأختك وتسكتله
-علي الدر أستغرب من أنفعال شاهين المبالغ بي باوعله بنظرات شك:عفواً منو گلك راح أسكت أنت خليتني أكمل حچي بعدين ليش هيج أنفعلت باوع أيدك شلون ترجف
-شاهين:أي لعد شنو تگووول ما أسوي شي بعدين بت عمي يعني عادي أنفعل وأضوج من أحد يأذيها
-علي الدر:همم گتلي على فكره تره أنت حالك حاله
-شاهين بعد ما تحمل كام ودفر الكرسي:شلووون يعني حالي حاله علي الدر تقارني وبواحد ناقص غيره وشرف
"هنا إيلا چانت هستوهي نازله ولابسه السوت الفوشي مالتها وحجابها الأبيض وخاله حمره سحريه عبالها مرطب"
-إيلا:سلااام عمو شلونك
-شاهين مجرد سمع صوتها رخت أعصابه و وگفت رجفت أيده دار وجهه عليها باوعلها ومَيل راسه ومقلص عيونه مركز بيها:وعليكم السلام بعد عمچ بخير أنتي شلونج
-علي الدر ضرب على ظهر شاهين بكل قوه:هاا خويه سالميين شبيك
-شاهين:اااخ شبيك خبللل شكووو
-دخل علي الدر من باب المطبخ:أمشي يله تعال خلي نطب حاره
"شاهين رجع باوع لإيلا چانت واگفه يم باب الصالة وأنتبه لملابسها جديدات ما شايفهن قبل"
-شاهين بأبتسامة:بالعافيه ملابسج حلو
-إيلا أنصدمت:شكراً بس شمدريك جديدات عمو
-شاهين أنتچه على الباب ويباوعلها:أفاا عليج إذا أني ما أعرف منو يعرف
-إيلا:علي الدر
-شاهين وكف عدل ودار وجهه ما لگه أحد:ويينه
-إيلا:منو
-شاهين:علي الدر وينه
-إيلا:طب جوه بس مو أنت گلت إذا أني ما أعرف منو يعرف دا أگلك علي الدر يعرف
-شاهين:خرب يومج شگد فطيرة
-إيلا:فَطيرة لو لحم بعجين
-شاهين ضحك بصوت عالي:طلعتي هم تنكتين مثل علي
-إيلا:يگولون أخوويه يصير
-شاهين:هاا ولا مبين
"إيلا گامت تضحك وشاهين سرح بيها وأنتقلت نظراته من عيونها لشفايفها الي صايرات ورديات مَيل راسه وأبتسم"
-إيلا:صددك عمووو ليش ما جبتوا نرجس
-شاهين هز راسه ووگف عدل:أحم نرجس زعلانه بيت أهلها
-إيلا:يااا خطيه
-شاهين:يله أمشي خنطب تعبت
-إيلا عافت شاهين وراحت تركض للمطبخ لگت علي الدر واگف يخابر صاحتله:علي الدر
-علي الدر چان منفعل ويه المكالمة دار وجهه عليها وصفن عليها بعدين باوع على شفايفها ورجع يباوع بوجها:أكلك حبيبي بعدين أخابرك لتسوي كلشي هسه
-الطرف الآخر:تمام يله مع السلامة سيد
-علي الدر:الله وياك حبيبي
"غلق علي للدر الأتصال ودار وجهه على إيلا"
-علي الدر:إيلا هاي شخاله بحلگج
-إيلا:علچ
-علي الدر:لا مو هيج،قصدي خاله حمره
-إيلا:لااا
-علي الدر جاب كلينس وأجه:هاج مسحي بنيتي
-إيلا مسحت حلگها:شووف ماكو
-علي الدر:يله عوفيها عود بعدين نشوف شنو هاي
"راحت إيلا وعلي الدر راد يسد الباب مال مطبخ بس شاف شاهين واگف بره ويشرب جگاره"
-علي الدر طلع لشاهين شافه صافن ضربه على جتفه وصاح:هاااا
-شاهين فز:وجعاا شبيك خرعتني
-علي الدر:ليش صافن بيمن تفكر
-شاهين:بيك أگول شوكت يزوج ويفكنه ويا رب وحده أم لسان تلفك لف
-علي الدر:أنچب عزيزي
-شاهين:شكراً مولاي
-علي الدر بأستفهام:عزيزة گلبك وين عايشه
-شاهين:بيت أهلها وين يعني
-علي الدر:اللله والله معلومة قوية
-شاهين:شتريد
-علي الدر:أريد اتأكد من شغله يله أن شاء الله البالي مو صحيح
-شاهين:وشنو الي أبالك بلا زحمة
-علي الدر:أمشي بعدين تعرف
-علي:هلااا هاااي شنوو هااي شاهين ودردوري طالعه صواتون في خنائه يا وييلي وسواد لييلي
-شاهين:تعال عللي عندي سالفه وياك
-علي طوق رگبة شاهين وباوع بعيونه ويحجي بتماوع:أوووي سالفة خاصة يعني نصعد فوك
-شاهين:خويه أنت شنو سالفتك مشتهي ومسحتي رحمه للكائنات
-علي:أنچب لككك أني زلمه خشن
-علي الدر بأستهزاء:همم
-علي:مع الأسف عليك عود هذا أنت أخويه وساعتين أمده الخوه أي والله
-شاهين:هسه غير ينچب ويسمعني أريد ألغي
-علي:أيي الغي يله أسمعك
-شاهين:أنت صدك تحب شمس لو هيج تمض**
-علي:تؤ تؤ تؤ مع الأسف عليك تشك بيه لك بووويه غير ميت بيها أني بس كون الله يهدي سونه وليعنفص
-شاهين:سونه منو
-علي:عمك وعمي حسين شبيك
-شاهين:الله يطيح حظك وچماله يريد بته
"أندك الجرس وأجوي بيت أبو قمر و أبو ذو الفقار"
-علي راح يركض فتح الباب:ياااا هلا وميييية هلا نووورتونا
-حسين:شبيك عمي ليش تصيح
-علي:غير مشتاقلك وأستقبلك أستقبال حار
-حسين:بويه هو غير أنت اليوم چنت يمنا وطردتك
-علي:رحم الله والديك طب يله مو صوچك
-طبت قمر وهي تخزر علي:ها روميو شلونك
-علي:ها أبو شهاب زين أنتي شلونج
-قمر:معليك شمس ورايه بسرعة
-شمس:سلام
-علي:يا بعد هلي بويه من أشوفج يَعُم السلام على گلبي
-قمر وهي تخزر بعلي:شممممممس يله تعاي
-علي الدر:هاا ولج أم عقده شلونج
-قمر بأبتسامه:زينه الحمد لله بس گول لأخوك يثگل لا أسحله
-علي الدر ضحك:بويه عوفيهم عايشين اللحظه
-شاهين:هلا هذا فقااارو شلونك حبيبي تعال سلم شبيك خجلان چنك واحد بايگله بوگه وخايف ينكشف
-ذو الفقار بأستغراب:أني خايف منو گلك
-شاهين تقدم على ذو الفقار ومد أيده يصافحه:شلونك
-ذو الفقار مد أيده وصافحه:زين أنت شلونك
-شاهين عصر أيد ذو الفقار قوي:زين زين
-ذو الفقار:شاهين أيدي راح تكسرها
-شاهين جر فقار عليه وهمس بأذانه:علمود مرة ثانية متمده على إيلا وحسابك ما خلص هاي مقبلات
-علي الدر:يابه تفضلوا يله شاهييين يله بووويه
" دخلوا كلهم للبيت والزلم گعدوا يتفاهمون على العركة الي صارت وقرروا يتأجل كلشي لحد ما يجي أبوهم من إيران"
"بدوا بتجهيز العشه چانت أم علي الدر مسويه دجاج مشوي و كباب نوعين و كبه وبورك وفنگر ودولمه و أم قمر هيه وبناتها مسويات مقبلات فتة و بذنجانية حمص بطحينة وأم شاهين مسويه حلاوة الشعرية الباكستانية وچلي بالفراولة تحبه إيلا وأم ذو الفقار كل عادة متجيب شي وياها"
-مريم:ليش هيج متزحمين يا عيني گتلكم ميحتاج كلشي تسون چان أني سويتهم عاشت أيدكم
-نور:يا خيه ماكو زحمه شنو الفرق أحنا خوات
-علي شاف شمس طبت الغرفة إيلا راح وراها بسرعه طب وسد الباب:أحم أحم
-شمس شهگت بخوف:عزا عزا عزا راح تفضحنا والله هسه تجي قمر ترزلني حباب
-علي:بعدين ما حاچي شبيج وراح تموتين بويه
-شمس:علي حباب لتسوي هيج والله أزعل منك
-علي مَيل راسه مركز بملامحها:شمسسي
-شمس:همم
-علي:دوهنتيني وضيعتي گلبي الرچيچ
"شمس أنعگد لسانها وصفنت بوجه علي"
-علي أبتسم:شبيج وصواصه الصفنه مو الج
-قمر أفتقدت شمس بسرعة دارت وجها لعلي الدر:علييي الدررر
-علي الدر:صوتچ بويه شكوو
-قمر رفعت أصبعها بوجه على الدر تهدده:هاي أخر مررة أحذرك أخوك لزمه ولتخلي يركض وره شمس
-علي الدر خزر قمر وحچه بنبرة غضب:أصبعج نزلي وهاي آخر مرة تسوين هاي الحركة بعدين هو وينه علي
-قمر:ما أدري گوول لرووحك ماهمه ثنيناتهم ماهمه
-علي الدر:قمررر صوووتج لتعلي تره تعرفين شسوي
قمر:علي الدر أخوك لزمه لخاطر الله
-علي الدر صاح بصوت عالي:لك علللللللي
-علي عاف شمس وطلع مستعجل:هااااا شنو صااار
-علي الدر جر علي من ياخته وهمس بأذانه بغضب:وييين چنت
-علي:دا أب**
-علي الدر ماگدر يخفي أبتسامته ضحك وگله:بالعافيه حبيبي بس شمس وين
-علي:ويايه
-علي الدر:هااا
-علي:أقصد فوگ چانت بغرفة إيلا
-علي الدر:همم خوش قمر خاتون
-قمر أتخوصرت وتباوع لعلي الدر:نعم تفضل
-علي الدر:لا حول ولا قوه إلا بالله ولج بابا هو أنتي چنتچ قوطية ببسي ليش تخليني أفعصچ هسه
-قمر:نننننن متضحك سيد
-علي الدر:بويه العلويات وخبالاتهن أختج فوگ بغرفة إيلا
-قمر:وشعدها
-علي الدر:وشمدرييني أني روحي شوفيها دهرتينا
-قمر راحت وهي باوع لعلي الدر بطرف عينها وحولت عيونها:أبكيفي سييييد
-علي الدر:أستغفر الله شلون راح أطلعنا من دين محمد
-أجه علي گمز على ظهر علي الدر:هااا
-علي الدر:وجعا شكو
-علي:تحب قمر
-علي الدر:أخويه أحس جلدك يحكك
-علي:هه عندي أيد أحكه عاشت أيدك لتزحم
-علي الدر:يله ولي لعد
~~~~~~~~~~~~~~~~~~~~~~~~~~~~~~
في مستودع مهجور...
ساعة 12:00 ليلاً
-السفاح:ذيب
-ذيب:عيون گلبي أؤمر مولاي
-السفاح:ميأمر عليك ظالم حبيبي بس شغلي عقلك خلي نتفق
-ذيب:عقلي مشتغل أحجي يله
-السفاح:شوف هل مره المكان الي أراقب منه قريب يعني أي خطأ أنكشف
-ذيب:ليش متروح أبعد وأجيبلك قناص أقوى
-السفاح:تؤ تؤ ميحتاج هذا شخصية چبيرة عدهم يعني متحظرين مية بالمية فمكان بعيد يتعبني
-ذيب:هاهيه الي يريحك سوي بس ما گتلي أني شنو راح أسوي هم بس أباوع من بعيد
-السفاح:لا هل مرة راح تصعد ويايه گتلك خاف يصير شي علمود أنت موجود بس أسمعني عسى ما تشوفني دا أرفس بالكاع تكتله لهاذا وتجيني بعدين متعوووفه سمعتنييي
-ذيب:هاهيه أعتبره مات بس سؤال هذا الباشا لو واحد من جلابه
-السفاح:لا هذا الأعور واحد من جلابه الكبار الباشا مو هسه دوره بعد عندي البتار الأيد اليمنه للباشا إذا گتلته يعني الباشا أنتهى
-ذيب:أُباااا ناوي توصل للبتار
-السفاح:تؤ ناوي أمسحهم من بؤرة أبيهم
-ذيب:زين أسألك سؤال
-السفاح:مو هسه خلي نصعد بعدين أسأل عود
-ذيب:يله أصعد
"صعدوا السفاح وذيب وجهزوا نفسهم وگعدوا ينتظرون"
-ذيب:سفاحي سمعنا صوتك
-السفاح أبتسم وبدأ يقرأ:
تسرح عيوني بـْ جمالَك .. عوّدتني
من يسد خلّة وصالك .. لو عفتني
صبري بعدك مستحيل
و انتَ ناوي اعلى الرحيل.. عودتني
-ذيب بأنزعاج:أسكت يله كافي ما أريد أسمعك
-السفاح هستوه ديريد يرزل ذيب وشاف صارت حركة بالمكان الي مراقبي:ششششش لتحجي خلي أركز
"ذيب سكت وركز بحركات السفاح ويسمعه يردد بينه وبين نفسه(راح أخذ بثارك راح أكتلهم كلهم)طلع الشخص المطلوب"
-السفاح:طلع الأعور صاحبنا
-ذيب:يا الله يله بسرعة گتله طگني الجوع
-السفاح دار وجهه لذيب وخزره:تولي من وجهي لا أدفرك
-ذيب:ترا أشتكي عليك وأخليك تخيس بالسجون مو ماخذني بالعين الصغيرة عود يعني أحبك ما أسويلك شي
-السفاح:أسكت رحمة لدينك بس خلي أكل خ** خ** بيك
-ذيب فطس ضحك ونگلب على ظهره يباوع للسمه:يله أكل حبيبي راح أحسب النجوم أني
"من وضحت الرؤية عند السفاح وثبت الخصم مكانه صار صوت طلقة من بعيد وتمدد الأعور ميت"
-ذيب بسرعة نگلب:شنوو صار هاااي منو گتله
-السفاح بصدمة:ما أدري بعدني ما رميت أني
-ذيب أخذ المنظار ويباوع بأرجاء المكان:الصوت من مكان ثاني
"ذيب وجه المنظار على الجهه اليمنه شاف ضوه طفيف يروح ويرجع ما مبين زين قرب العدسات اكثر شاف شخص ملثم بلثام الهيكل العظمي سوه تحيه لذيب ورجع نزل راسه للقناص التفت ذيب على السفاح الي چان منطي ظهره وشاف نقطة حمره موجهه على راسه"
-ذيب:سفاااح ديربالك...
~~~~~~~~~~~~~~~~~~~~~~~~~~~~~~
في المصح...
-ناز:هييوو بيت أبوك وتطردني بعدين ما عندك فضول تعرف شنو الخطه مالتي
-آليس زفر بملل:مو گلتي ما أگول
-ناز:لا يله راح أگلك
"بدت ناز تسولفله الخطه مالتها وگعدوا يعدلون عليها وسولهم خطة جديدة مضبوطة مية بالمية"
-آليس:يله أنگلعي وبـ12 تعالي
-ناز:مو عيب شيگولون عليه
-آليس:ديله يله هو خبله بعد شيردون يگولون
-ناز:أنت خبل هيو يتجاوز مو ضحكت بوجهك تاخذ راحتك
-آليس:دوليي خلي أنطمر
-ناز:بااي
ساعة بـ12
-ناز دفرت الباب وطبيت:صباح الخير
-آليس شال راسه باوعلها:هسه مال أكوم أدوس بمصارينج هم يطلع وراج گ*** يگلي ليش
-ناز:نننن يله گوم بدل تره أعوفك و أروح
-آليس:أستغفر الله گعدي أستچني هسه بـ3 عود نطلع
-ناز گعد وكل شويه تنافخ بملل:هفففف ضجت
-آليس:أركصلج
-ناز گامت تضحك:خرررب متت دا أتخيلك تركصلي
-آليس أبتسم:سكتي فضيحة كافي
ساعة بـ3
-آليس:يله مكمله
-ناز:أيي أطلع يله
-آليس:الحرس نايمين هسه أكو بس واحد
-ناز:كون ميطلع بوجهنه
-آليس طلع سلاحه وخله الكاتم:إذا طلع بوجهي يعني عزرائيل مشتاقله
-ناز:يله أطلع هم مخبل وهم مجرم
"طلعوا ومشت الخطة مثل ميريدون بقى بس باب واحد ويصيرون خارج المستشفى"
-ناز:أكووو طگطگة ورايههههه
-آليس:لج بت الكلب سمعونه من عيطتچ شبيچ مگروووصه
-ناز ضربته على حلگه بقوة:لتصيح بوجهي
-آليس بغضب:أنعل أبوج لا أبو الخلفچ خليني محترمج ما ماد أيدي عليج لتتحيونين ب...
"آليس أنقطع كلامه من شاف 3 ولد مسلحين وره ناز"
-آليس ضحك بخفة:ها عيوني شنو الأخبار منو دازكم
-المسلح:وين رايحين أنتو
-آليس:والله شوفت عينك راح نشرد وكل واحد بطريق لا أني أعرفها ولا هيه تعرفني
-ظلوا يباوعوله واحد منهم گال:هيو تعال قبل لتشرد تندل غرفة رقم 111
-آليس باوع لناز ولزم أيدها ما خلاها أدير وجهه:أي أندلها بس ليش تسأل
-المسلح:أكو وحدة بالغرفة دازينا عليها نريدها
-ناز بسرعة صعدت اللثام مالتها وآليس أبتسم على غبائهم:هااا باوع تطلع گبل بعدين على اليمنه بس سؤال أكو حارس بالباب شلون دخلكم
-المسلح:گتلنا ويله أطلع منا لنگتلك أنت وصاحبتك هاي
-آليس:رحم الله والديك حبيبي الله يكثر من أمثالك بطريقي
"ناز لزمت أيد الآليس و راحوا بأتجاه معاكس لأتجاه المسلحين"
-ناز بهمس:هذا أبويه دازهم أكيد
-واحد من المسلحين ألتفت سحب أقسام وصاح:يووولد أوكف مكانك...
~~~~~~~~~~~~~~~~~~~~~~~~~~~~~~
لثام الشخص الي شافه ذيب...

~~~~~~~~~~~~~~~~~~~~~~~~~~~~~~
جميلاتي الجميلات💗✨

شنو رأيكم بالبارت😌وشنو توقعاتكم للبارتات الجايه😎

حسابي الأنستا:al_remim

أقتباسة اليوم✨‏تجرُبة فاشلة،والخَسارة كانت راحتي✨